Gujarati News

Gujarati News

News of Friday, 4th December 2020

'માહી' ની વાર્ષિક આવકમાં ૮.૬૮ ટકાનો વધારોઃ વાર્ષિકસભા સંપન્ન

રૂ.૧ ની આવક સામે૮૧ પૈસા દૂધ ઉત્પાદકો અને તેના સભ્યો-સંપાદન પાછળ ખર્ચ કર્યો

રાજકોટ : દૂધ ઉત્પાદકોની પોતાની કંપની માહી મિલ્ક પ્રોડયુસર કંપની લિમિટેડની નવમી વાર્ષિક સાધારણ સભા રાજકોટ ખાતે યોજાઇ હતી. દૂધ ઉત્પાદક સભ્યોની ઉપસ્થિતિમાં યોજાયેલી આ વાર્ષિક સાધારણ સભામાં ચેરમેન શ્રી મહેન્દ્રસિંહ જાડેજાએ ગત નાણાકીય વર્ષ ર૦૧૯-ર૦ દરમિયાન કંપનીએ સાધેલા વિકાસની રૂપરેખા રજુ કરી હતી કંપનીની કુલ આવકમાં ગત વર્ષની સરખામણીમાંં ૮.૬૮% નો વધારો નોંધાયો છે. કંપનીએ બજારમાંથી થયેલી એક રૂપિયાની આવક સામે ૮૧ પૈસા તેના દૂધ ઉત્પાદક સભ્યો તેમજ દૂધ સંપાદન પાછળ થતા ખર્ચ પેટે ચુકવ્યા છે જે કંપનીની દૂધ ઉત્પાદક સભ્યો પ્રત્યેની પ્રતિબદ્ધતા દર્શાવે છે વૈશ્વિક મહામારીના સમયમાં તમામ સોશ્યલ ડિસ્ટન્સીંગના નિયમોનું પાલન સાથે કાર્યક્રમ યોજાયો હતો.

(11:24 am IST)
  • તાપીમાં સગાઇ કાર્યક્રમમાં ભીડ ભેગી કરવા મામલોઃ ભાજપ નેતા કાંતિ ગામિત સહિત 4 આરોપીના સોનગઢ કોર્ટે 2 દિવસના રિમાન્ડ મંજૂર કર્યા. બાકીના 15 આરોપીની જામીન અરજીની તજવીજ હાથ ધરાઈ access_time 8:54 pm IST

  • આગામી બજેટમાં સરકારી તિજોરી છલકાવવા માટે નવો રસ્તો શોધી કાઢ્યો? હવે ટેક્ષ ઉપર નવી 'સેસ' લાદવામાં આવે તેવી સંભાવના: ૧ ફેબ્રુઆરીએ આવી રહેલા આગામી કેન્દ્રીય બજેટમાં મોદી સરકાર સંભવતઃ ડાયરેકટ અને ઇનડાયરેકટ ટેકસ ઉપર, નવી સેસ લાદવા જઈ રહ્યાનું આધારભુત વર્તુળોમાંથી જાણવા મળે છે.. (ન્યૂઝફર્સ્ટ) access_time 11:15 am IST

  • મોસ્કોમાં એક સાથે કોવિદ વેકિસન આપવા જબ્બર તૈયારીઓ : શનિવારથી રશિયાના મોસ્કો ખાતે સમગ્ર શહેરમાં કોવિડ વેકિસન સેન્ટરો ઉભા કરવામાં આવશે, તે સાથે જ મોસ્કોમાં એકસાથે કોરોના વેકસિન આપવાનું ભગીરથ કાર્ય હાથ ધરાશે. access_time 10:46 am IST