Gujarati News

Gujarati News

News of Sunday, 6th October 2019

દહેજ અને ઘરકામ બાબતે નયનાબેન રાઠોડ તથા નિધીબેન જોષીને પતિ-સાસરિયાના ત્રાસની ફરિયાદ

રાજકોટઃ બે જુદા-જુદા બનાવમાં પરિણીતાઓને ત્રાસ આપવાની ફરિયાદ થઇ છે. ચામુંડા નગર ખીજડાવાળા રોડ પર રહેતી નયનાબેન પ્રકાશ રાઠોડ (ઉ.૨૭)એ પોતાના પતિ પ્રકાશ, સાસુ જેઠીબેન તથા સસરા પ્રેમજીભાઇ માવજીભાઇ રાઠોડ અને નણંદ દયાબેન મયુરભાઇ પરમાર વિરૂધ્ધ મહિલા પોલીસમાં ફરિયાદ કરી છે. આ બધાએ એકસંપ કરી માવતરેથી તું વધુ દાગીના લાવી નથી તેમ કહી ગાળો દઇ ઘરમાંથી તું બહાર નહિ નીકળે તો ટાંટીયા ભાંગી નાંખશું તેવી ધમકી આપ્યાનો આરોપ મુકાયો છે.

બીજા બનાવમાં મંગળા રોડ શારદાનગર-૧ મનહર એપાર્ટમેન્ટમાં રહેતાં નિધીબેન મિહીર જોષી (ઉ.૨૪)એ પતિ મિહીર તથા સાસુ દક્ષાબેન પ્રકાશભાઇ જોષી વિરૂધ્ધ ફરિયાદ કરી છે. બંનેએ ઘરકામ જેવી બાબતે મેણાટોણા મારી અને તારી માએ તને કંઇ શીખવ્યું નથી તેમ કહી ત્રાસ ગુજાર્યાના આક્ષેપો સાથે ફરિયાદ થઇ છે. પી.આઇ. એસ.આર. પટેલની રાહબરીમાં  એએસઆઇ એમ. ટી. પરમાર અને નિતાબેને તપાસ હાથ ધરી છે.

(10:50 am IST)
  • છત્તીસગઢમાં કેશવાનમાંથી એક કરોડની લૂંટ :ગ્રામજનોએ ચાર લૂંટારૂઓને ઝડપ્યા : 20 લાખનું બંડલ ગાયબ : છત્તીસગઢના બેમેતારા જિલ્લામાં એટીએમ કેશવાનમાંથી એક કરોડની લૂંટ કરીને ભાગતા ચાર સશસ્ત્ર લૂંટારુઓ ગ્રામજનોની મદદથી પોલીસે ઝડપી લીધા : ધરપકડ બાદ લૂંટારુઓ પાસેથી 80 લાખ જપ્ત કર્યા : તમામ લૂંટારુઓ હરિયાણાના રહેવાસી :કેશવાનમાં પંચર થતા ટાયર બદલાવતા વખતે લૂંટારૃઓએ બંદૂકની અણીએ કેશવાન લૂંટી : ભાગતા લૂંટારુઓના વાહન પર ગ્રામજનોએ પથરાવ કર્યો પણ ભાગવામાં સફળ થયા બાદ ગ્રામજનોએ ઘેરી લીધા અને પોલીસની નાકાબંધીમાં સપડાયા access_time 12:42 am IST

  • દેશની 49 હસ્તીઓ વિરુદ્ધ ફરિયાદ દાખલ કરનાર વકીલના નિશાના પર છે મુખ્યમંત્રી કેજરીવાલ અને ઇમરાનખાન : વકીલ સુધીરકુમાર ઓઝાએ વડાપ્રધાન મોદીના નામ પર ખુલ્લો પત્ર લખનાર 49 હસ્તીઓ વિરુદ્ધ એફઆઈઆર દાખલ કરવી છે : 1996થી અત્યાર સુધીમાં 745 પીઆઈએલ દાખલ કરાવનાર વકીલ સુધીર ઓઝા હવે કેજરીવાલે આરોગ્ય સબંધે કરેલ ટિપ્પણી અને યુનોમાં ઇમરાને કરેલ ભાષણ સામે મોરચો ખોલશે access_time 1:05 am IST

  • પાકિસ્તાની સેનાએ નિયંત્રણ રેખા પહેલા જ રોકી આઝાદી માર્ચ : પીઓકેની રાજધાની મુઝફરાબાદથી શરૂ થયેલી આઝાદી માર્ચ નિયંત્રણ રેખાની નજીક પહોંચી : પાકિસ્તાની સેનાએ છ કિલોમીટર પહેલા રોકી દીધી : માર્ચમાં સામેલ લોકો સવારે ફરી આગળ વધવા મક્કમ :પ્રદર્શનકારીઓ અને સરકાર વચ્ચે વાતચીત નિષ્ફળ : જમ્મુ કાશ્મીર લિબરેશન ફ્રન્ટે બોલાવેલી માર્ચ ત્રણ દિવસ પહેલા મુઝફરાબાદથી શરૂ થઇ હતી access_time 1:03 am IST