Gujarati News

રાજકોટ તા. ૬: ગાંધીગ્રામ ધરમનગર આવાસ યોજના કવાર્ટરમાં રહેતાં અને ઇવેન્ટ મેનેજમેન્ટનું કામ કરતાં દર્શન હરિભાઇ વોરા (કુંભાર) (ઉ.૧૯)ને અમરગઢ ભીચરી પાછળ આવેલી વાડીએ ઉમેશ તથા અજાણ્યાએ લાકડીથી માર મારતાં સિવિલ હોસ્પિટલમાં ખસેડાયો છે.

તેના મિત્ર મોહિત વાઢીયાના કહેવા મુજબ અમે પરિચીત એવા પટેલભાઇની વાડી ભીચરીમાં છે તે વેંચવાની હોઇ બોટાદના વ્યકિતને ખરીદવી હોઇ દેખાડવા માટે ગયા હતાં. ત્યારે ઉમેશ સહિતે આવીને હવે પછી અહિ આવતા નહિ, અહિ કબ્જો છે...તેમ કહી હુમલો કરતાં ગભરાઇને હું ભાગી ગયો હતો અને મિત્ર દર્શન પકડાઇ જતાં તેને મારકુટ થઇ હતી. હોસ્પિટલ ચોકીના સ્ટાફે આજીડેમ પોલીસને જાણ કરી હતી.