Gujarati News

Gujarati News

News of Friday, 5th March 2021

હિરાસર એરપોર્ટઃ બે ચેક ડેમો તોડી પડાયા : તેના બદલે સોમ પીપળીયા-કનેસરા બે નવા ચેક ડેમો બનાવવાનું શરૂ

રિવ્યુ મીટીંગ મળીઃ ૮૦% રન-વે બે તૈયારઃ ૧ કલાકમાં ૧૦ પ્લેન ઉતરી શકે તેવી ફુલ પ્રુફ યોજના : જે ખેડૂતોને સિંચાઇનું પાણી મળતુ હતું તે હવે મચ્છુ-ર માંથી લીફટ ઇરીગેશન કરી અપાશે

રાજકોટ તા. પ :.. આજે હિરાસર ઇન્ટરનેશનલ એરપોર્ટ અંગે પણ કલેકટરના અધ્યક્ષતામાં રીવ્યુ મીટીંગ યોજાઇ હતી. તેમાં એરપોર્ટ અધિકારીઓ-કોન્ટ્રાકટર સહિત તમામ ખાતાના અધિકારીઓને બોલાવાયા હતાં.

મીટીંગ સંદર્ભે એડી. કલેકટરશ્રી પરિમલ પંડયાએ પત્રકારોને જણાવ્યું હતું કે, હિરાસર એરપોર્ટને અડચણરૂપ બે ચેક ડેમો હતા તે તોડી પડાયા છે, પરંતુ સુપ્રીમ કોર્ટની સુચના મુજબ આ ચેક ડેમોને બદલે અન્યત્ર બે સ્થળે સોમ પીપળીયા-કનેસરા ચેક ડેમો બનાવી દેવાયા છે, શ્રી પંડયાએ જણાવેલ કે જે ખેડૂતોને બામણબોર સિંચાઇ યોજનાનું પાણી મળતુ તેના બદલે હવે મચ્છુ-ર માંથી લીફટ ઇરીગેશન કરી પાઇપ લાઇન નાખી આસપાસના પ થી ૬ ગામોના ખેડૂતોને પાણી અપાશે, તેના ટેન્ડરનું કામ પણ પુરૂ થઇ ગયું છે. આ ઉપરાંત પીજીવીસીએલની લાઇનોમાં બદલાવ, જમીન સંપાદન કામ, ઓએફસી કેનાલનું કામ પણ પુરૂ થયું છે, સુત્રોના ઉમેર્યા પ્રમાણે હિરાસરનો રન-વે ૮૦ ટકા તૈયાર થઇ ગયો છે, ૧ કલાકમાં ૧૦ પ્લેન ઉતરી શકે તેવી ફુલ પ્રુફ યોજના બનાવાઇ છે.

(3:54 pm IST)
  • સિડનીમાં શીખો પર હુમલો :કૃષિ કાયદાના વિવાદ કારણભૂત : ભારતના કૃષિ કાયદાને લઈને ઓસ્ટ્રેલિયામાં ભારતીય સમુદાય વચ્ચે મતભેદો વધ્યા :સિડનીના કેટલાક લોકોએ બેસબોલ અને ધોકાથી હુમલો કર્યો : સિડનીના હેરિસ પાર્કમાં અજાણ્યા લોકોના જૂથે બેઝબોલ બેટ, લાકડીઓ અને ધણ સાથે વાહન પર હુમલો કર્યો હતો access_time 12:57 am IST

  • ચીને સંરક્ષણ બજેટ વધારીને ૨૦૯ અબજ ડોલર કર્યું:ચીને સંરક્ષણ બજેટને પહેલીવાર ૨૦૦ અબજ ડોલરથી વધુ રકમ સુધી વધાર્યું ચીનનું સંરક્ષણ બજેટ ભારતથી ૩ ગણું વધારીને ૨૦૯ અબજ ડોલર કરાયું: એશિયામાં શસ્ત્ર દોટ વધવાની શકયતા access_time 12:46 am IST

  • દેશમાં કોરોનાના કેસ ઝડપથી વધ્યા : નવા કેસ કરતા રિકવર થનારની ઘટતી સંખ્યા : એકિટવ કેસમાં પણ વધારો : રાત્રે ૧૨ વાગ્યા સુધીમાં કોરોનાના નવા ૧૬,૮૨૪ કેસ નોંધાયા : કુલ કેસની સંખ્યા ૧,૧૧,૭૩,૫૭૨ થઇ : એકિટવ કેસ ૧,૭૩,૩૬૪ થયા વધુ ૧૩,૭૮૮ દર્દીઓ સ્વસ્થ થતાં કુલ ૧,૦૮,૩૮,૦૨૧ થયા : વધુ ૧૧૩ લોકોના મોત સાથે કુલ મૃત્યુઆંક ૧,૫૭,૫૮૪ થયા : દેશમાં સૌથી વધુ મહારાષ્ટ્રમાં નવા ૮૯૯૮ નવા કેસ નોંધાયા access_time 2:33 pm IST