Gujarati News

રાજકોટ તા.૦૫: રાજકોટ શહેર માધ્યમિક સંઘે જીલ્લા કલેકટરને આવેદનપત્ર પાઠવી BLO ઓનલાઇન કામગીરી અંગે રજૂઆતો કરી હતી.

આવેદનમાં ઉમેર્યુ હતુ કે રાજકોટ શહેરમાં બી.એલ.ઓ.ની  કામગીરી ઓનલાઇન કરવા માટે બી.એલ.ઓ. શિક્ષકના મોબાઇલમાં બી.એલ.ઓ.ની એપ ડાઉનલોડ કરવા અને મતદારોની માહિતી ઓનલાઇન કરવા જણાવેલ છે. ખરેખર બી.એલ.ઓ.ની આ ઓનલાઇન કામગીરી સમયનો વ્યય કરનારી અને અટપટી અને શિક્ષક પર અવિશ્વાસ કરનાર હોય તથા બી.એલ.ઓ./શિક્ષકને સરકારે સ્માર્ટ મોબાઇલ ફોન, સીમકાર્ડ કે નેટ આપેલ ન હોય તેથી બી.એલ.ઓ. / શિક્ષકો પોતાના ખાનગી મોબાઇલમાં આ એપ ડાઉનલોડ કરશે. માહિતી ઓનલાઇન કામગીરી કરશે નહિ અને આ કામગીરીમાં જે સમય મર્યાદા આપી છે તે પુરી થઇ શકે એમ નથી અને છ માસીક પરીક્ષા પણ નજીક હોવાથી અભ્યાસ ક્રમ ઉપર તેની અસર થાય એમ છે. તેથી વિદ્યાર્થીઓને અન્યાય ન થાય તે માટે ઘટતુ કરવા વિનંતી