Gujarati News

Gujarati News

News of Friday, 4th December 2020

કાગદડીમાં કરીયાણાની દુકાનમાં થયેલી ચોરીનો ભેદ ઉકેલાયોઃ યુનુસ અને સલીમ પકડાયા

કુવાડવા રોડ પોલીસે બંનેને બેડી ગામ પાસેથી ઝડપી લીધા

રાજકોટ તા. ૪ :.. કાગદડી ગામમાં કરિયાણાની દુકાનમાં ત્રણ દિવસ પહેલા થયેલી ચોરીનો કુવાડવા રોડ પોલીસે ભેદ ઉકેલી બે શખ્સોને બેડી ચોકડી પાસેથી પકડી લીધા હતાં.

મળતી વિગત મુજબ શહેર પોલીસ કમિશનર શ્રી મનોજ અગ્રવાલ, જોઇન્ટ પોલીસ કમિશનર ખુરશીદ અહેમદ, ડીસીપી પ્રવિણકુમાર મીણા તથા એસીપી એસ. આર. ટંડેલની સુચનાથી કુવાડવા રોડ પોલીસ મથકના પીઆઇ એમ. સી. વાળના માર્ગદર્શન હેઠળ પીએસઆઇ બી. પી. મેધલાતર, એએસઆઇ હિતેન્દ્રસિંહ ઝાલા, હેડ કોન્સ. અરવિંદભાઇ, જયંતીભાઇ, કિશોરભાઇ,  વિરદેવસિંહ, સતીષભાઇ, દેવેન્દ્રસિંહ તથા  મુકેશભાઇ સહિત પેટ્રોલીંગમાં હતા ત્યારે એએસઆઇ હિતેન્દ્રસિંહ, વિરદેવસિંહ, દેવેન્દ્રસિંહ, અને મુકેશભાઇને મળેલી બાતમીના આધારે બેડીગામ પાસેથી જીજે-૩-એલપી-૧૬૮૭ નંબરના એકટીવા પર પસાર થતા બે શખ્સોને શંકાના આધારે રોકી એકટીવાના કાગળો લાયસન્સ અને નામ પુછતા બંનેએ પોતાના નામ યુનુસ ઇલ્યાસભાઇ અંબારી (ઉ.૩૪) (રહે. ગાંધીગ્રામ ગાંધીનગર સોસાયટી શેરી નં. ૪) તથા સલીમ ગજુમીયા સૈયદ (ઉ.પ૩) (રહે. નાગલપર કલરવ પાર્ક સોસાયટી બ્લોક નં. ૬૬) આપ્યા હતાં. પોલીસે બંનેની તલાસી લેતા યુનુસ પાસેથી પાંચ હજાર અને સલીમ પાસે પાંચ હજાર મળી આવતા પુછપરછ કરતા બંને ગલ્લા તલ્લા કરવા લાગ્યા હતાં. બાદ બંનેની આંકરી પુછપરછ કરતા બંનેએ તા. ર૪-૧૧ ના રોજ કાગદડી ગામમાં આવેલી શ્રીરામ પ્રોવીઝન સ્ટોર દુકાનમાંથી ચોરી કર્યાની કબુલાત આપતા બંનેની ધરપકડ કરી હતી.

(3:47 pm IST)
  • આગામી બજેટમાં સરકારી તિજોરી છલકાવવા માટે નવો રસ્તો શોધી કાઢ્યો? હવે ટેક્ષ ઉપર નવી 'સેસ' લાદવામાં આવે તેવી સંભાવના: ૧ ફેબ્રુઆરીએ આવી રહેલા આગામી કેન્દ્રીય બજેટમાં મોદી સરકાર સંભવતઃ ડાયરેકટ અને ઇનડાયરેકટ ટેકસ ઉપર, નવી સેસ લાદવા જઈ રહ્યાનું આધારભુત વર્તુળોમાંથી જાણવા મળે છે.. (ન્યૂઝફર્સ્ટ) access_time 11:15 am IST

  • ઈટાલીમાં કોરોના ગાંડોતુર બન્યો: એકાદ હજારના મોત : ઈટાલીમાં મોડી રાત સુધીમાં કોરોના નિમિતે 993 મૃત્યુ થયા છે. આજે ઇટાલીમાં સૌથી ઘાતક દિવસ નીવડ્યો હતો. access_time 11:53 pm IST

  • ઉત્તર પ્રદેશમાં ' લવ જેહાદ ' નો બીજો કેસ : શબાબ નામક મુસ્લિમ યુવકે રાહુલ નામ ધારણ કરી હિન્દૂ યુવતીને પ્રેમજાળમાં ફસાવ્યાનો આરોપ : 1 ડિસેમ્બરના રોજ લગ્ન થવાના હતા : 30 નવેમ્બરથી યુવક યુવતી બંને ગૂમ : આ અગાઉ બરેલી જિલ્લામાં પ્રથમ કેસ બન્યો હતો : બંને કેસમાં પોલીસ તપાસ ચાલુ : જો ગુનો પુરવાર થાય તો 10 વર્ષની જેલસજા અને 50 હજાર રૂપિયા દંડ થઇ શકે access_time 1:46 pm IST