Gujarati News

Gujarati News

News of Sunday, 6th October 2019

ભગવતીપરામાં ખાણ ખનીજ ખાતા ઇન્સ્પેકટર સાથે ટ્રક ચાલક અને કારમાં આવેલા ૩ શખ્સોની ધમાલઃ ફરજમાં રૂકાવટ ખૂનની ધમકી

રાજકોટઃ શહેરના ભગવતીપરા મેઇન રોડ પર ખાણ ખનીજ વિભાગની ટીમ ચેકીંગમાં હતી ત્યારે જીજે૦૧સીવી-૩૦૫૩ નંબરના ટ્રને અટકાવી તપાસ કરતાં ટ્રક ચાલકે ટ્રક ઉભો ન રાખી ઇન્સ્પેકટર તથા સ્ટાફ સાથે ડખ્ખો કરતાં તેમજ કોઇને ફોન કરતાં ગઢવી લખેલી એક સફેદ કાર આવતાં તેમાંથી ઉતરેલા ત્રણ શખ્સોએ પણ માથાકુટ કરી ગાળો દઇ ઇન્સ્પેકટરને ખૂનની ધમકી આપી હતી. આ અંગે જીલ્લા સેવા સદન ખાણ ખનીજ વિભાગના રોયલ્ટી ઇન્સ્પેકટર સંજયભાઇ સુંદરજીભાઇ બારૈયાએ બી-ડિવીઝન પોલીસમાં જાણ કરતાં એએસઆઇ કે. યુ. વાળાએ આઇપીસી ૧૮૬, ૫૦૪, ૫૦૬ (૨), ૧૧૪ મુજબ ગાળો દઇ ફરજમાં રૂકાવટ કરી મારી નાંખવાની ધમકી આપવા સબબ ગુનો નોંધી આરોપીઓની શોધખોળ હાથ ધરી છે.

(10:49 am IST)
  • દેશની 49 હસ્તીઓ વિરુદ્ધ ફરિયાદ દાખલ કરનાર વકીલના નિશાના પર છે મુખ્યમંત્રી કેજરીવાલ અને ઇમરાનખાન : વકીલ સુધીરકુમાર ઓઝાએ વડાપ્રધાન મોદીના નામ પર ખુલ્લો પત્ર લખનાર 49 હસ્તીઓ વિરુદ્ધ એફઆઈઆર દાખલ કરવી છે : 1996થી અત્યાર સુધીમાં 745 પીઆઈએલ દાખલ કરાવનાર વકીલ સુધીર ઓઝા હવે કેજરીવાલે આરોગ્ય સબંધે કરેલ ટિપ્પણી અને યુનોમાં ઇમરાને કરેલ ભાષણ સામે મોરચો ખોલશે access_time 1:05 am IST

  • છત્તીસગઢમાં કેશવાનમાંથી એક કરોડની લૂંટ :ગ્રામજનોએ ચાર લૂંટારૂઓને ઝડપ્યા : 20 લાખનું બંડલ ગાયબ : છત્તીસગઢના બેમેતારા જિલ્લામાં એટીએમ કેશવાનમાંથી એક કરોડની લૂંટ કરીને ભાગતા ચાર સશસ્ત્ર લૂંટારુઓ ગ્રામજનોની મદદથી પોલીસે ઝડપી લીધા : ધરપકડ બાદ લૂંટારુઓ પાસેથી 80 લાખ જપ્ત કર્યા : તમામ લૂંટારુઓ હરિયાણાના રહેવાસી :કેશવાનમાં પંચર થતા ટાયર બદલાવતા વખતે લૂંટારૃઓએ બંદૂકની અણીએ કેશવાન લૂંટી : ભાગતા લૂંટારુઓના વાહન પર ગ્રામજનોએ પથરાવ કર્યો પણ ભાગવામાં સફળ થયા બાદ ગ્રામજનોએ ઘેરી લીધા અને પોલીસની નાકાબંધીમાં સપડાયા access_time 12:42 am IST

  • સોનાની દાણચોરી માટે યુવાનનો નવતર કીમિયો : કસ્ટમ અધિકારીઓએ કોચ્ચી ઇન્ટરનેશનલ એરપોર્ટ પર એક કિલો સોનાની દાણચોરીના આરોપમાં મલપ્પુરમનો નિવાસી નૌશાદને ઝડપી લીધો : નૌશાદે માથામાં વચ્ચે વાળ મૂંડાવીને સોનાને વિગથી ઢાંકી દીધા હતા: મેટલ ડિટેક્ટની પકડથી બચવા માટે સોનાને પેસ્ટ બનાવી છુપાવ્યું હતું access_time 12:31 am IST