Gujarati News

Gujarati News

News of Tuesday, 5th June 2018

અનુસુચિત જાતિના કાર્યકર રમેશ મકવાણા ઉપર હુમલાના આરોપીને તાકિદે પકડો

નવા થોરાળાના આગેવાનોનું રાજયપાલને સંબોધી કલેકટરને આવેદન

નવા થોરાળાના આગેવાનોએ કલેકટરને આવેદન પાઠવ્યું ત્યારની તસ્વીર.

રાજકોટ તા. ૫: નવા થોરાળામાં રહેતા અર્જુનભાઇ તથા અન્યોએ રાજયપાલને સંબોધી કલેકટરને આવેદનપાઠવી ઉમેર્યુ હતું કે, રાજકોટના અનુસુચિત જાતિના કાર્યકર રમેશભાઇ રાણાભાઇ મકવાણા ઉપર થયેલ હુમલાની ન્યાયીક તપાસ અને આરોપીની તાત્કાલીક ધોરણે ધરપકડ કરવા માંગણી કરી હતી.આવેદનમાં ઉમેર્યુ હતું કે, ફરીયાદી રમેશભાઇ રાણાભાઇ મકવાણા અનુસુચિત જાતિના કાર્યકર છે સરકારી હોસ્પિટલ સમાજ કલ્યાણ સંચાલિત છાત્રાલયોમાં અનુસુચિત તથા અન્ય ગરીબ પછાત વર્ગના વિદ્યાર્થીઓના મુળભુત અધિકારો માટે લડત ચલાવતા હતાં અનુસુચિત જાતિ તથા અન્ય ગરીબ પછાત વર્ગના જમીન તથા આવાસો બાબતે અવાર-નવાર રજુઆતો કરી ભ્રષ્ટાચાર વિરોધી આંદોલન ચલાવે છે એક સામાજિક કાર્યકર્તા ઉપરના આ હુમલાને અમે સખત શબ્દોમાં વખોડીએ છીએ, અને તેમની ઉપર હુમલો કરનાર આરોપીની તાકિદે ધરપકડ કરવા વિનંતી છે.લોકશાહીના રાહે લોકોના કામોમાં મદદરૂપ થવું તે દેશના તમામ નાગરિકોની ફરજ છે. પરંતુ આજે લોકોને પડખે ઉભા રહેતા કે લોકોના સવાલો ઉપાડતા કાર્યકરો ઉપર જાહેરમાં જીવલેણ હુમલાનું પ્રમાણ દિન પ્રતિદિન વધી રહયું છે, ત્યારે આપ અમારા રાજયના બંધારણીય વડા હોવાના નાતે કાનુની વ્યવસ્થા જળવાળ રહે તે માટે યોગ્ય પગલા ભરવા જવાબદારોને આદેશ કરો એ માંગણી છે, આવેદનપત્ર દેવામાં ડી એમ લીંબોલા, સંજયભાઇ, રમેશભાઇ મકવાણા, કિશોરભાઇ મહીડા, ભરત પરમાર, સાગર સવ્યા વિગેરે જોડાયા હતા. (૧.૨૪)

(3:39 pm IST)
  • અમરેલી: સરકારે ખરીદેલ ટેકાના ભાવની તુવેરની ચોરી: સાવરકુંડલાના બાઢડાના ગોડાઉનમાંથી અઢી લાખની તુવેરની ચોરી થઈ: ગોડાઉનના શટરના તાળા તોડીને તસ્કરો 90 ગુણી તુવેર ચોરી ગયા access_time 12:48 am IST

  • મુંબઈમાં મુશળધાર વરસાદ: બદલાપૂર, ડોમ્બિવલી, વિક્રોલીમાં પવન સાથે વરસાદ તૂટી પડ્યો: કેટલાય સ્થળોએ લાઇટો ગૂલ :મુંબઈના મલબારહીલ વિસ્તારમાં ધોધમાર વરસાદ :રસ્તાઓમાં પાણી ભરાયા :કેટલાય જગ્યાએ વાહનચાલકો ફસાયા access_time 12:33 am IST

  • ઈરાને પોતાની યુરેનિયમ સંવર્ધન શ્રમતા વધારવાની દિશામાં કામ શરૂ કર્યું :ઈરાને આ માટે 2005માં વિશ્વના તાકાતવર દેશો સાથે થયેલ પરમાણુ સમજૂતી પર મંડરાતા ખતરાને મોટો જવાબદાર ગણાવ્યો છે ;ઈરાનની પરમાણુ એજન્સીના પ્રમુખે કહ્યું કે તેઓ 'નાતાંજ 'ક્ષેત્રમાં આધુનિક સેટ્રિફ્યુઝને વિકસિત કરવાવાળા માળખા પર કામ કરી રહ્યા છે access_time 1:15 am IST