Gujarati News

Gujarati News

News of Saturday, 5th December 2020

ઝુપડપટ્ટી મહાપરિષદની સ્થાપના પાછળની હકીકતના અભયભાઇ સાક્ષી હતા : કરણાભાઇ - દાનુભા

રાજકોટ તા. ૫ : રાજયસભાના સાંસદ અને પ્રખર ધારાશાસ્ત્રી અભયભાઇ ભારદ્વાજના નિધન બદલ રાજકોટ ઝુપડપટ્ટી મહાપરિષદના પ્રમુખ દાનુભા સોઢા અને કરણાભાઇ માલધારીએ ઉંડા શોકની લાગણી વ્યકત કરી શ્રધ્ધા સુમન અર્પણ કરેલ છે.

તેઓએ જણાવેલ છે કે સૌરાષ્ટ્ર ઝુપડપટ્ટી મહાપરિષદની સ્થાપના પાછળની હકીકતના અભયભાઇ સાક્ષી હતા. ૧૯૭૯/૮૦ ના અરસામાં જનતા પાર્ટીના ઉમેદવાર ચીમનભાઇ શુકલ પોપટવાલા ગંજીવાળા મફતીયાપરામાં સભા સંબોધવા ગયા ત્યારે ત્યાના લોકોની નારાજગીનો અનુભવ કર્યા બાદ ઝુપડપટ્ટીના લોકોનું સંગઠન બનાવવાનો નિર્ણય લેવાયો હતો. આ માટેનું સુકાન અરવિંદભાઇ મણીયારે કરણાભાઇ માલધારી, ચકુભાઇ ડોડીયા અને અભયભાઇ ભારદ્વાજને સોંપ્યુ હતુ. બાદમાં આ રચાયેલા સંગઠન તળે આ ઝુપડપટ્ટીને માન્યતા મળી અને પ્રાથમિક સુવિધાઓ પણ મળી.

આ સમગ્ર પ્રક્રિયામાં લીગલ એડવાઇઝર તરીકે અભયભાઇ ભારદ્વાજે કરેલ કામગીરી યાદગાર સંભારણુ બની રહી. તેમ ઝુપડપટ્ટી મહાપરિષદના શહેર પ્રમુખ દાનુભા સોઢા અને કરણાભાઇ માલધારીએ જણાવ્યુ છે.

(3:26 pm IST)
  • દેશમાં કોરોનાથી મૃત્યુઆંક 1.40 લાખને પાર પહોંચ્યો : નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં ઘટાડો : રાત્રે 10 -30 વાગ્યા સુધીમાં કોરોનાના નવા 28,222 કેસ નોંધાયા : કુલ કેસની સંખ્યા 96,36,741 થઇ : એક્ટીવ કેસ 4,03,015 થયા : વધુ 33,273 દર્દીઓ સ્વસ્થ થતા કુલ 90, 91,334 રિકવર થયા : વધુ 335 ના મોત સાથે કુલ મૃત્યુઆંક 1,40,072 થયો access_time 12:04 am IST

  • માળીયા ચોકડી પાસે જૈન સાધ્વીજીને ગંભીર અકસ્માત નડ્યો : અજાણ્યા વાહને હડફેટે લેતા ગંભીર સ્થિતિ : તેમની સાથે વિહાર કરી રહેલ એક સેવિકાનું ઘટનાસ્થળે મૃત્યુ થયાનું જાણવા મળે છે access_time 1:12 pm IST

  • ખેડૂત આંદોલને જોર પકડ્યું : આવતીકાલ શનિવારે મોદીનું પૂતળું બાળશું : રસ્તાઓ ઉપર ચક્કાજામ વધારી દઈશું : જો અમારી માંગણી નહીં સંતોષાય તો 8 તારીખે ભારત બંધ access_time 7:18 pm IST