Gujarati News

Gujarati News

News of Wednesday, 4th December 2019

કોંગ્રેસે હેલ્મેટના ઘા કરી તોડી નાખ્યા : ફટાકડા ફોડ્યા : મીઠા મોઢા કરી વિજયોત્સવ મનાવ્યો

રાજકોટ : રાજય સરકાર દ્વારા નગરપાલિકાઓમાં હેલ્મેટના કાયદાને મરજીયાત બનાવવાના નિર્ણયની જાહેરાત કરતાં શહેર કોંગ્રેસ દ્વારા બપોરે ત્રિકોણબાગ ખાતે હેલ્મેટના ઘા કરી તોડી નાખી ફટાકડા ફોડી વિજયોત્સવ મનાવ્યો હતો. ઉલ્લેખનીય છે કે શહેર કોંગ્રેસના પ્રમુખ અશોક ડાંગરની આગેવાનીમાં કાર્યકરો દ્વારા હેલ્મેટ વિરોધી સહી ઝુંબેશ ચલાવવામાં આવી રહી હતી. દરરોજ શહેરના અનેક વિસ્તારોમાં શહેરીજનો પાસેથી સહીઓ લેવામાં આવી રહી હતી. જે રાજય સરકાર સમક્ષ મોકલવાની હતી. દરમિયાન આજે રાજય સરકાર દ્વારા હેલ્મેટના કાયદાને મરજીયાત બનાવાતા ત્રિકોણબાગ ખાતે હેલ્મેટ તોડી ફટાકડાઓ ફોડી અને નાગરીકોને મીઠા મોઢા કરી વિજયોત્સવ મનાવવામાં આવ્યો હતો. તસ્વીરમાં અશોક ડાંગર, વશરામભાઈ સાગઠીયા, જશવંતસિંહ ભટ્ટી, રણજીત મુંધવા, મહેશ રાજપૂત, પ્રભાતભાઈ ડાંગર સહિતના વિશાળ સંખ્યામાં કોંગ્રેસના કાર્યકરો નજરે પડે છે. (તસ્વીરઃ અશોક બગથરીયા)

(3:36 pm IST)
  • બિન સચિવાલય પરીક્ષાને લઈને મોટા નિર્ણંયની શકયતા : ગાંધીનગરમાં હજારો વિદ્યાર્થીઓનું વિરોધ પ્રદર્શન : મુખ્યમંત્રી વિજયભાઈ રૂપાણીએ બોલાવી તાકીદની બેઠક : ઉમેદવારોનો વિરોધ અટકાવવા લેવાઈ કોઈ નિર્ણંય લેવાઈ તેવા એંધાણ : બેઠકમાં ગૃહ રાજ્યમંત્રી પ્રદીપસિંહ જાડેજા સહિતના ઉપસ્થિત : રાજ્યભરમાંથી હજારો પરીક્ષાર્થીઓ અને કેટલાય વાલીઓના પણ મહાત્મા મંદિર સામે ધરણા : ન્યાય આપવાની માંગ સાથે જબરો વિરોધ : કેટલાક ઉમેદવારોની તબિયત લથડતા હોસ્પિટલે ખસેડાયા access_time 8:01 pm IST

  • " ટ્રેન ચુકી ગયા કે શું? " મોટરમાંથી ઉતરી પાર્લામેન્ટ તરફ દોડતા જઈ રહેલા રેલ મંત્રી પિયુષ ગોયલ ઉપર સોશિઅલ મીડિયામાં રમૂજ access_time 8:02 pm IST

  • અરવિંદ કેજરીવાલે કહ્યું છે કે ૧૬ ડિસેમ્બરથી દિલ્હીમાં વિનામૂલ્યે પબ્લિક વાઇ-ફાઇ સેવાઓ મળતી થઈ જશે. access_time 8:58 pm IST