Gujarati News

Gujarati News

News of Tuesday, 5th June 2018

લોકતંત્રની પાઠશાળાઃ રાજકોટ મતદાર એકતા મંચ દ્વારા ૧ જુલાઈએ ૧૧ કલાકનો સેમીનાર

છ વકતાઓના વકતવ્યઃ હવે, આજે ઉપાય શું? વિષે ચર્ચા

રાજકોટ,તા.૫ : ભારત ''ઉલમાંથી ચૂલ''માં પાડયું છે એ આજે સ્પષ્ટ અનુભવી શકાય છે. ખેતરના એક શેઢેથી 'અંગ્રેજો'નામનું બકરૃં કાઢવા ગયા તો બીજે શેઢેથી 'રાજકીય પક્ષો'નામનું ઊંટ ગરી ગયું છે. શું આ પક્ષશાહી જ લોકશાહી છે? આપણે સૌ ખૂબ જ સારી રીતે જાણીએ છીએ કે આ પક્ષશાહી તે લોકશાહી નથી જ. આ વિષયમાં ભારતનું બંધારણ શું કહે છે? અને આ પક્ષશાહીનો કોઈ ઉપાય થઈ શકે ખરો?

હવે, આજે ઉપાય શું? તેનો પરફેટક જવાબ આપવા માટે રાજકોટ મતદાર એકતા મંચ દ્વારા તા.૧ જુલાઈને રવિવારે સવારે ૮થી સાંજે ૭ સુધી જ્યુબીલી બાગમાં અરવિંદભાઈ મણિયાર હોલમાં 'લોકતંત્રની પાઠશાળા'નામના એક દિવસીય સેમીનારનું આયોજન કરાયેલ છે. આ પાઠશાળામાં છ સત્રોમાં, છ વિષયો પર, છ વકતાઓ જ્ઞાનવર્ધક વકતવ્યો આપશે. સાતમું સત્ર શ્રોતાઓ માટેનુ ખુલ્લું સત્ર છે, જેમાં પ્રશ્નોતરી અને શ્રોતાઓના પ્રતિભાવો એટલે કે જનતાની સાચી 'મન કી બાત' રજુ થશે. રાજકીય પક્ષોના હીમાયતીઓ અને હોદેદારો તથા ચૂંટાયેલા જનપ્રતિનિધિઓને આ સાતમા સત્રમાં ખૂલ્લી ચર્ચા માટે ખૂલ્લો પડકાર કરાયેલ  છે.

આ કાર્યક્રમ રાજકોટ મતદાર એકતા મંચ દ્વારા બધા જ ગેરબંધારણીય રાજકીય પક્ષોને કાયમને માટે રાજકોટ મ્યુનીસીપાલ કોર્પોરેશનમાંથી દૂર કરવાના ભગીરથ કાર્ય અનુસંધાને છે. આ કાર્યક્રમમાં કોર્પોરેશનના અધિકારીઓ, પદાધિકારીઓ, પોલીસ, કલેકટર, મામલતદાર કચેરી, બહુમાળી ભવનની કચેરીઓ, ઈન્કમટેકસ, એ.જી.ઓફીસ વગેરે સરકારી અધિકારીઓને વ્યકિતગત કવરીંગ લેટર સાથે રેકર્ડ પર નિમંત્રણપત્રો આપીને આમંત્રીત કરાનાર છે. ધારાસભ્યો, સંસદસભ્યો અને કોર્પોરેટરને પણ નિમંત્રણપત્રો અપાનાર છે.

આ કાર્યક્રમમાં હાજરી આપનાર દરેકને નોંધણી ફી તરીકે રૂ.૫૦ ભરી આપવા વિનંતી કરાઈ છે.

નામ નોંધાવવા તેમજ વધુ વિગતો માટે અશોકભાઈ પટેલ  મો.૯૪૨૮૨ ૭૫૫૫૦, અબ્બાસભાઈ જરીવાલા- મો.૯૨૨૭૨ ૩૫૧૫૨, પ્રવિણભાઈ લાખાણી- મો.૯૪૨૬૪ ૬૮૧૦૮, મહેશભાઈ મહિપાલ- મો.૯૭૨૭૮ ૭૭૭૯૮, માયાબેન મલકાણા- મો.૯૮૭૯૧ ૬૩૫૬૭, દાદુભાઈ લાંગા- મો.૯૯૨૫૭ ૪૩૭૮૯, કાંતિભાઈ ભૂત- મો.૯૮૯૮૫ ૧૭૭૧૮, રમેશભાઈ જીલરીયા- મો.૮૭૫૮૮ ૦૬૦૯૭, અમીતભાઈ કાંતા પટેલ- મો.૯૭૨૭૮ ૬૮૭૨૦, આસીફભાઈ શેખ- મો.૮૯૩૦૭ ૭૮૬૯૨, ડો.ધર્મેશ ગોહેલ- મો.૯૮૯૮૪ ૧૬૩૦૯, હિમ્મતભાઈ લાબડીયા - મો.૯૯૭૮૮ ૧૮૫૯૨નો સંપર્ક કરવા યાદીમાં જણાવે છે. (તસવીરઃ સંદીપ બગથરીયા) (૩૦.૭)

(3:33 pm IST)
  • બીટકોઈન તોડકાંડ :જીજ્ઞેશ મોરડીયા પાસેથી વધુ 30 લાખ રોકડ રિકવર કરવામાં આવ્યા :કુલ 503 બીટકોઈનને રોકડમાં ફેરવી નાખી હતી અત્યાર સુધી સીઆઇડી ક્રાઇમે 5 કરોડ રિકવર કર્યા :ત્રણેય આરોપીની પૂછપરછ ચાલુ access_time 12:36 am IST

  • ઉના : સિંહની પજવણીનો વધુ એક વિડીયો વાયરલ : ગામમાં આવેલ 2 સિંહ પાછળ કાર ચલાવી સિંહને કરાયા હેરાન : સિંહને જોવાની લ્હાયમાં સિંહની પાછળ ચલાવાઈ કાર : સિંહ સંવર્ધનની વાતો વચ્ચે સતત સિંહોની પજવણીના વિડીયો સામે આવી રહ્યાં છે access_time 1:25 pm IST

  • ઓપરેશન બ્લુસ્ટારની વરસીએ સુરક્ષા વધારાઈ :પોલીસકર્મીની રાજા કેન્સલ :મંદિર પરિસર આસપાસ 3200 પોલીસ જવાનો તૈનાત :શહેરના પ્રવેશ માર્ગો પર મોટો પોલીસ કાફલો ખડકી દેવાયો :એરપોર્ટ, રેલવે સ્ટેશન અને શહેરમાં આવતા તમામ માર્ગોમાં ચુસ્ત બંદોબસ્ત ગોઠવાયો ;વાહનોનું ચેકીંગ access_time 12:29 am IST