Gujarati News

રાજકોટઃ ત્રંબામાં સ્મશાન ઘાટ પાસે આવેલા અવેડા પર દરરોજ ગાયો પાણી પીવા આવે છે. અહિ નજીકમાં જ ફેન્સીંગ વગરનું વીજ ટ્રાન્સફોર્મર હોઇ તે આજે એક ગાયના મોતનું કારણ બન્યું હતું. ટ્રાન્સફોર્મરના થાંભલા પાસેથી અવેડા તરફ જઇ રહેલી ગાયને જોરદાર કરંટ લાગતાં થાંભલામાં જ ચોંટી ગઇ હતી. મૃત્યુ પામનાર ગાય માલધારી બાવનજીભાઇ આંબાભાઇ ડાભીની હતી. ગાયની કિંમત આશરે સાંઇઠ હજાર હોવાનું જણાવાયું હતું. વિજ તંત્ર આ ટ્રાન્સફોર્મર ફરતે તાકીદે ફેન્સીંગ બાંધે તેવી માંગણી ઉઠવા પામી છે. તસ્વીર ત્રંબાથી જી. એન. જાદવે મોકલી હતી.