Gujarati News

Gujarati News

News of Saturday, 6th March 2021

કાલાવડ રોડ - ડ્રાઇવ ઇન સિનેમા ખાતે હોસ્પિટલ ક્રિકેટ લીગ

તબીબો અને કર્મચારીઓ ફટકાબાજી કરશે

(દિપક પાંધી દ્વારા) સાવરકુંડલા, તા.૬: રાજકોટ જિલ્લામાં હોસ્પિટલ્સ ક્રિકેટ લીગનું આયોજન તા.૬-૭ માર્ચ.૨૦૨૧ ના રોજ ડ્રાઈવ ઈન સિનેમા,કાલાવડ રોડ ખાતે કરવામાં આવેલ છે.આ લીગના સ્પોનસર તરીકે વિંગ્સ આઇ. વી. એફ. હોસ્પિટલ, સિનર્જી હોસ્પિટલ, ઉમિયા મોબાઈલ, યુ.ટી. આઇ. મ્યુચ્યુઅલ ફંડ રહેલ છે.

રાજકોટમાં કોર્પોરેટ કલ્ચર તમામ હોસ્પિટલ્સના તબીબો, ઉચ્ચ અધિકારીઓ ક્રિકેટ ના મેદાનમા ઉતરી આવશે. આ ક્રિકેટ લીગમાં રાજકોટની નામાંકિત હોસ્પિટલ એન. એમ.વિરાણી વોકહાર્ટ હોસ્પિટલ, સ્ટર્લિંગ હોસ્પિટલ, સિનર્જી હોસ્પિટલ, ગોકુલ હોસ્પિટલ, ગિરિરાજ હોસ્પિટલ,એચ. સી. જી. હોસ્પિટલ, બી. ટી. સવાણી કીડની હોસ્પિટલ, યુનિકેર હોસ્પિટલના તબીબો, ઓ. ટી. સ્ટાફ, ઓફીસ સ્ટાફ, તેમજ હોસ્પિટલના અન્ય કર્મચારીઓ ભાગ લેશે. હોસ્પિટલના તબીબો સીરિંજ, સ્ટેથોસ્કોપ, સિઝર, એપરોન છોડી ટી- શર્ટ પેહરી બેટ-બોલ પકડશે.

મેચને રસપ્રદ બનાવવા હોસ્પિટલના તબીબો, અધિકારીઓ મોટી સંખ્યામાં ઉપસ્થિત રહી ખેલાડીઓને પ્રોત્સાહિત કરશે.ક્રિકેટ લીગને સફળ બનાવવા ડો.નીરવ માનસેતા, જયદીપ ત્રિવેદી, ભૂષણ જોષી, પિયુષ ચૌહાણ, જાવેદ છાચર, હેમંત પંડયા વગેરે જહેમત ઉઠાવી રહ્યા છે.

(3:32 pm IST)
  • ઇંધણના ભાવમાં આગ એંધાણ : ઓપેક દેશોએ ક્રૂડ ઉત્પાદનનો કાપ લંબાવ્યો: આંતરરાષ્ટ્રીય બજારોમાં ક્રૂડની કિંમત વધવા છતાં ઓઇલ ઉત્પાદક ઓપેક દેશોએ ગ્લોબલ ઇકોનોમિક રિકવરી સ્થિર ન બને ત્યાં સુધી વધુ એક મહિનો ઉત્પાદનમાં કાપ લંબાવ્યો access_time 12:48 am IST

  • બેડમિન્ટન વર્લ્ડ ચેમ્પિયન પીવી સિંધુએ ડેનમાર્કની મિયા બ્લિચફેલ્ડ સામેની સેમિફાઇનલમાં પોતાનો શ્રેષ્ઠ દેખાવ કરીને મેચ જીતી લીધો હતો અને સાથેજ તેણે સ્વિસ ઓપન સુપર 300 ટૂર્નામેન્ટની મહિલા સિંગલ્સ ફાઇનલમાં પ્રવેશ કર્યો હતો. સિંધુએ જાન્યુઆરીમાં યોનેક્સ થાઇલેન્ડ ઓપનમાં પ્રથમ રાઉન્ડની પોતાની હારનો બદલો લેવા માટે ફક્ત 43 મિનિટમાં ચોથી ક્રમાંકિત બ્લિચફેલ્ડને 22-20, 21-10થી હરાવી હતી. access_time 6:42 pm IST

  • અયોધ્યામાં શ્રી રામ મંદિર નિર્માણ માટે અત્યાર સુધીમાં 10 કરોડ પરિવારોએ રૂ. 2500 કરોડની જંગી સહાય આપી છે - રામજન્મભૂમિ તીર્થ ક્ષેત્ર ટ્રસ્ટના અધ્યક્ષ access_time 8:22 pm IST