Gujarati News

Gujarati News

News of Friday, 4th December 2020

ગુજસીટોકના ગુનાના બે આરોપીનો પીછો કરી પકડનારા પીએસઆઇ કે.ડી. પટેલનું સન્માન

પથ્થરમારો થયો છતાં અડધો કિ.મી. પાછળ દોડ્યો

રાજકોટઃ પ્ર.નગર પોલીસ મથકમાં નોંધાયેલા ૧૧ શખ્સોની ગેંગના બે આરોપી માજીદ ભાણુ અને મુસ્તુફા ખીયાણી કુવાડવા પાસે આવ્યા હોવાની બાતમી પરથી પીઆઇ એલ. એલ. ચાવડાની રાહબરીમાં પીએસઆઇ કે. ડી. પટેલ અને ડી. સ્ટાફની ટીમ ત્યાં વોચ રાખીને ઉભી હતી. એ વખતે આરોપી મુસ્તુફા કે જેને અગાઉના ગુનામાં હાજર થવાનું હતું તે અને સાથેનો માજીદ ઝપાઝપી કરી ભાગી ગયા હતાં. પીએસઆઇ પટેલ સહિતની ફિલ્મી ઢબે પીછો કરતાં તેના પર પથ્થરનો ઘા થતાં માથામાં ઇજા થઇ હતી. આમ છતાં અડધા કી.મી. સુધી દોડીને પીછો કરી  પોતાની પરવા કર્યા વગર પીએસઆઇ પટેલે હિમ્મત દાખવી બંનેને દબોચી લીધા હતાં. પોલીસ કમિશનરશ્રી મનોજ અગ્રવાલ અને જેસીપી ખુરશીદ અહેમદે તેમનું સન્માન કર્યુ હતુ

(3:29 pm IST)
  • તાપીમાં સગાઇ કાર્યક્રમમાં ભીડ ભેગી કરવા મામલોઃ ભાજપ નેતા કાંતિ ગામિત સહિત 4 આરોપીના સોનગઢ કોર્ટે 2 દિવસના રિમાન્ડ મંજૂર કર્યા. બાકીના 15 આરોપીની જામીન અરજીની તજવીજ હાથ ધરાઈ access_time 8:54 pm IST

  • દેશમાં કોરોનાથી સ્વસ્થ થનારની સંખ્યા 90 લાખને પાર પહોંચી : નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં ઘટાડો : રાત્રે 9 વાગ્યા સુધીમાં કોરોનાના નવા 29,331 કેસ નોંધાયા:કુલ કેસની સંખ્યા 95,64,565 થઇ :એક્ટીવ કેસ 4, 14,924 થયા : વધુ 35,536 દર્દીઓ સ્વસ્થ થતા કુલ 90,07,247 રિકવર થયા :વધુ 416 ના મોત સાથે કુલ મૃત્યુઆંક 1,39,102 થયો access_time 12:21 am IST

  • આગામી બજેટમાં સરકારી તિજોરી છલકાવવા માટે નવો રસ્તો શોધી કાઢ્યો? હવે ટેક્ષ ઉપર નવી 'સેસ' લાદવામાં આવે તેવી સંભાવના: ૧ ફેબ્રુઆરીએ આવી રહેલા આગામી કેન્દ્રીય બજેટમાં મોદી સરકાર સંભવતઃ ડાયરેકટ અને ઇનડાયરેકટ ટેકસ ઉપર, નવી સેસ લાદવા જઈ રહ્યાનું આધારભુત વર્તુળોમાંથી જાણવા મળે છે.. (ન્યૂઝફર્સ્ટ) access_time 11:15 am IST