Gujarati News

Gujarati News

News of Thursday, 6th December 2018

પોકેટ કોપ એપની મદદથી થોરાળા પોલીસે કોટડા સાંગાણીની વાહનચોરીનો ભેદ ઉકેલ્યો

વિનોદનગરના અફઝલ જૂણેજા નંબર પ્લેટ કાઢીને ફેરવતો'તોઃ તાલાલાના સાંગદરા રહેતાં તેના મિત્ર હુશેન તાજમહમદે બાઇક આપ્યાની કબુલાત

રાજકોટ તા. ૬: થોરાળા પોલીસ સ્ટાફની ટીમ થોરાળા વિસ્તારમાં અમૂલ ચોકડી ખાતે વાહન ચેકિંગમાં હતી ત્યારે નંબર વગરના બાઇક સાથે આરોપી એક શખ્સ પસાર થતાં તેને અટકાવી કાગળો માંગતા ગલ્લા તલ્લા કર્યા હતાં. પુછતાછમાં તેણે પોતાનું નામ અફઝલ મામદભાઈ જુણેજા (રહે. વિનોદનગર) જણાતાં પોલીસને શંકા ઉપજતાં પોકેટ કોપ એપ્લિકેશન મારફત બાઇકના એન્જિન ચેસીસ નંબરની તપાસ કરતાં આ બાઇકકોટડા સાંગાણી તાલુકાના સોળિયા ગામના બાબુભાઈ ઘુસાભાઈ મેટાલીયાનું હોવાનું જાણવા મળ્યું હતું. બાબુભાઇનો સંપર્ક કરવામાં આવતા તેણે પોતાનું વાહન ગામમાંથી ૧૫ દિવસ પહેલા ચોરાઇ ગયાનું કહેતાં અફઝલ ભાંગી પડ્યો હતો અને એવી કબુલાત આપી હતી કે તાલાલાના સંગોદરા ગામનો તેનો મિત્ર હુશેન તાજમહમદ બ્લોચ રાજકોટ ભણવા આવ્યો છે અને તેણે પોતાને આ બાઇક ફેરવવા આપ્યું છે. આ મામલે કોટડા સાંગાણી પોલીસમાં વાહન ચોરીનો ગુનો પણ નોંધાયો હતો. આમ પોકેટ કોપ એપ્લિકેશનને આધારે વધુ એક વખત વાહનચોરીનો ગુનો ડિટેકટ થયો છે.  પોલીસ કમિશ્નર મનોજ અગ્રાવલ, જેસીપી સિધ્ધાર્થ ખત્રી,  ડીસીપી રવિ મોહન સૈની તથા ઇસ્ટ ડિવિઝન ના એસીપી પ્રદીપસિંહ જાડેજા ના માર્ગદર્શન હેઠળ થોરાળા પોલીસ સ્ટેશનના પો.ઈન્સ. એસ. એન. ગડું, પો.સ.ઇ. પી.ડી.જાદવ તથા સ્ટાફના એ.એસ.આઇ. બલભદ્રસિંહ, ભુપતભાઈ, લાખાભાઇ, અજીતભાઈ, પો.કો.કનુભાઈ, નારસંગભાઈ, ભરતસિંહ, કેલ્વિન સહિતના સ્ટાફે આ કાર્યવાહી કરી હતી.

(3:53 pm IST)
  • સુરત :જાપાની કંપની ઝીકાના અધિકારી આવતીકાલે સુરત અને નવસારીના ખેડૂતોની કરશે મૂલાકાત :બુલેટ ટ્રેન અને જમીન સંપાદન મુદ્દે ઝીકા કંપનીના આધિકારી ગુજરાત ખેડૂત સમાજ સાથે પણ કરશે ચર્ચા access_time 2:39 pm IST

  • કોલકાત્તામાં 7 ડિસે થી ભાજપની રથયાત્રા માટેની માંગણીને હાઇકોર્ટએ ફગાવી : ભાજપ પ્રેસિડન્ટ અમિત શાહના નેતૃત્વ હેઠળ આવતીકાલથી વેસ્ટ બેંગાલમાં આયોજિત કરાયેલી રથયાત્રાને હાઇકોર્ટએ મંજૂરી નહીં આપતા ડિવિઝન કોર્ટના દ્વાર ખખડાવ્યા : જરૂર પડ્યે સુપ્રીમ કોર્ટ સુધી જવાની તૈયારી access_time 6:55 pm IST

  • દિલ્હી મેટ્રોની બ્લુ લાઇનનું સિગ્નલ ફેઈલ :હજારો મુસાફરો પરેશાન :ટ્રેનો કલાકો સુધી સ્ટેશન પર થોભી : એક બીજા સ્ટેશન જવા માટે પણ ટ્રેનોને 15 થી 20 મિનિટનો સમય લાગે છે : નિયંત્રણ કેન્દ્રોનો સંપર્ક તૂટતા સમગ્ર બ્લુ લાઈન ટ્રેનો પ્રભાવિત : ગાઝિયાબાદ અને નોઈડાને વેસ્ટ દિલ્હીના દ્વારકાથી જોડનારી લાઈનમાં પેહલા કકરોલબાગ અને દ્વારકા સેક્શન વચ્ચે અને પછી સમગ્ર લાઈનમાં સિગ્નલ ફેઈલ થયું access_time 1:16 am IST