Gujarati News

Gujarati News

News of Thursday, 6th December 2018

ડબ્બા ટ્રેડીંગનો ખેલઃ એક બ્રોકરે આઠ કરોડનું ફુલેકુ ફેરવ્યું: ખળભળાટઃ ઓફિસને તાળાઃ લેણદારોમાં ચિંતાનું મોજ

રાજકોટઃ શેરબજારમાં ગેરકાયદેસર ચાલતા ડબ્બાના ગોરખધંધામાં એક બ્રોકરે આઠેક કરોડ રૂપિયાનું ઉઠમણું કર્યુ હોવાના અહેવાલો બહાર આવતા ખળભળાટ મચી જવા પામ્યોઃ અત્રેના હરિહર ચોક વિસ્તારમાં આવેલ એક કોમ્પલેક્ષમાં બેસીને ગેરકાયદેસર ડબ્બો ચલાવતા ધન રાશીના એક બ્રોકરે ચાર-પાંચ દિવસ પહેલા ફુલેકુ ફેરવ્યું હોવાનું તે વિસ્તારમાં જોરશોરથી ચર્ચાય રહ્યુ છે. આ બ્રોકર ઓફિસને તાળા વાસી ભૂગર્ભમાં ચાલ્યો ગયો છે. રાતોરાત પૈસાદાર થઈ જવાના સપના જોઈને આ ધંધામાં ઝંપલાવનાર અનેક લોકોએ આજે રાતા પાણીએ રોવાનો વારો આવ્યો છે. સગાસંબંધીઓ, મિત્રોના નાણા ફસાતા તેઓમાં ચિંતાનું મોજુ ફરી વળ્યુ છે. હાલ આ ધન રાશીનો શેર બ્રોકર ભૂગર્ભમાં ઉતરી ગયો છે. તે કોઈની સાથે પાર્ટનરશીપમાં ધંધો કરતો હોવાનું પણ બહાર આવ્યુ છે. શેરબજારની તાજેતરની ઉથલપાથલમાં ડબ્બા ટ્રેડીંગ કરવામાં આ બ્રોકર ફસાયો હોવાનું કહેવાય છે. આગામી દિવસોમાં હજુ કેટલાક આવા ડબ્બા ચલાવતા લોકો ફુલેકા ફેરવે તો નવાઈ નહીં.

(4:04 pm IST)
  • અનામત મામલે કોંગ્રેસ ખાનગી ખરડો લાવેઃ હાર્દિકઃ પાટીદાર અનામત મામલે કોંગ્રેસ પોતાનું વલણ સ્પષ્ટ કરે : પેપર લીક મામલે મુખ્યમંત્રી રાજીનામુ આપે access_time 2:41 pm IST

  • ભાવનગરના વરતેજ પાસે ગેરકાયદેસર દબાણ હટાવવાની કામગીરી શરૂ : પોલીસ કાફલો ધટનાસ્થળે : કોંગ્રેસના આગેવાનો પણ દોડી આવ્યા : દબાણ હટાવાનુ બંધ કરાવવા કોંગ્રેસ નેતા દોડી આવ્યા : નોટિસ વિના દબાણ હટાવવા આવ્યા હોવાનો અાક્ષેપ access_time 11:24 pm IST

  • લોકસભા ચૂંટણીઃ ૨૦ ડીસેમ્બર સુધીમાં સ્ટાફની કામગીરી પુરી કરો : ચૂંટણી પંચે રાજકોટ સહિત દરેક જિલ્લામાં સુચના આપી : ર૦ ડીસેમ્બર સુધીમાં ચૂંટણી સ્ટાફની ડેટાએન્ટ્રીની કામગીરી પુરી કરોઃ બાદમાં ચકાસણીનો પણ સુચના access_time 3:50 pm IST