Gujarati News

Gujarati News

News of Monday, 4th June 2018

પુરવઠાના દરોડા : કેરોસીન કાળાબજારમાં વેચી મારે એ પહેલા બે દુકાનદારો ઝપટે : કેરોસીન સીઝ : ૯૦ દિ' લાયસન્સ સસ્પેન્ડ

ઇન્સ્પેકટરો પરસાણીયા-રાદડીયાનો સપાટો : એક દુકાનદારે ૮૧ ટકા મેન્યુઅલી માલ વેચ્યાનો ઘટસ્ફોટ..

રાજકોટ, તા. ૪ :. રાજકોટ જીલ્લા પુરવઠા તંત્રે દરોડા પાડી શનિવારે સાંજે બે દુકાનદારોને ઝપટે લઇ, ૩૦ હજારનું ફલ ૧૧૦૦ લીટર બ્લૂ કેરોસીન જપ્ત કરી બંને  દુકાનદારોના લાયસન્સ આજે સવારે ઓન ધ સ્પોટ ૯૦ દિ' માટે સસ્પેન્ડ કરી દેતા સનસનાટી મચી જવા પામી છે.

ચોક્કસ બાતમી અને ડીએસઓ શ્રી જોષીની સૂચના બાદ પુરવઠાના ચીફ સપ્લાય ઈન્સ્પેકટર શ્રી હસમુખ પરસાણીયા, વિજય રાદડીયા, કિરીટસિંહ ઝાલા વિગેરે ૪-સખીયાનગર એરપોર્ટ રોડ ઉપર આવેલ સસ્તા અનાજના દુકાનદાર લક્ષ્મી કેદાણીને ત્યાં શનિવારે સાંજે ચેકીંગ અર્થે દોડી ગયા હતા અને તપાસ કરતા સ્ટોક રજીસ્ટર બરોબર ન હોય, ૨૪ હજારનું ૯૦૦ લીટર કેરોસીન સીઝ કરી દીધુ હતું. પુરવઠાના સાધનોએ ઉમેર્યુ હતુ કે, કાળાબજારમાં આ કેરોસીન ધકેલાય તે પહેલા સીઝ કરીને આજે આ દુકાનદારનું ૯૦ દિ' માટે લાયસન્સ સસ્પેન્ડ કરી દેવાયું છે.

બીજો દરોડો દુકાનદાર ગૌપાલ ચૌહાણને ત્યાં પાડવામાં આવ્યો હતો. શ્રીનગર મેઈન રોડ ઉપર આવેલી તેમની દુકાનમાં તપાસ કરતા ગેરરીતિ જણાતા, ૨૦૦ લીટર કેરોસીન સીઝ કરી ૯૦ દિ' લાયસન્સ સસ્પેન્ડ કરી નખાયુ હતું. આ દુકાનદારે તો ૮૧ ટકા વિતરણ મેન્યુઅલી એટલે કે ઓફલાઈન કર્યાનું પણ ખૂલ્યુ છે.  દરોડાની આ કાર્યવાહી ઈન્સ્પેકટરો પરસાણીયા-રાદડીયા વિગેરેએ નિભાવી હતી અને વધુ તપાસ ચાલુ હોવાનો નિર્દેશ આવ્યો છે.(૨-૨૪)

 

(4:07 pm IST)
  • હવાઇના બિગ આઇલેન્ડ પર છેલ્લાં એક મહિનાથી સક્રિય કિલાઉ જ્વાળામુખીમાં બ્લાસ્ટ હજુ પણ યથાવત: હવાઇ ઓથોરિટી મુજબ અહીં ડઝનથી વધુ નાગરિકો લાવાના કારણે ફસાયેલા છે:બિગ આઇલેન્ડના નાગરિકોને 24 કલાકમાં જ આ સ્થળ ખાલી કરી દેવાના આદેશ :તમામ લોકો વીજળી, સેલફોન કવરેજ વગર, ઉપરાંત પીવાના પાણી વગર રહે છે. access_time 1:22 am IST

  • ભારતીય મહિલા ક્રિકેટ ટીમે રવિવારે એશિયા કપમાં જીત સાથે શરૂઆત કરી છે. મલેશિયા વિરૂદ્ધ પોતાની પહેલી મેચમાં મિતાલી રાજે 97 રનની અણનમ ઈનિંગની મદદથી ભારતીય ટીમે મલેશિયાને 142 રનથી માત આપી છે. ટાર્ગેટનો પીછો કરવા માટે ઉતરેલ મલેશિયાની ટીમની બેટિંગ લાઈન પત્તાના મહેલની જેમ તૂટી પડી હતી. ટીમનો એકપણ ખેલાડી બે આંકડાના સ્કોર સુધી પહોંચી શક્યો નહતો. બોલરોના શાનદાર પ્રદર્શનથી મલેશિયાની ટીમને માત્ર 27 રન પર ઓલઆઉટ કરી દિધી હતી. access_time 2:48 am IST

  • વડોદરા કોર્પોરેશ દ્વારા દબાણ દુર કરવાની કામગીરી શરૂ : હરણી વારશિયા રીંગરોડ પરના સવાદ ખાતે દબાણ દુર કરાયાઃ ૧૩.૫ મીટરની એક લાઇન ખુલ્લી કરવા માટે ૧૧૦ દબાણો તોડી પડાયા access_time 3:56 pm IST