Gujarati News

રાજકોટ તા. ૬: કોઠારીયા સોલવન્ટ ફાટક પાસે પોણા બારેક વાગ્યે આશરે ૨૮ થી ૩૦ વર્ષનો યુવાન રાજકોટ-વેરાવળ ટ્રેનની ઠોકરે ચડી જતાં માથુ ફાટી જતાં કમકમાટી ભર્યુ મોત નિપજ્યું છે.

બનાવની જાણ થતાં આજીડેમ પોલીસ મથકના પંકજભાઇ દિક્ષીત અને વિપુલભાઇ રબારીએ ઘટના સ્થળે પહોંચી કાર્યવાહી કરી હતી. મૃતક યુવાને કોફી કલરનું પેન્ટ અને કાળા રંગનો શર્ટ પહેરેલા છે. વાને ઘંઉવર્ણો છે અને ઉંચાઇ આશરે ૫*૫ છે. શરીરે પાતળા બાંધાના આ યુવાનના જમણા હાથના પોંચા પર ઓમ ત્રોફાવેલો છે અને કોણીના ભાગે તીરનું ટેટૂ ચિતરાવેલુ છે. તસ્વીરમાં દેખાતાં મૃતકના કોઇ વાલીવારસ હોય તો આજીડેમ પોલીસનો ફોન ૭૪૩૩૮ ૧૪૮૦૮ અથવા મો. ૯૪૨૬૮ ૮૯૨૯૯ ઉપર સંપર્ક કરવા જણાવાયું છે.