Gujarati News

Gujarati News

News of Friday, 6th September 2019

કલેકટર કચેરીમાં સ્પીકર-માઈક માટે વિધાનસભામાં છે એવી સનહાઈઝર-સેમી ડીઝીટલ સિસ્ટમ નખાશે

છાશવારે મીટીંગમાં માઈકો બંધ થઈ જાય છેઃ તે મુશ્કેલી નિવારી શકાશે

રાજકોટ, તા. ૬ :. રાજકોટ કલેકટર કચેરીમાં ચાલુ મીટીંગે છાશવારે માઈકો-સ્પીકર બંધ થઈ જાય છે, પરિણામે કલેકટર-મીનીસ્ટરો કે અન્ય અધિકારીઓનો અવાજ મીટીંગ સમયે કોઈ સાંભળી શકતુ નથી અને મીટીંગમાં અપાયેલ સૂચના શું હતી, તેની સ્પષ્ટ જાણકારી રહેતી નથી, ઘણી વખત અર્થનો અનર્થ થઈ જાય છે.

પરંતુ હવે કલેકટર તંત્રે વિધાનસભામાં છે એવી સનહાઈઝર-સેમી ડીઝીટલ સિસ્ટમ નાખવાનું ફાઈનલ કરી લીધુ છે. આમ તો ૪૦ લાખ આસપાસ ખર્ચ થાય, પરંતુ ટેન્ડર ૩૦ ટકા નીચે આવતા ૨૫ થી ૨૬ લાખમાં આ સિસ્ટમ વિકસાવી શકાશે.

અમદાવાદની પોઝીલીટી કંપનીને ઓર્ડરો અપાયા છે. કુલ ૧૨ સ્પીકર અને ૬૦ માઈક નખાશે. આવી સિસ્ટમ ગાંધીનગર વિધાનસભા ખાતે છે તેવી જ સિસ્ટમ ફીટ કરાશે તેમ સૂત્રોએ ઉમેર્યુ હતું.

(4:12 pm IST)
  • ઉપરવાસમાં ભારે વરસાદને કારણે સૌરાષ્ટ્ર્ના ભડભાદર ભાદર ડેમમાં નવા નીરની આવક : ભાદર ડેમમાં 1500 ક્યુસેક પાણીની આવક થઇ :ડેમની જળસપાટી 27,35 ફૂટે પહોંચી : ઓવરફ્લો થવામાં 6,75 ફૂટ છેટું : access_time 10:34 pm IST

  • પ્રખ્યાત ગાયિકા - કોકિલ કંઠી લતા મંગેશકરને લગતા મોટા સમાચાર સામે આવ્યા છે. સમાચાર મુજબ લતાજીનું ભારત સરકાર દ્વારા ટૂંક સમયમાં મોટું સન્માન કરવામાં આવશે. એક અહેવાલ મુજબ, ભારત સરકાર લતા મંગેશકરને 'ડોટર ઓફ ધ નેશન' એવોર્ડ આપી શકે છે. લતાજી 28 સપ્ટેમ્બરના રોજ 90 વર્ષનાં થઈ રહેવા જઈ રહ્યા છે. આ તકે ભારત સરકાર, સાત દાયકાથી ભારતીય સંગીતમાં યોગદાન પ્રદાન કરવા બદલ વિખ્યાત ગાયીકાનું મોટું સન્માન કરી શકે છે તેમ સુત્રો જણાવે છે. access_time 4:30 pm IST

  • દિલ્હી પોલીસના વિશેષ સેલે જેએનયુની વિદ્યાર્થીની અને કહેવાતી રાજકીય કાર્યકર શેહલા રશિદ સામે દેશદ્રોહનો કેસ દાખલ કર્યો છે. રશિદ વિરુદ્ધ આઈપીસી કલમ 124-એ / 153 એ / 153/504/505 હેઠળ કેસ નોંધવામાં આવ્યો છે. તેના પર જમ્મુ-કાશ્મીરની પરિસ્થિતિ અને સૈન્ય વિશે ખોટી માહિતી ટ્વીટ કરવાનો આરોપ છે. સુપ્રીમ કોર્ટના વકીલ અલખ આલોક શ્રીવાસ્તવની ફરિયાદ પર આ એફઆઈઆર દાખલ કરવામાં આવી છે. શેહલાએ પોતાના ટ્વિટર હેન્ડલમાં દાવો કર્યો છે કે સેના જમ્મુ-કાશ્મીરમાં લોકોને બળજબરી કરી રહી છે. access_time 3:39 pm IST