Gujarati News

Gujarati News

News of Friday, 5th March 2021

આનંદ બંગલા ચોક પાસે નાણાની ઉઘરાણી મામલે વિરાટનગરના હેમાંશુ ચોવટીયા પર પાઇપથી હુમલો

કારખાનેદાર કેતન સભાયાએ માર માર્યોઃ હેમાંશુ સાથેના પિયુષ ફાચરાની પણ ધોલધપાટ

રાજકોટ તા. ૫: અટિકા પાસે વિરાટનગર મેઇન રોડ પર રહેતાં હેમાંશુ મહેશભાઇ ચોવટીયા (ઉ.વ.૨૧)ને આનંદ બંગલા ચોકમાં ઓમ ઇન્‍ડસ્‍ટ્રીઝ નામના કારખાને કેતન સભાયાએ પાઇપથી માર મારતાં સિવિલ હોસ્‍પિટલમાં દાખલ કરવામાં આવતાં હોસ્‍પિટલ ચોકીના સ્‍ટાફે માલવીયાનગર પોલીસને જાણ કરી હતી.

હેમાંશુએ જણાવ્‍યું હતું કે હું અટિકામાં પિયુષભાઇ ફાચરાના કારખાનામાં કામ કરુ છું. મેં તેમને પૈસાની જરૂર પડતાં રૂપિયા ત્રણ લાખ હાથ ઉછીના આપ્‍યા હતાં. આ પૈસાની મેં ઉઘરાણી કરતાં તેણે પોતાને ઓમ ઇન્‍ડસ્‍ટ્રીઝવાળા કેતનભાઇ સભાયા પાસેથી પૈસા લેવાના હોઇ ત્‍યાંથી આવશે પછી આપશે તેમ કહ્યું હતું. ગત રાતે હું અને પિયુષભાઇ આ પૈસાની ઉઘરાણી માટે કેતનભાઇના કારખાને જતાં તેણે ઝઘડો કરી પૈસા નથી આપવા કહી પાઇપથી મને માર માર્યો હતો. વચ્‍ચે પડેલા પિયુષભાઇને પણ કેતનભાઇએ ફટકાર્યા હતાં. પોલીસે આ અંગે તપાસ હાથ ધરી છે.

(1:55 pm IST)
  • કોરોના પ્રોટોકોલ તોડીને વૈષવોદેવીની યાત્રાએ ગયા પોઝીટીવ દર્દી : ફરિયાદ દાખલ :હોમ આઇસોલેશનમાં રખાયેલા કોરોના દર્દીઓ વૈષ્ણો દેવીની યાત્રાએ પહોંચ્યા :આરોગ્ય વિભાગે ત્રણ લોકો સામે ગુનો નોંધ્યો: સદર કોટવાલી ક્ષેત્રનો શ્રીપાલ બિહાર કોલોનીસ્કૂલની છોકરીનો રિપોર્ટ પોઝિટિવ આવ્યો:તેના માતા-પિતાની પણ તપાસ કરતા તેઓને પણ ચેપ લાગ્યો હતો: આરોગ્ય વિભાગે પરિવારને એકાંત રહેવાની સલાહ આપી હતી. પરંતુ યુવતીના માતા-પિતા વૈષ્ણો દેવીની યાત્રાએ નીકળ્યા હતા access_time 1:03 am IST

  • સિડનીમાં શીખો પર હુમલો :કૃષિ કાયદાના વિવાદ કારણભૂત : ભારતના કૃષિ કાયદાને લઈને ઓસ્ટ્રેલિયામાં ભારતીય સમુદાય વચ્ચે મતભેદો વધ્યા :સિડનીના કેટલાક લોકોએ બેસબોલ અને ધોકાથી હુમલો કર્યો : સિડનીના હેરિસ પાર્કમાં અજાણ્યા લોકોના જૂથે બેઝબોલ બેટ, લાકડીઓ અને ધણ સાથે વાહન પર હુમલો કર્યો હતો access_time 12:57 am IST

  • દેશમાં કોરોનાએ ફરી ફૂફાડો માર્યો : છેલ્લા ૧૦ દિવસમાં ૧૧ રાજ્યના ૩૪ જિલ્લામાં કોરોનાના કેસ નોંધાવાની ઝડપ બમણી : મહારાષ્ટ્રના ૬, પંજાબના પાંચ, ગુજરાતના ૪ અને મધ્યપ્રદેશના ૩ જિલ્લામાં સ્થિતિ વણસી:કેરળ અને મહારાષ્ટ્ર બાદ હવે પંજાબમાં પણ રોજના ૧૦૦૦થી વધુ કોરોનાના નવા કેસ નોંધાઈ રહ્યા છે access_time 12:50 am IST