Gujarati News

Gujarati News

News of Tuesday, 5th June 2018

હવે જિમ નહિં, ઇઝી જિમ : રાજકોટમાં ઇલેકટ્રો મસલ સ્ટિમ્યુલેશન ડીવાઇસની સુવિધા ઉપલબ્ધ

એક વખતની મુલાકાતથી અઠવાડીયા સુધીનું વર્કઆઉટ : સિધ્ધાર્થ ગજેરા અને મૌલિક પટેલ લાવ્યા વૈશ્વિક ટેકનોલોજી

રાજકોટ તા. ૫ : હાલની એદી અને આરામભર્યા નોકરી અને વ્યવસાયની વ્યવસ્થાઓથી લોકોના શરીર ઢમઢોલ જેવા બનતા જાય છે. ત્યારે શરીરને ચુસ્ત રાખવા વિવિધ કસરતોનો સહારો અનિવાર્ય બની રહ્યો છે. તેમા પણ રોજે રોજ જિમમાં જાવાની કડાકુટમાંથી છુટકારો મળે અને ફકત એક જ વખતની મુલાકાતમાં અઠવાડીયા સુધીનું વર્કઆઉટ મળી જાય તેવી 'ઈઝિ જિમ' ની સુવિધા રાજકોટમાં લાવ્યા છે સિધ્ધાર્થ ગજજર અને મૌલિક પટેલ.

આજે યોજાયેલ પત્રકાર પરિષદમાં માહીતી આપતા તેઓએ જણાવેલ કે આ જિમમાં ઇલેકટ્રો મસલ સ્ટિમ્યુલેશન નામનું ડીવાઇસ વસાવવામાં આવેલ છે. જે હંગેરીની ઇફટી કંપની પાસેથી ખરીદવામાં આવ્યુ છે. વળી આ ડીવાઇસનો ઉપયોગ ખાસ પ્રકારના જેકેટ અને શોર્ટસ સાથે કરવાનો હોય છે. શરીરના દરેક મસલ્સ માટેના સેન્સર હોય છે. જેથી અઠવાડીયા સુધી કરવી પડતી મહેનતનું પરિણામ આ ડીવાઇસના ઉપયોગથી ફકત એક જ વખતની ૨૦ મીનીટમાં મળી જાય છે.

ખાસ કરીને અંતરીક્ષયાત્રીઓ ઝીરો ગ્રેવીટી દરમિયાન આ ટેકનોલોજીનો ઉપયોગ કરે છે. તેમજ કેટલાય રમતવીરો પણ ટુંકા સમયગાળામાં કેલરી બાળવા આ ટેકનીક અપનાવે છે.

ટુંકમાં આ ઇઝિ જિમ એવુ છે કે જયાં એક વખત ૨૦ મીનીટ ફાળવવાથી અઠવાડીયા સુધી જિમમાં જવુ નથી પડતુ. સ્ટેમીના શકિતના આધારે આ ડીવાઇસનો અઠવાડીયામાં બે વખત પણ ઉપયોગ કરી શકાય છે.

ખાસ પ્રકારના જેકટે અને બેલ્ટનો ઉપયોગ કરાવાય છે. સાથો સાથ વર્ક આઉટ પૂર્વે અને વર્ક આઉટ પછી જરૂરી પ્રોટીન્સ પણ  પ્રોવાઇડ કરવામાં આવે છે.

જિમમાં ડંબેલ્સ, બારબેલ, જિમ બોલ, કાર્ડીયો ક્રોસ ટ્રેનર જેવી સુવિધા પણ ઉપલબ્ધ છે. અક્ષર માર્ગ, અમીન માર્ગ રોડ પાસે, વાલકેશ્વર એપાર્ટમેન્ટની સામે, ક્રિએટીવ મોટર્સની ઉપર રાજકોટ ખાતે શરૂ કરાયેલ આ જિમનો સમય સવારે ૭ થી રાત્રે ૯ વાગ્યા સુધીનો રાખવામાં આવ્યો છે. જેમાં ૧૮ વર્ષથી ઉપરની ઉંમરના કોઇ પણ જોડાઇ શકશે.

તસ્વીરમાં પત્રકાર પરિષદમાં માહીતી આપી રહેલ 'ઇઝિ જિમ' ના સિધ્ધાર્થ ગજેરા અને મૌલિક પટેલ (મો.૯૮૨૫૧ ૫૨૬૪૫) નજરે પડે છે. (તસ્વીર : સંદીપ બગથરીયા) (૧૬.૪)

(3:35 pm IST)
  • સુનંદા પુષ્કર હત્યાકાંતઃ શશી થરૂર પર ચાલશે કેસઃ ૭ જૂલાઇએ આરોપી તરીકે કોર્ટમાં હાજર રહેશે access_time 3:22 pm IST

  • પેટ્રોલ ડીઝલમાં સતત આઠમા દિવસે ભાવ ઘટશે:બુધવારે પેટ્રોલમાં લિટરે 9 પૈસા અને ડીઝલમાં 6 પૈસાનો ઘટાડો થવાની શકયતા :ઘટયા ભાવ સવારે છ વાગ્યાથી લાગુ થશે :નવા ભાવ મુજબ પેટ્રોલ લિટરે 76,99 રૂપિયા અને ડીઝલનો ભાવ લિટરે 73,94 રૂપિયા થશે :રાજ્ય પ્રમાણે કરવેરા અલગ થશે:છેલ્લા સાત દિવસથી પેટ્રોલ ડીઝલના ભાવમાં ઘટાડો થઇ રહ્યો છે access_time 12:09 am IST

  • સાંસદો - ધારાસભ્યો સામેના કેસની સ્પેશ્યલ અદાલતો માટે પોણા બે કરોડ મંજૂર: દેશના ધારાસભ્યો, સાંસદો સંબંધી ૧૫૦૦ કેસ ચાલે છે તેનો નિકાલ લાવવા સરકારે ૧૦ વિવિધ રાજ્યોમાં અને દિલ્હીમાં બે એમ કુલ ૧૨ ખાસ અદાલતો રચવા નિર્ણય કરીને તે માટેનું ખાસ ફંડ તરીકે ૧.૭૯ કરોડ મંજૂર કર્યા છે access_time 11:21 am IST