Gujarati News

Gujarati News

News of Tuesday, 5th June 2018

પ્રાથમિક શાળાઓનો સમય જેમ છે તેમ જ રાખો : શિક્ષક સંઘની રજુઆત

બદલવો જ પડે તેમ હોય તો સવારે ૭.૩૦ થી ૧૨.૩૦ નો કરી આપવા સુચન : કાળઝાળ ગરમી ધ્યાને લઇ વેકશન લંબાવવા માંગ ઉઠાવતા રતુભાઇ ચાવડા

રાજકોટ તા. ૫ : સરકારી પ્રાથમિક શાળાઓનો સમય સવારના ૭ થી ૧ નો  અથવા ૮ થી ૨ નો કરવા તજવીજ હાથ ધરાઇ છે. ત્યારે આ સામે રાજકોટ જિલ્લા પ્રાથમિક શિક્ષક સંઘના પ્રમુખ રતુભાઇ ચાવડાએ નારાજગી વ્યકત કરી જેમ છે તેમ જ સમય રાખવા શિક્ષણ વિભાગને રજુઆત કરી છે.

તેઓએ જણાવ્યુ છે કે હાલ બપોરે ૧૧ થી પ નો સમય છે તે બધાને અનુકુળ છે. જો સવારનો સમય કરવામાં આવશે તો સરકારી શાળાઓના બાળકોને મોટી અગવડતા ભોગવવી પડશે. કેમ કે આવી શાળાઓમાં આવનાર મોટાભાગના બાળકો ગરીબ મજુર વર્ગના હોય છે. વાડી વિસ્તારમાં કામ કરતા વાલીઓના બાળકો વહેલી સવારે કઇ રીતે શાળાએ પહોંચી શકશે. સવારની શાળા કરવાથી હાજરીમાં ધરખમ ઘટાડો આવી જવાની પુરતી સંભાવના રહેશે.

એજ રીતે પ્રાથમિક શિક્ષક તરીકે હાલ ૬૫% બહેનો ફરજ બજાવે છે. બહેનોને ઘરકામની જવાબદારી પણ નિભાવવાની હોય છે. એટલે તેઓને પણ સવારનો સમય અનુકુળ આવી શકે તેમ નથી.

 તેમ છતા જો સવારનો સમય કરવો જ પડે તેમ હોય તો ૭ થી ૧ ના બદલે ૭.૩૦ થી ૧૨.૩૦ નો કરવા રતુભાઇ ચાવડાએ સુચન કરેલ છે.

ઉપરાંત તેઓએ ગરમીના દિવસોને ધ્યાનમાં લઇ એક સપ્તાહ વેકેશન લંબાવવા પણ રજુઆત કરી છે. દર વર્ષે ઉનાળામાં વેકેશન કેમ્પ કરવામાં આવે છે તે આ વખતે ન થયો હોવાનું પણ જણાવેલ છે. સાતમાં પગાર પંચ મુજબ ભાડા ભથ્થા અનન્ય ભથ્થાઓ અઢી વર્ષ થયા મળ્યા ન હોય તે બાબતે પણ રાજકોટ જિલ્લા પ્રાથમિક શિક્ષક સંઘના પ્રમુખ રતુભાઇ ચાવડા (મો.૯૪૨૬૪ ૮૦૦૬૮) એ ધ્યાન દોરેલ છે. (૧૬.૫)

(3:56 pm IST)
  • બનાસકાંઠા ;રાજસ્થાનના RTO દ્વારા હપ્તા માટે ટ્રક ડ્રાયવરને રોકી રાજસ્થાન પરિવહન વિભાગ હપ્તા માંગણી કરતો વિડીયો વાયરલ :ગુજરાત-રાજસ્થાન બોર્ડર પર ટ્રક ડ્રાયવરો અને RTO વચ્ચે થઇ ઝપાઝપી :દારૂના નશામાં RTO વિભાગના કર્મચારીઓ ટ્રક કરી રહ્યા છે હેરાન access_time 1:22 pm IST

  • સ્ક્રેપના કોન્ટ્રાકટર પાસેથી બોફોર્સમાં તોપ અને ટેન્કના ગોળા મળતા ખળભળાટ ;પાકિસ્તાન સરહદે સ્થિત જેસલમેરમાં મોટી કાર્યવાહી :પોખરણ ક્ષેત્રમાંથી સ્ક્રેપ ખરીદનાર એક મોટા કોન્ટ્રાકટરના ગોદામમાથી મોટી સંખ્યામાં ગોળા જપ્ત :સેનાના ઇન્ટેલિજન્સે સમગ્ર વિસ્તાર સીલ કરી દીધો :સૈન્ય અધિકારીઓ પહોંચ્યા :બૉમ્બ-ગોળાની ગણત્રીચાલુ access_time 1:25 am IST

  • સરકારે જમ્મુ-કાશ્મીરમાં સીમા પારથી ફાયરિંગમાં મરનાર દરેક દૂધાળું પશુઓ માટે વળતરની રકમ વધારીને 50 હજાર કરી :રાજ્યમાં આ વર્ષે જાન્યુઆરીથી પાકિસ્તાન દ્વારા સંઘર્ષ વિરામનું 1200 થી વધુ વખત ઉલ્લંઘન કરાયું છે access_time 1:28 am IST