Gujarati News

Gujarati News

News of Friday, 5th March 2021

સર્વાગી વિકાસનો લક્ષ્યાંક સિધ્ધ કરતુ સમતોલ બજેટઃ ચેતન રામાણી

રાજકોટ, તા.૫: રાજકોટ જીલ્લા ભાજપના અગ્રણી તેમજ ખેડૂત આગેવાન ચેતનભાઇ રામાણીએ રાજયની રૂપાણી સરકાર તેમજ નાણામંત્રી નિતીનભાઇ પટેલ દ્વારા વર્ષ ૨૦૨૦-૨૧ના બજેટને આવકારી અભિનંદન પાઠવતા જણાવ્યુ છે કે રાજયની વિકાસની જે પરંપરા છે તે વડાપ્રધાન શ્રી નરેન્દ્રભાઇ મોદી શરૂ કરીને ગયા હતા ત્યારબાદની તમામ સરકારોએ તે પૂરી નિષ્ઠા અને ખંતથી આગળ વધારી છે. ત્યારે મુખ્યમંત્રી વિજયભાઇ રૂપાણી સરકાર દ્વારા ગુજરાતની વિકાસયાત્રાને આગળ ધપાવતુ રૂ.૨,૨૭,૦૨૯ કરોડ પુરાંતવાળુ તેમજ સામાન્ય પ્રજાને રાહત આપતુ બજેટ ખરેખર અદભૂત છે.

કોરોનાની વર્તમાન પરિસ્થિતીને ધ્યાનમાં લઇ ચાલુ વર્ષે વેરામા કોઇપણ પ્રકારનો વધારો ન કરવો તેમજ નવો વેરો ન નાખવાની જાહેરાત રૂપાણી સરકારની સહાનુભૂતિના દર્શન કરાવે છે. સાથોસાથ રાજયના તમામ વર્ગોના તમામ લોકોને ધ્યાનમાં લઇ સર્વાગી વિકાસને લક્ષ્યમાં રાખીને ખેડૂતોની આવક બમણી થાય, ગરીબોને રાશન તેમજ આવક વધે, યુવાવર્ગને  રોજગારી મળે તેમજ શ્રમજીવી વર્ગનુ પગારભથ્થુ વધે, મહિલાઓ આત્મનિર્ભર બને તેમજ સમાજના છેવાડાના માનવીની સુખાકારીમાં વધારો કરવાના પગલા આ બજેટમાં છે. તેમ ચેતનભાઇ રામાણીએ જણાવ્યુ છે.

(4:40 pm IST)
  • આવતીકાલે પણ સંતો - મહંતોની મીટીંગ : આ વખતે જૂનાગઢમાં મહાશિવરાત્રીનો મેળો બંધ રાખવાના મામલે સાધુ સંતોમાં વિરોધ વંટોળ ઉઠ્યો છે ત્યારે આ મામલે આવતીકાલે સવારે ૧૦ વાગ્યે ફરી સાધુ સંતોની મીટીંગ મળનાર છે. જેમાં વેપારી એસોસીએશન, પાથરણાવાળા વિ. આ મીટીંગમાં જોડાશે અને શિવરાત્રીનો મેળો બંધ રાખવા મામલે વિરોધ વ્યકત કરશે. access_time 2:33 pm IST

  • હેરંબા ઇન્ડ.નું બમ્પર લીસ્ટીંગ : ૧ લોટ પર રૂ. ૬ર૮૦નો ફાયદો :મુંબઇ : કેમીકલ કંપની હેરંબા ઇન્ડ. નું બમ્પર લીસ્ટીંગ : ઇસ્યુ પ્રાઇઝના ૪૩.પ૯ ટકા પ્રીમીયમે લીસ્ટીંગ : શેર ૯૦૦ ના ભાવે લીસ્ટ થયો : નિવેશકોને પ્રતિ લોટ રૂ. ૬ર૭૯ નો ફાયદો : ઇસ્યુ પ્રાઇઝ ૬ર૬-૬ર૭ રૂ. હતી. access_time 12:55 pm IST

  • ભારતીય ઉદ્યોગપતિ રમેશ રામકૃષ્ણન દ્વારા પ્રમોટ કરાયેલ દુબઈ સ્થિત ટ્રાંસવર્લ્ડ ગ્રૂપે રાજ્ય માલિકીની સાગરમાલા ડેવલપમેન્ટ કંપની લિ. સાથે ગુજરાતમાં કાર્ગો કન્ટેનર મેન્યુફેક્ચરિંગ સુવિધા રૂ. 200 કરોડના રોકાણ સાથે બનાવવા માટે કરાર કર્યો છે : આ યોજના આત્મનિર્ભાર ભારત પહેલના ભાગરૂપે, ચીન દ્વારા વર્ચસ્વ ધરાવતા કાર્ગો કન્ટેનર બિઝનેસમાં ભારતના પ્રવેશને ચિહ્નિત કરે છે. access_time 10:32 pm IST