Gujarati News

 રાજકોટ તા. ૬ :.. નવી કલેકટર કચેરી ખાતે આજે બપોરે ૧ર વાગ્યાની આસપાસ લોકોના - ટોળા અને ઉપસ્થિત પોલીસ - સિકયોરીટીએ આ લોકોને અંદર નહિ આવવા દેતા ભારે ધમાલ થઇ હતી.

બન્યુ એવું કે આજે રીર્ટનીંગ ઓફીસર શ્રી પુજા બાવડા સમક્ષ કોંગ્રેસ-ભાજપના ડમી, આપ-એન.સી. પી. વિગેરેનો ફોર્મ ભરવા ભારે ધસારો રહ્યો હતો., દરમિયાન આવનાર ઉમેદવારો સાથે ટેકેદારોને નહિ આવવા દેવાતા ભારે દેકારો મચી ગયો હતો, કલેકટર કચેરીને મેઇન એન્ટ્રી, ગેઇટ બંધ કરવો પડયો હતો, આ પછી આર. ઓ. પાસે ફરીયાદ આવતા તેમણે પોતાના સ્ટાફને સુચના આપી હતી, આ પછી નાયબ મામલતદાર શ્રી કિરીટસિંહ ઝાલાએ ઉમેદવાર સાથે બે ટેકેદારોને આવવા દેવાનું કહેતા એન્ટ્રી અપાઇ હતી.