Gujarati News

આજથી દેશમાં જીમ અને યોગા સેન્ટર સરકારની ગાઇડલાઇન્સ સાથે પુનઃ ધમધમતા થતાં કસરતબાજો અને ફીટનેસ તરફ સતત ધ્યાન આપતા લોકોને જલ્સો પડી ગયો છે. આજે જીમ શરૂ થતા જ વ્હેલી સવારથી કસરતબાજો પોતપોતાના જીમમાં પહોંચી ગયા હતા અને વિવિધ સાધનો સાથે કસરત કરી પોતાની ફીટનેસ પુનઃ મેળવવા પ્રયાસ કર્યો હતો એટલું જ નહિ પરસેવો પણ પાડયો હતો. દરેક જીમ સંચાલકે આજે સભ્યોને સરકારી ગાઇડલાઇન્સથી વાકેફ પણ કર્યા હતા. અત્રે એ નોંધનીય છે કે અનલોક-૩.૦માં સરકારે જીમ અને યોગા સેન્ટરો ખોલવા મંજુરી આપી છે. માર્ચ મહિનાથી જીમ - યોગા સેન્ટર બંધ હતા.