Gujarati News

Gujarati News

News of Saturday, 5th December 2020

પ્રેમ લગ્ન કરતા યુવતી, તેના પતિનું અપહરણ કરી ફટકાર્યા

પરિવારજનોની મરજી વિરૂધ્ધ લગ્ન કરતા બબાલ : યુવતીના કાકા, ભાઈએ માતા બિમાર હોવાનું કહેતાં તેણે પતિ વિના જવાનો ઈનકાર કરતા બન્નેને ઊઠાવી ગયા

રાજકોટ, તા. : છોકરીના પરિવારજનોની ઈચ્છા વિરુદ્ધ લગ્ન કરનારા એક કપલને ગુરુવારે રાત્રે છોકરીના કાકાઓ અને ભાઈઓએ અપહરણ કરી માર માર્યો હોવાની ઘટના સામે આવી છે. પોલીસના જણાવ્યા અનુસાર, ઉદય ચોટલિયા અને નીધિ ભાલોડીને પકડીને મટોડા ગામમાં માર મારવામાં આવ્યો હતો. પોલીસ ફરિયાદમાં અંગે કિશોર ભાલોડી, પરેશ ભાલોડી, અશ્વિન ભાલોડીના નામનો ઉલ્લેખ કરાયો છે જે તમામ નીધિના કાકા થાય છે. સિવાય હાર્દિક ભાલોડી નામના નીધિના ભાઈ સામે પણ ફરિયાદ નોંધાવાઈ છે. નીધિએ પોતાના પરિવારજનોની ઈચ્છા વિરુદ્ધ ઉદય સાથે ૨૦૧૯માં લગ્ન કરી લીધા હતા.

ગુરુવારે સાંજે નીધિના કાકા અને ભાઈ આશઆપુરા નગરમાં આવેલા હુડકો ક્વાર્ટર સ્થિત ઘરે પહોંચ્યા હતા. જ્યાં તેમણે નીધિની માતા બીમાર હોવાનું કહી તેને પોતાની સાથે આવવાનું કહ્યું હતું. જોકે, તેમણે નીધિ પોતાના પતિ સાથે નહીં આવી શકે તેવી વાત કરતા નીધિએ પતિ વિના તેમની સાથે આવવાનો ઈનકાર કરી દીધો હતો. નીધિએ આવવાની ના પાડી દેતા ઘરમાં ઝપાઝપી થઈ હતી, જેમાં નીધિના સાસુને ઈજા થઈ હતી.

દરમિયાન નીધિ અને ઉદયને ગાડીમાં બળજબરીપૂર્વક બેસાડીને રાજકોટની બહાર મેટોડા ગામે લાવવામાં આવ્યા હતા. નીધિ અને ઉદયને બળજબરીપૂર્વક ઉઠાવાઈ ગયા હોવાની માહિતી નીધિના સાસુએ તરત પોલીસને જણાવી હતી, જેનાથી પોલીસ એક્શનમાં આવી ગઈ હતી.

સીસીટીવી ચેક કરી પોલીસે આરોપીઓની ઓળખ કરી લીધી હતી, અને તેમના મોબાઈલ લોકેશનને આધારે મેટોડા ગામે પહોંચીને નીધિ તેમજ તેના પતિને છોડાવ્યા હતા. ભક્તિનગર પોલીસ સ્ટેશનના પીએસઆઈ એસએન જાડેજાના જણાવ્યા અનુસાર, નીધિના ભાઈ અને એક કાકાની મામલે ધરપકડ કરાઈ છે. નીધિ અને ઉદયને માર મરાયો હોવાથી તેમને સામાન્ય ઈજા થઈ હોવાનું પણ તેમણે જણાવ્યું હતું.

(7:22 pm IST)
  • માળીયા ચોકડી પાસે જૈન સાધ્વીજીને ગંભીર અકસ્માત નડ્યો : અજાણ્યા વાહને હડફેટે લેતા ગંભીર સ્થિતિ : તેમની સાથે વિહાર કરી રહેલ એક સેવિકાનું ઘટનાસ્થળે મૃત્યુ થયાનું જાણવા મળે છે access_time 1:12 pm IST

  • દેશમાં કોરોનાના કેસનો આંકડો 96 લાખને પાર પહોંચ્યો : નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં ઘટાડો : રાત્રે 9 -30 વાગ્યા સુધીમાં કોરોનાના નવા 35,002 કેસ નોંધાયા:કુલ કેસની સંખ્યા 96,06,810 થઇ :એક્ટીવ કેસ 4,08,122 થયા : વધુ 40,966 દર્દીઓ સ્વસ્થ થતા કુલ 90, 56,68 રિકવર થયા :વધુ 473 ના મોત સાથે કુલ મૃત્યુઆંક 1,39,700 થયો access_time 12:02 am IST

  • ગુજરાત સરકારે IAS અધિકારી અરવિંદ અગ્રવાલનો GSFCના CMD તરીકેનો કાર્યકાળ ન લંબાવતા વધારાનો ચાર્જ ACS મુકેશ પુરીને સોંપ્યો. access_time 11:49 pm IST