Gujarati News

Gujarati News

News of Friday, 5th March 2021

દારૂની બાતમી આપ્‍યાનો ખાર રાખી માટેલના નારણભાઇને કારમાં ઉઠાવી જઇ ફટકાર્યા

માથકના મૈયાભાઇ સહિતનાએ મારકુટ કરી વિરપર રસ્‍તે ફેંકી દીધાઃ રાજકોટ દાખલ

રાજકોટ તા. ૫: વાંકાનેરના માટેલમાં રહેતાં નારણભાઇ છગનભાઇ ચાવડા (ઉ.વ.૫૦)ને નદી કાંઠેથી કારમાં ઉઠાવી જઇ પાઇપથી માર મારી વિરપરના રસ્‍તે ફેંકી દેવામાં આવતાં સારવાર માટે રાજકોટ સિવિલ હોસ્‍પિટલમાં ખસેડાયા છે.

નારણભાઇ છુટક કામ કરે છે. તેના પુત્ર સંજયભાઇના કહેવા મુજબ અમારી વાડી પાસે માથકના શખ્‍સો દારૂ ગાળતાં હોઇ થોડા દિવસ પહેલા મારા બાપુજીએ પોલીસને જાણ કરી દરોડો પડાવ્‍યો હતો. આ બાબતનો ખાર રાખી મારા પિતાને કારમાં ઉઠાવી જઇ લોખંડના પાઇપથી માર મારી બાદમાં વિરપરના રસ્‍તે ફેંકી દેવાયા હતાં. માથકના મૈયાભાઇને મારા બાપુજી ઓળખે છે, તેની સાથે બીજા અજાણ્‍યા શખ્‍સો હતાં.

હોસ્‍પિટલ ચોકીના સ્‍ટાફે વાંકાનેર તાલુકા પોલીસને જાણ કરતાં આક્ષેપો અંગે તપાસ શરૂ થઇ છે.

(1:54 pm IST)
  • ઇંધણના ભાવમાં આગ એંધાણ : ઓપેક દેશોએ ક્રૂડ ઉત્પાદનનો કાપ લંબાવ્યો: આંતરરાષ્ટ્રીય બજારોમાં ક્રૂડની કિંમત વધવા છતાં ઓઇલ ઉત્પાદક ઓપેક દેશોએ ગ્લોબલ ઇકોનોમિક રિકવરી સ્થિર ન બને ત્યાં સુધી વધુ એક મહિનો ઉત્પાદનમાં કાપ લંબાવ્યો access_time 12:48 am IST

  • કોરોના પ્રોટોકોલ તોડીને વૈષવોદેવીની યાત્રાએ ગયા પોઝીટીવ દર્દી : ફરિયાદ દાખલ :હોમ આઇસોલેશનમાં રખાયેલા કોરોના દર્દીઓ વૈષ્ણો દેવીની યાત્રાએ પહોંચ્યા :આરોગ્ય વિભાગે ત્રણ લોકો સામે ગુનો નોંધ્યો: સદર કોટવાલી ક્ષેત્રનો શ્રીપાલ બિહાર કોલોનીસ્કૂલની છોકરીનો રિપોર્ટ પોઝિટિવ આવ્યો:તેના માતા-પિતાની પણ તપાસ કરતા તેઓને પણ ચેપ લાગ્યો હતો: આરોગ્ય વિભાગે પરિવારને એકાંત રહેવાની સલાહ આપી હતી. પરંતુ યુવતીના માતા-પિતા વૈષ્ણો દેવીની યાત્રાએ નીકળ્યા હતા access_time 1:03 am IST

  • નરેન્દ્રભાઇની હાજરીમાં મિથુનદા ભાજપમાં જોડાશે : બોલીવુડના સુપ્રસિધ્ધ અભિનેતા મિથુન ચક્રવર્તી ભાજપમાં જોડાઇ રહયા છે. તેઓ કોલકતા ખાતે વડાપ્રધાન નરેન્દ્રભાઇ મોદીની હાજરીમાં કેસરીયો ખેસ ધારણ કરશે. access_time 4:39 pm IST