Gujarati News

Gujarati News

News of Friday, 5th March 2021

ઢેબર રોડ પર અકસ્‍માતમાં મહિલા ઘાયલ થઇ...પોલીસ તરીકે ઓળખ આપી, નિવેદન લખાવ્‍યા વગર રવાના

પોતાનું નામ વંદના ખાંભલા લખાવ્‍યું: નંબર વગરનું એક્‍ટીવા હતું: પુરૂ નામ-સરનામુ ન આપ્‍યું: તે પોલીસમાં છે કે કેમ? તે જાણવા પોલીસ ધંધે લાગીઃ નર્સિંગ સ્‍ટાફને પણ પુરૂ એડ્રેસ લખાવ્‍યું નહિ

રાજકોટ તા. ૫: ઢેબર રોડ પર બોમ્‍બે પેટ્રોલ પંપ નજીક રાત્રીના એક નંબર વગરના એક્‍ટીવાને અકસ્‍માત નડતાં તેની ચાલક મહિલાને ૧૦૮ મારફત સિવિલ હોસ્‍પિટલમાં ખસેડવામાં આવી હતી. રસ્‍તામાં તેની ૧૦૮ના સ્‍ટાફે પુછતાછ કરતાં પોતાનું નામ વંદનાબેન ખાંભલા હોવાનું અને પોલીસમાં હોવાનું રટણ કર્યુ હતું.

સિવિલ હોસ્‍પિટલમાં તેણીને ઇમર્જન્‍સી વોર્ડમાં પહોંચાડવામાં આવતાં અહિ પણ પોતાનું ટુંકુ નામ  વંદનાબેન ખાંભલા જ લખાવ્‍યું હતું. હોસ્‍પિટલ ચોકીમાં પણ આટલા નામથી એન્‍ટ્રી નોંધાવાઇ હતી. ભક્‍તિનગર પોલીસને જાણ થતાં એએસઆઇ નરેન્‍દ્રભાઇ ભદ્રેચા નિવેદન નોંધવા પહોંચ્‍યા હતાં. પરંતુ એ પહેલા તેણી વોર્ડ નં. ૧માં પ્રાથમિક સારવાર લઇ નીકળી ગઇ હતી. નર્સિંગ સ્‍ટાફને પણ પોતાનું પુરૂ નામ એડ્રેસ કે ફોન નંબર જણાવ્‍યા નહોતાં. નવેનવા નંબર વગરના તેનું વાહન સ્‍લીપ થઇ ગયું હતું.

યુવતિ પોલીસમાં ફરજ બજાવતી હોવાના મેસેજ સોશિયલ મિડીયામાં વાયરલ થતાં પોલીસ તેણીની ઓળખ મેળવવા રાતે ધંધે લાગી હતી. પરંતુ આ નામની કોઇ મહિલા પોલીસમાં નહિ હોવાનું બહાર આવ્‍યું હતું. મહિલાએ પોતે પોલીસમાં હોવાનું રટણ શા માટે કર્યુ હતું? ખરેખર  એ કોણ હતી? સાચુ નામ શું? તે અંગે ચર્ચા જાગી હતી. પોલીસે તપાસ યથાવત રાખી છે.

(1:56 pm IST)
  • મુંબઈમાં મુકેશ અંબાણીના ઘર સામે મળેલ શંકાસ્પદ સ્કોર્પીયો કારના માલિકનું રહસ્યમય મોત : કાર માલિક મનસુખ હિરેનનો મૃતદેહ મળી આવતા ખળભળાટ : થોડા દિવસ અગાઉ રિલાયન્સના મુકેશ અંબાણીના ઘરની બહાર શંકાસ્પદ સ્કોર્પીયો કાર દેખાઈ હતી : જેમાંથી જીલેટીન મળ્યા હોવાના જે તે વખતે ખુલાસો થયો હતો access_time 5:24 pm IST

  • યોગી આદિત્યનાથ સરકાર દુનિયાભરના રામ ભક્તોને એક અનોખી ભેટ આપવા જઈ રહી છે. રામાયણ ના વૈશ્વિક એનસાયકલોપેડિયાની પ્રથમ આવૃત્તિ પ્રકાશન માટે તૈયાર થઈ ગઈ છે. સીએમ યોગી આદિત્યનાથ, જાનકી નવમીના અવસરે આ ઐતિહાસિક આવૃત્તિનું વિમોચન કરશે. access_time 11:11 pm IST

  • વૃધ્ધ દંપતિની હત્યા : અમદાવાદમાં ડબલ મર્ડરનો સનસનીખેજ કિસ્સો સોલા વિસ્તારમાં વૃદ્ધ દંપત્તિની કરાઇ હત્યા ગળાનાં ભાગે તીક્ષ્ણ હથિયારનાં ઘા મારી હત્યા ચોરી કે લૂંટના ઇરાદે હત્યા થઇ હોવાની આશંકા પોલીસે સમગ્ર મામલે હાથ ધરી તપાસ access_time 2:33 pm IST