Gujarati News

Gujarati News

News of Saturday, 5th December 2020

રાજકોટને અપાતા નર્મદા નીરના બીલમાં આવતા વર્ષથી ૧ કરોડ ૮ લાખનો વધારો ઝીંકાશે

દર હજાર લીટરે ૩૮ પૈસા વધારવામાં આવશે : માર્ચ ૨૦૨૧થી મહીને ૯ લાખનું ભારણ વધશે : હાલ રોજના ૪.૮૦ લાખનો ચાર્જ છે જે આવતા વર્ષે વધીને રોજના ૫.૧૦ લાખનો થશે

રાજકોટ તા. ૭ : શહેરને રાજ્ય સરકાર દ્વારા જે નર્મદા નીર આપવામાં આવે છે તેના બીલમાં માર્ચ ૨૦૨૧થી ૧ કરોડ ૮ લાખનો વધારો ઝીંકવામાં આવનાર છે.

આ અંગે સત્તાવાર પ્રાપ્ત વિગતો પ્રાપ્ત મુજબ શહેર હાલમાં દૈનિક ૧૧૦ એમ.એલ.ડી. નર્મદા નીર પ્રતિ એમએલડી રૂ. ૬૦૦૦ના ચાર્જથી આપવાનો કરાર છે. એટલે કે ૧૦૦૦ લીટર પાણીનો દર હાલમાં રૂ. ૬ છે. એ હીસાબે હાલમાં ૮૦ એમ.એલ.ડી. એટલે કે ૮ કરોડ લીટર પાણી આપવામાં આવે છે એ હીસાબે રોજના નર્મદા નીરનું બિલ ૪.૮૦ લાખ થાય છે.

દરમિયાન માર્ચ ૨૦૨૧થી સરકાર રાજકોટને અપાતા નર્મદા નીરમાં પ્રતિ ૧૦૦૦ લીટરે ૩૮ પૈસાનો વધારો કરનાર છે ત્યારે નર્મદા નીરના બીલ માર્ચ ૨૦૨૧થી રૂ. ૫,૧૦,૪૦૦ જેટલુ ચુકવવાનું થશે.

આમ, ઉપરોકત હીસાબ મુજબ આવતા વર્ષ નર્મદા નીરના બીલ ખર્ચમાં કુલ રૂ. ૧ કરોડ ૮ લાખનું ભારણ આવશે. તેમ આધારભૂત સૂત્રોએ જણાવ્યું હતું.

(3:20 pm IST)
  • મુંબઈગરાંઓ માટે 26 ઈલેક્ટ્રિક AC બસોનું મુખ્યમંત્રી ઉદ્ધવ ઠાકરે દ્વારા લોકાર્પણ.: ટાટા મોટર્સ દ્વારા આ ઈલેક્ટ્રિક બસો બનાવવામાં આવી છે. કેન્દ્ર સરકારની નીતિ અનુસાર મુંબઈને આવી કુલ 340 બસ મળવાની છે... access_time 8:35 pm IST

  • ખંભાળિયામાં યુવાનને નગ્ન કરીને ફેરવવાનો મામલો: ઇન્ચાર્જ પીઆઇ સહિત નવ પોલીસમેન સસ્પેન્ડ, ટ્રાફિક બ્રિગેડના બે કોન્સ્ટેબલને બરતરફ કરાયા: પોલીસ ઇન્સ્પેકટરને તાત્કાલિક અસરથી લીવ રિઝર્વમાં રખાયા : રાજકોટ રેન્જના આઇજી સંદીપ સિંહનું આકરુ પગલું access_time 9:37 pm IST

  • શિરોમણિ અકાળી દળના નેતા હરસિમરત કૌર બાદલની તબિયત લથડી :ચંદીગઢની હોસ્પિટલમાં દાખલ કરાયા : શ્વાસ લેવામાં તકલીફ access_time 11:50 pm IST