Gujarati News

Gujarati News

News of Thursday, 6th December 2018

ન્યુ રાજદિપ સોસાયટીનો ધવલ ઉર્ફ લોધો પાસા તળે સુરત જેલમાં ધકેલાયો

ઇ-ગુજકોપ પ્રોજેકટમાં ચેક કરતાં લૂંટ, વાહન ચોરીઓના ગુનામાં સંડોવાયાનું ખુલતાં કાર્યવાહીઃ ભકિતનગર પોલીસ, પીસીબી અને ડીસીબી સ્ટાફે હુકમ તૈયાર કર્યો

રાજકોટ તા. ૬: મિલ્કત વિરૂધ્ધના ગુના આચરતા શખ્સોને પાસામાં ધકેલવાની પોલીસ કમિશ્નર મનોજ અગ્રવાલની ઝુંબેશ આગળ વધી છે. અગાઉ છરી બતાવી લૂંટ કરવી, વાહન ચોરી કરવી સહિતના ગુનામાં સંડોવાઇ ચુકેલા ન્યુ રાજદિપ સોસાયટી-૧ના ધવલ ઉર્ફ લોધો કિશોરભાઇ પતરીયા (ઉ.૨૨)ને પાસા તળે સુરત જેલમાં ધકેલી દેવામાં આવ્યો છે.

ઇ-ગુજકોપ પ્રોજેકટમાં ધવલનો ગુનાહિત  ઇતિહાસ ચકાસતાં તે ગાંધીગ્રામ, માલવીયાનગર, બી-ડિવીઝન, થોરાળા અને ભકિતનગર પોલીસ મથક હેઠળ લૂંટ, વાહનચોરીઓમાં સામેલ હોવાની માહિતી મળી હતી. તે અંતર્ગત દરખાસ્ત તૈયાર થતાં શ્રી અગ્રવાલે મંજૂર કરી હતી.

ભકિતનગર પી.આઇ. વી. કે. ગઢવી, હેડકોન્સ. નિલેષભાઇ મકવાણા, ઘનશ્યામભાઇ મેણીયા, મહેન્દ્રસિંહ ડોડીયા, ભાવેશભાઇ મકવાણા, પીસીબીના પી.આઇ. એમ. ડી. ચંદ્રવાડીયા, પીએસઆઇ વી. જે. જાડેજા, હેડકોન્સ. રાજેશભાઇ દહેકવાડ, શૈલેષભાઇ, ઇન્દુભા, રાહુલભાઇ, અજયભાઇ, ડીસીબીના વિરેન્દ્રસિંહ જાડેજા સહિતે હુકમ તૈયાર કરવામાં અને બજવણીમાં કાર્યવાહી કરી હતી.

(3:54 pm IST)
  • ગીરમાંથી સિંહણનો મૃતદેહ મળી આવ્યોઃ સિંહણના ૩ બચ્ચા લાપતા: ગીર સોમનાથના આંબળાશ ગામે સિંહણનો કોહવાયેલી હાલતમાં મૃતદેહ મળી આવતા ખળભળાટઃ વન વિભાગે ત્વરીત તપાસ શરૂ કરી access_time 11:57 am IST

  • દિલ્હી મેટ્રોની બ્લુ લાઇનનું સિગ્નલ ફેઈલ :હજારો મુસાફરો પરેશાન :ટ્રેનો કલાકો સુધી સ્ટેશન પર થોભી : એક બીજા સ્ટેશન જવા માટે પણ ટ્રેનોને 15 થી 20 મિનિટનો સમય લાગે છે : નિયંત્રણ કેન્દ્રોનો સંપર્ક તૂટતા સમગ્ર બ્લુ લાઈન ટ્રેનો પ્રભાવિત : ગાઝિયાબાદ અને નોઈડાને વેસ્ટ દિલ્હીના દ્વારકાથી જોડનારી લાઈનમાં પેહલા કકરોલબાગ અને દ્વારકા સેક્શન વચ્ચે અને પછી સમગ્ર લાઈનમાં સિગ્નલ ફેઈલ થયું access_time 1:16 am IST

  • કોંગ્રેસ-જેડીએસ ગઠબંધન સરકાર અતૂટ :ભાજપ નેતાઓ પહેલા જ દિવસથી સરકાર તોડવાની વેતરણમાં : કુમારસ્વામીએ ભાજપના નેતા પ્રકાશ જાવડેકરના દાવાને ફગાવ્યો : કુમારસ્વામીએ કહ્યું કે ભાજપ છેલ્લા છ મહિનાથી સરકાર ગબડશે તેવી કાગારોળ મચાવે છે : પરંતુ તેની કર્ણાટક સરકાર પર કોઈ અસર પડશે નહીં access_time 1:14 am IST