Gujarati News

News of Friday, 4th December 2020

ડુંગળી-બટેટામાં કિલોએ વધુ પ રૂ. તૂટયા

નવી આવકો શરૂ થતા ભાવો ઘટવા લાગ્યાઃ ડુંગળી એક કિલોના ભાવ ઘટીને ૩૦ થી ૪૦ અને બટેટાના ભાવ ૩પ થી ૪૦ રૂ. થઇ ગયાઃ હજુ પણ ભાવો ઘટશે

રાજકોટ તા. ૪ :.. ડુંગળી અને બટેટાના ભાવોએ રડાવ્યા બાદ હવે ક્રમશ ભાવો તૂટવા લાગતા ગૃહિણીઓમાં હાશકારો ફેલાયો છે. નવી આવકો શરૂ થતા ડંુગળી અને બટેટાના ભાવમાં કિલોએ વધુ પ રૂ. નીકળી ગયા છે. વેપારી વર્તુળોના જણાવ્યા મુજબ નવી ડુંગળીની આવકો ધીમેધીમે શરૂ થતા ડુંગળીના ભાવો ઘટી રહ્યા છે. ડુંગળી જૂની એક મણ (ર૦ કિલો)ના ભાવ પ૦૦થી ૬૦૦ રૂ. હતા તે ૧૦૦ રૂ. ઘટીને ૪૦૦ થી પ૦૦ રૂ. અને નવી ડુંગળી એક મણ (ર૦ કિલો)ના ભાવ પ૦૦થી ૭૦૦ રૂ. હતાં તે ૧૦૦ રૂ. ઘટીને ૪૦૦થી ૬૦૦ રૂ. થઇ ગયા છે. છૂટકમાં ડુંગળી એક કિલોના ભાવ ૩પ થી ૪પ રૂ. હતાં તે ઘટીને ૩૦થી ૪૦ રૂ. થઇ ગયા છે. આગામી દિવસોમાં ડુંગળીની આવકો વચ્ચે હજુ પણ ભાવો ઘટે તેવી શકયતા છે. તેવી જ રીતે બટેટામાં પણ નવી આવકો શરૂ થતા ભાવો તૂટી રહ્યા છે. પોખરાજ બટેટા એક મણ (ર૦ કિલો)ના ભાવ પ૦૦થી ૬૩૦ રૂ. હતા તે ૧૦૦ રૂ. ઘટીને ૪૦૦થી પ૩૦ રૂ. અને બટેટા બાદશાહ એક મણ (ર૦ કિલો)ના ભાવ ૬૦૦થી ૭૦૦ રૂ. હતાં તે ૧૦૦ રૂ. ઘટીને પ૦૦થી ૬૦૦ રૂ. થઇ ગયા છે. ટુકમાં બેસ્ટ કવોલીટીના બટેટા એક કિલોના ભાવ ૪૦થી ૪પ રૂ. હતા તે ઘટીને ૩પ થી ૪૦ અને મધ્યમ બટેટા એક કિલોના ભાવ ૩પથી ૪૦ રૂ. હતા. તે ઘટીને ૩૦થી ૩પ રૂ. થઇ ગયા છે. પંજાબ અને ઇન્દોરથી નવા બટેટાની આવકો ચાલુ થઇ ગઇ છે. ટૂંક સમયમાં યુપી અને ગુજરાતના નવા બટેટાની આવકો ચાલુ થતા હજુ પણ ભાવો ઘટશે. અત્રે એ નોંધનીય છે કે, થોડા સમય પૂર્વે બટેટા એક કિલોના ભાવ પપથી ૬૦ રૂ. અને ડુંગળી એક કિલોના ભાવ ૮૦થી ૧૦૦ રૂ. થઇ જતા ગૃહીણીઓમાં દેકારો બોલી ગયો હતો. જોકેહવે ડુંગળી અને બટેટાના ભાવો ઘટતા ગૃહીણીઓમાં રાહત ફેલાઇ છે.

(3:29 pm IST)

આ સમાચાર શેર કરો

Akilanews.com ને સોશ્યલ મીડિયા પર ફોલો કરો

છેલ્લા 8 દિવસમાં સૌથી લોકપ્રિય

Most Popular
Recent

સમાચાર ફટાફટ

ઉત્તર પ્રદેશમાં ' લવ જેહાદ ' નો બીજો કેસ : શબાબ નામક મુસ્લિમ યુવકે રાહુલ નામ ધારણ કરી હિન્દૂ યુવતીને પ્રેમજાળમાં ફસાવ્યાનો આરોપ : 1 ડિસેમ્બરના રોજ લગ્ન થવાના હતા : 30 નવેમ્બરથી યુવક યુવતી બંને ગૂમ : આ અગાઉ બરેલી જિલ્લામાં પ્રથમ કેસ બન્યો હતો : બંને કેસમાં પોલીસ તપાસ ચાલુ : જો ગુનો પુરવાર થાય તો 10 વર્ષની જેલસજા અને 50 હજાર રૂપિયા દંડ થઇ શકે 1:46 pm IST
ગ્રેટર હૈદરાબાદ મ્યુનિસિપલ કોર્પોરેશન ચૂંટણી : સત્તાધારી પાર્ટી TRS નો 44 બેઠકો ઉપર વિજય : ઓવૈસીની AIMIM પાર્ટીએ 39 બેઠકો કબ્જે કરી : 32 બેઠકો ઉપર ભગવો લહેરાયો : સાંજે 6:30 વાગ્યા સુધીના પરિણામ : કુલ બેઠક 150 : મત ગણતરી ચાલુ : 2016 ની સાલમાં સત્તાધારી પાર્ટી TRS ને 99 તથા ઓવૈસીની પાર્ટીને 44 બેઠકો મળી હતી : ભાજપે 4 બેઠકો ઉપર વિજય મેળવ્યો હતો 7:15 pm IST
હવે કર્ણાટક સરકાર પણ ' લવ જેહાદ ' કાનૂન લાવવાની તૈયારીમાં : ઉત્તર પ્રદેશમાં અમલી બનાવાયેલા કાનૂન મુજબ ફરજીયાત ધર્માન્તર અને લગ્ન માટે 10 વર્ષની જેલસજા તથા 50 હજાર રૂપિયાનો દંડ : હરિયાણા તથા મધ્ય પ્રદેશની સરકાર દ્વારા થઇ રહેલી વિચારણા બાદ હવે કર્ણાટક સરકાર પણ લવ જેહાદ કાનૂન લાવવા તૈયાર : હોમ મિનિસ્ટરની ઘોષણાં 8:47 pm IST