Gujarati News

Gujarati News

News of Friday, 4th October 2019

સગીર બાળકનો કબ્જો મેળવવા માતા દ્વારા થયેલ સર્ચવોરંટની અરજી રદ

રાજકોટ તા.૪: સગીર બાળકનો સર્ચ વોરન્ટ દ્વારા માતાએ કરેલ અરજી રાજકોટની કોર્ટે રદ કરી.

આ કેસની હકીકત ટુંકમાં એ મુજબ છે કે નાકારાવાડી ગામે રહેતા રૂપાબેન ભરતભાઇ ભાખોડીયા એ તેના પતિ વિરૂધ્ધ સર્ચ વોરન્ટ દ્વારા સગીર બાળક શીવમ ઉ.વ.૪નો કબ્જો માંગતી અરજી દાખલ કરેલ હતી. તેની અરજીમાં તેણે જણાવેલ હતું કે તેના પતિ સાથે ૧૦ વર્ષ પહેલા લગ્ન થયા હતાં અને લગ્ન જીવન થી બે સંતાનો થયા હતા તેમજ લગ્ન બાદ તેના કુટુંબીજનો દ્વારા દુઃખ, ત્રાસ આપતા હતા અને તા.૩૧-૭-૨૦૧૯ના રોજ તેને મારકુટ કરી સગીર પુત્ર છીનવી તેને કાઢી મુકેલ હતી. અને સગીર પુત્રને હાલ સારી રીતે રાખતા નથી અને તેની માતા પાસે આવવા દેતા નથી. તેમજ તેને ભણાવતા નથી એ મતલબની અરજી શ્રી વાઘ સાહેબની કોર્ટમાં દાખલ કરેલ હતી અને કોર્ટે તેના પતિને નોટીસ કરી કોર્ટમાં હાજર થવાનુ જણાવતા સામાવાળા તેના વકિલ મારફત રજુ થયા હતા અને તેના વકિલ દ્વારા દલીલ કરી તેમજ હાઇકોર્ટના તથા સુપ્રિમ કોર્ટના જુદા જુદા જજમેન્ટો મુકેલા હતા. નામદાર કોર્ટે તેના ઓર્ડર માં એવુ જણાવેલ હતું કે બાળકનો કબ્જો પિતા પાસે હોય તેને ગેરકાયદેસર કે ગોધી રાખેલ ન ગણાય એમ માની અરજદારની અરજી રદ કરેલ હતી.

ઉપરોકત કેસમાં પતિ વતી રાજકોટના એડવોકેટ યોગેશ ઉદાણી, કિશન વાગડીયા, અશોક જાદવ અને રામકુભાઇ બોરીચા રોકાયેલા હતા.

(3:39 pm IST)
  • છત્તીસગઢમાં ઓબીસી અનામત વધારીને 27 ટકા કરવા પર હાઇકોર્ટની બ્રેક : છત્તીસગઢ હાઇકોર્ટે રાજ્ય સરકારના એ નિર્ણંય પર રોક લગાવી છે જેમાં અન્ય પછાત વર્ગને 14 ટકાની જગ્યાએ 27 ટકા અનામત અપાવની વાત કહેવાય હતી : 15મી ઓગસ્ટે રાજ્યના મુખ્યમંત્રી ભૂપેશ બુધેલે અન્ય પછાત વર્ગ માટે અનામતનો દાયરો 14 ટકાથી વધારીને 27 ટકા કરવાની જાહેરાત કરી હતી access_time 1:10 am IST

  • ગંગા નદીમાં મૂર્તિ વિસર્જન કરનારને પ૦,૦૦૦ નો દંડ થશેઃ કેન્દ્ર સરકારે બહાર પાડયો આદેશઃ સહાયક નદીમાં પણ મૂર્તિ વિસર્જન ઉપર પ્રતિબંધ ગણેશ વિસર્જન, વિશ્વકર્મા પૂજા, દશેરા, દિવાળી, છઠ્ઠ પૂજા, સરસ્વતી પૂજા વગેરે તહેવારોમાં પણ નહિ access_time 11:27 am IST

  • બાંગલાદેશના પ્રધાનમંત્રી શેખ હસીના ભારતની મુલાકાતે : આવતીકાલ શનિવારે વડાપ્રધાન શ્રી નરેન્દ્ર મોદી સાથે મુલાકાત : બંને દેશો વચ્ચે વ્યવસાય વધારવા મંત્રણા થશે access_time 1:01 pm IST