Gujarati News

Gujarati News

News of Tuesday, 5th June 2018

રૂ.૧૭.૫૦ લાખનો ચેક રિટર્ન થતા રાધાક્રિષ્ન ટ્રેડર્સના ભાગીદારો સામે ફરિયાદ

રાજકોટ તા.૫: રાજકોટ શહેરના સ્કાય એન્ટરપ્રાઇઝના માલીક મહેશ વલ્લભભાઇ પાસેથી ધંધાના હેતુ માટે યાર્ડમાં પેઢી ધરાવતા રાધાક્રિષ્ન ટ્રેડર્સના ભાગીદારોએ લીધેલ રકમ રૂ.૧૭,૫૦,૦૦૦/- ફરીયાદીને ચુકવવા આપેલ ચેક રીટર્ન થતા અદાલતમાં ફરીયાદ કરતા રાધાક્રિષ્ન ટ્રેડર્સના ચારેય ભાગીદારોએ ચાલુ કેસે સમાધાન કરી ફરી આપેલ રકમ રૂ.૧૭,૫૦,૦૦૦/-નો ચેક ફરી રીટર્ન થતા ફરી અદાલતમાં રાધાકૃષ્ણ ટ્રેડર્સ તથા ચારેય ભાગીદારો સામે ફરીયાદ કરતા તમામને હાજર થવા સમન્સ ઇસ્યુ કરતો હુકમ ફરમાવેલ છે.

આ કેસની હકીકત જોઇએ તો, રાજકોટ શહેરમાં સ્કાય એન્ટરપ્રાઇઝના નામથી ધંધો કરતા મહેશભાઇ વલ્લભભાઇ કાલરીયાએ યાર્ડમાં પેઢી ધરાવતા રાધા ક્રિષ્ન ટ્રેડર્સ તથા તેના ભાગીદારો (૧)જેન્તીભાઇ ભવાનભાઇ વેકરીયા, (૨)ભગવાનજીભાઇ ભવાનભાઇ વેકરીયા, (૩)મનસુખભાઇ વેકરીયા (૪)મનિષાબેન વેકરીયાનાઓને પોતાના ધંધા માટે નાણાની જરૂરીયાત હોવાથી ફરીયાદી પાસેથી રકમ રૂ.૧૬,૫૦,૦૦૦/- તથા રૂ.૧,૦૦,૦૦૦/-એ રીતે રકમ રૂ.૧૭,૫૦,૦૦૦/- મેળવી ફરીયાદીને જરૂરત સમયે પરત કરવા બાંહેધરી આપેલ.

સદર રકમ ચુકવવા આપેલ ચેકો રીટર્ન થતા તે સબંધે ચાલતી ફરીયાદોના કામે રાધાકૃષ્ણ ટ્રેડર્સ તથા તેના ચારેય ભાગીદારોએ અદાલતમાં સમાધાન લખી આપી બે માસ બાદનો રકમ રૂ.૧૭,૫૦,૦૦૦/- નો ચેક ઇચ્યુ કરી આપી હવે પરત નહી ફરે તેવી બાંહેધરી આપેલ હોવા છતાં ચેક પરત ફરતા તે સબંધે ડીમાન્ડ નોટીસ પાઠવવા છતા કાયદેસરનુ લેણુ અદા ન કરતા રાધાકૃષ્ણ ટ્રેડર્સ તથા તેના ઉપરોકત ચારેય ભાગીદારો વિરૂધ્ધ રાજકોટની અદાલતમાં ફરીયાદ દાખલ કરી એવી રજુઆત કરેલ કે, ઉપરોકત રકમનો ફરીયાદીનું કાયદેસરનું લેણુ હોવાનું આરોપીઓએ કોર્ટ રૂબરૂના પ્રોસીડીગ્સમાં લખી આપ્યા બાદ પણ લેણુ ન ચુકવી ધી નેગોશીએબલ ઇન્સ્ટુમેન્ટ એકટ અન્વયે ગુનો આચર્યાનું રેકર્ડ પરની હકીકતો અને દસ્તાવેજો પરથી ફલિત થતું હોય જેથી તહોમતદારો વિરૂધ્ધ કાયદાનુસાર કાર્યવાહી કરવા રજુઆત કરતા રજુઆતો તેમજ રેકર્ડ પરની હકીકતો ધ્યાને લઇ રાજકોટના મહે.એડી.ચીફ જયુડી. મેજીસ્ટ્રેટ સાહેબે રાધાકૃષ્ણ ટ્રેડર્સ તથા તેના ચારેય ભાગીદારોને અદાલતમાં હાજર રહેવા સમન્સ ઇસ્યુ કરતો હુકમ ફરમાવેલ છે.

ઉપરોકત કામમાં ફરીયાદી મહેશભાઇ કાલરીયા વતી રાજકોટના એડવોકેટ સુરેશ ફળદુ, ભુવનેશ શાહી, કુણાલ શાહી, સંજય ઠુંમર, સહદેવ દુધાગરા, જય પારેડી, કૈલાશ જાની, હિરેન ડોબરીયા રોકાયેલ છે.(૩.૧૫)

(3:54 pm IST)
  • તાલાલા સાસણ રોડ પર જંગલ વિસ્તારમાં આગ ભભૂકી :મુખ્યમાર્ગની નજીકમાં લાગેલી આગે વિકરાળ સ્વરૂપ ધારણ કર્યું :છેલ્લી 20 મિનિટથી આગ ચાલુ છત્તા તંત્ર અજાણ હોવાનું જાણવા મળે છે સત્તાવાર સમર્થન અને વધુ વિગત મેળવાઈ રહી છે access_time 12:50 am IST

  • મંગળવારે પેટ્રોલમાં લિટરે 10 પૈસા અને ડીઝલમાં 8 પૈસાનો ઘટાડો થવાની શકયતા :ઘટયા ભાવ સવારે છ વાગ્યાથી લાગુ થશે :નવા ભાવ મુજબ પેટ્રોલ લિટરે 77,08 રૂપિયા અને ડીઝલનો ભાવ લિટરે 74,00 રૂપિયા થશે :રાજ્ય પ્રમાણે કરવેરા અલગ થશે:છેલ્લા છ દિવસથી પેટ્રોલ ડીઝલના ભાવમાં ઘટાડો થઇ રહ્યો છે access_time 1:23 am IST

  • કચ્છ ;કંડલા CISFએ કંડલા જેટી નજીકથી એક શંકાસ્પદ શખ્શની 11 સીમકાર્ડ સાથે ધરપકડ કરી :વધુ તપાસ માટે કંડલા મરીન પોલીસના હવાલે કરાયો access_time 12:48 am IST