Gujarati News

Gujarati News

News of Saturday, 6th March 2021

કોર્પોરેશન ચૂંટણીમાં ૩ાા કરોડ કલેકટર તંત્રને ચૂકવી આપતુ કોર્પોરેશન : બૂથ દીઠ ૩૫ હજાર ચૂકવ્યા

સ્થાનિક સ્વરાજની ચૂંટણીમાં જે તે પાલીકા - કોર્પોરેશન - પંચાયતે ખર્ચ ચુકવવાનો હોય છે

રાજકોટ તા. ૬ : તાજેતરમાં રાજકોટ મહાનગરપાલિકાની ચૂંટણી યોજાઇ હતી, તેમાં બૂથ દીઠ ૨૫ હજારનો ખર્ચ મંજૂર કરાયો હતો પરંતુ કોર્પોરેશને બૂથ દીઠ ૨૫ હજાર ઉપરાંત સેન્ટ્રલી ખર્ચ બૂથ દીઠ વધારાનો ૧૦ હજાર ગણી બૂથ દીઠ કોર્પોરેશને કલેકટર તંત્રને રૂ. ૩૫ હજાર ચૂકવી દીધા છે.

એડી. કલેકટરશ્રી પરિમલ પંડયાએ પત્રકારોને જણાવ્યું હતું કે, સ્થાનિક સ્વરાજની ચૂંટણીમાં જે તે નગરપાલિકા - કોર્પોરેશન - જિલ્લા - તાલુકા પંચાયતે ચૂંટણી ખર્ચ ભોગવવાનો હોય છે. તેમણે જણાવેલ કે બુથ દીઠ રૂ. ૨૫ હજારનો ખર્ચ મંજુર કરાયો હતો, તેટલી જ મર્યાદા રખાઇ હતી.

દરમિયાન કોર્પોરેશનના ડે.કમીશનરશ્રી નંદાણીએ એડી. કલેકટરની ઉપસ્થિતિમાં પત્રકારોને જણાવ્યું હતું કે, અમે અત્યાર સુધીમાં ૩ાા કરોડ કલેકટર તંત્રને ચૂકવી દિધા છે, જેમાં બુથ દીઠ ૨૫ હજાર અને સેન્ટ્રલી ખર્ચના બૂથ દીઠ રૂ. ૧૦ હજાર અલગ ચૂકવ્યા છે, કોર્પોરેશન ચૂંટણીમાં કુલ ૯૯૧ બુથ દીઠ રૂ. ૩ કરોડ ૪૬ લાખ ઉપર ખર્ચ થયો છે.

ગોંડલ નગરપાલિકા અને રાજકોટ જિલ્લા - તાલુકા પંચાયત હવે ખર્ચ ચૂકવશે, ગોંડલ પાલિકા ૯૦ બૂથના ૨૨ લાખથી વધુ હવે ચુકવશે તેમ સાધનો ઉમેરી રહ્યા છે.

(3:30 pm IST)
  • દિલ્હીનું પોતાનું હશે સ્વતંત્ર શિક્ષણ બોર્ડ : કેબીનેટે લીલીઝંડી આપી : દિલ્હીના મુખ્યમંત્રી અરવિંદ કેજરીવાલે મોટી જાહેરાત કરતાં જણાવ્યુ કે હવેથી દિલ્હીનું પોતાનું અલગથી શિક્ષણ બોર્ડ હશે : કેબીનેટે આ નિર્ણયને લીલીઝંડી પણ આપી દીધી છે : અત્યાર સુધી રાજયમાં માત્ર સીબીએસઈ અને આઈસીએસસી બોર્ડનું શિક્ષણ હતુ, પરંતુ હવેથી વિદ્યાર્થીઓ દિલ્હી બોર્ડની સંલગ્ન શાળાઓમાં દિલ્હી બોર્ડના નેજા હેઠળ અભ્યાસક્રમમાં ભણી શકશે : દિલ્હી બોર્ડનો અભ્યાસ ૨૦૨૧-૨૨ સત્રથી શરૂ થશે access_time 3:27 pm IST

  • દલાઇ લામાએ ભારતીય વેકસીનનો પ્રથમ ડોઝ લીધો access_time 4:00 pm IST

  • બેડમિન્ટન વર્લ્ડ ચેમ્પિયન પીવી સિંધુએ ડેનમાર્કની મિયા બ્લિચફેલ્ડ સામેની સેમિફાઇનલમાં પોતાનો શ્રેષ્ઠ દેખાવ કરીને મેચ જીતી લીધો હતો અને સાથેજ તેણે સ્વિસ ઓપન સુપર 300 ટૂર્નામેન્ટની મહિલા સિંગલ્સ ફાઇનલમાં પ્રવેશ કર્યો હતો. સિંધુએ જાન્યુઆરીમાં યોનેક્સ થાઇલેન્ડ ઓપનમાં પ્રથમ રાઉન્ડની પોતાની હારનો બદલો લેવા માટે ફક્ત 43 મિનિટમાં ચોથી ક્રમાંકિત બ્લિચફેલ્ડને 22-20, 21-10થી હરાવી હતી. access_time 6:42 pm IST