Gujarati News

Gujarati News

News of Thursday, 6th August 2020

ઘંટેશ્વરની કિંમતી જમીનનો બોગસ દસ્તાવેજ બનાવવાના ગુનામાં આગોતરા જામીન મંજુર

રાજકોટ તા. ૬: ઘંટેશ્વરની કિંમતી આશરે ૬૦૦ વારના પ્લોટના બોગસ દસ્તાવેજ બનાવી વહેંચી નાખવાના ગુન્હાના કામે આરોપીના આગોતરા જામીન મંજુર થયેલ છે.

આ ગુન્હા અંગેની એફ.આઇ.આર. તથા પોલીસની તપાસ મુજબ બનાવની હકીકત એવી છે કે ઘંટેશ્વર ગામના રેવન્યુ સર્વે નં. ૩૩ ના પ્લોટ નં. પ૯ ની જમીન ચો.વા.આ. પ૮પ-૦૦ આનંદીબેન કંચનલાલ પટેલના નામે આવેલ છે જેઓનું મૃત્યુ તા. ર૯/૧૦/૧૯૯૮ ના રોજ થયેલ અને તેઓના પતિ કંચનલાલ પટેલનું અવસાન સને ર૦૧૭માં થયેલ. તેથી સદરહું પ્લોટનું વારસા સર્ટીફીકેટ ફરીયાદી યોગેન્દ્રભાઇ કંચનભાઇ પટેલનાઓએ મેળવેલ અને તે વારસા સર્ટીફીકેટના આધારે ફરીયાદી યોગેન્દ્રભાઇ કંચનભાઇ પટેલ રેવન્યુ રેકર્ડમાં એન્ટ્રી પડાવવા જતા તેઓને માલુમ પડયું કે સદરહું મિલ્કત અંગે બોગસ દસ્તાવેજ થઇ ગયેલ.

સદરહું કામે ગાંધીગ્રામ-ર (યુનિ. પો. સ્ટેશન) ના અધિકારીએ આઇ.પી.સી.ની કલમ-૪૦૬, ૪ર૦, ૪૬પ, ૪૬૭, ૪૬૮, ૧ર૦ (બી) મુજબનો ગુન્હો નોંધી તપાસ આદરતા તપાસમાં એવું ખુલેલ કે આરોપી રસિકભાઇ બેચરભાઇ બોડાએ સદરહું બોગસ દસ્તાવેજમાં સાક્ષી તરીકે સહી કરનાર વ્યકિતની વ્યવસ્થા કરી આપેલ છે અને સદરહું બોગસ દસ્તાવેજ તેઓની હાજરીમાં જ થયેલ છે અને મૃતક આનંદીબેન કંચનલાલ પટેલના નામે રજુ કરવામાં આવેલ બોગસ સ્ત્રીને પણ હાલના આરોપી રસિકભાઇ બેચરભાઇ બોડા ઓળખતા હોય, આરોપી રસિકભાઇ બેચરભાઇ બોડાની ધરપકડ કરવા તજવીજ કરતા આરોપી રસિકભાઇ બેચરભાઇ બોડાએ ગુજરાત હાઇકોર્ટમાં આગોતરા જામીન અરજી ગુજારેલ જે જામીન અરજીના અનુસંધાને કરવામાં આવેલ દલીલ તથા દલીલ સાથે રજુ કરવામાં આવેલ સુપ્રિમ કોર્ટના જુદા-જુદા જજમેન્ટસ ધ્યાને લઇ ગુજરાત હાઇકોર્ટે આરોપી રસિકભાઇ બેચરભાઇ બોડાને આગોતરા જામીન ઉપર મુકત કરવાનો હુકમ કરેલ છે.

આ કામે આરોપી રસિકભાઇ બેચરભાઇ બોડા વતી ગુજરાત હાઇકોર્ટમાં અમદાવાદના એડવોકેટશ્રી સંદિપ આર. લીંબાણી તથા રાજકોટના એડવોકેટ શ્રી નિલેશ સી. ગણાત્રા રોકાયેલા હતા.

(2:53 pm IST)
  • બપોરે ૧ાા વાગ્યે : દેવભૂમિ દ્વારકામાં મુશળધાર વર્ષા ચાલુ : પોરબંદરના બરડા વિસ્તારમાં ભયાનક મેઘ તાંડવ ચાલુઃ અનરાધાર વરસાદ : જામખંભાળીયામાં બેફામ વરસાદ ચાલુ access_time 1:46 pm IST

  • ભારતના પૂર્વ વિદેશમંત્રી સુષ્મા સ્વરાજની આજ 6 ઓગસ્ટના રોજ પ્રથમ પુણ્યતિથિ : મધ્યપ્રદેશના મુખ્યમંત્રી શિવરાજસિંહે ટવીટરના માધ્યમથી શ્રદ્ધાંજલિ આપી જુના સંસ્મરણો વાગોળ્યા access_time 1:37 pm IST

  • રાજકોટની કોવિડ હોસ્પિટલમાં ચેકિંગ દરમ્યાન 8માં સાધનોની ઉણપો જણાતા તાકીદ: પરમ, જયનાથ, મંગલમ,શ્રેયસ, ઉદય સહિતની 8 હોસ્પિટલમાં સાધનો નિયમ મુજબ નહિં અને ઓછા હોવાનું ખુલ્યું access_time 1:02 pm IST