Gujarati News

Gujarati News

News of Monday, 4th June 2018

રાષ્ટ્રસંત પૂ.નમ્રમુનિ મહારાજ સાહેબનું જૈનમ્ દ્વારા ભવ્ય સ્વાગત

રાજકોટઃ આજરોજ રાજનગરી રાજકોટમાં ગોંડલ સંપ્રદાયનાં પૂ.સુંશાંતમુનિ મ.સા., રાષ્ટ્રસંત પૂજય ગુરૂદેવ નમ્રમુનિ મહારાજ સાહેબ, પૂ.પિયુષમુનિ મહારાજ સાહેબ આદિ ઠાણા સાથે વિરલ પ્રજ્ઞા પૂ.વિરલબાઈ મ., પૂ.ભદ્રાબાઈમ., આદિ સતિવૃંદનો મંગલ પ્રવેશ થયો હતો. જૈનમ્ ગ્રુપનાં સભ્યો દ્વારા તમામ સંતોનું ભવ્ય સ્વાગત માલવીયા ચોક ખાતે રંગબેરંગી પતાકાની વર્ષાથી  કરવામાં આવેલ હતું. આ પ્રસંગે જૈનમ્ ગ્રુપનાં જીતુ કોઠારી, સુજીત ઉદાણી, મયુર શાહ, જયેશ મહેતા, સેજલ કોઠારી, ચીરાગ  દોશી, અમિત દોશી, નિલેશ ભાલાણી, મેહુલ દામાણી, ઉપેન મોદી, નિલેશ શાહ, તરૂણ કોઠારી, ભરત દોશી, ઉદય ગાંધી, વૈભવ સંઘવી, રૂષભ શેઠ, હેમલ પારેખ, બીપીન ગાંધી સહીતનાં મોટી સંખ્યામાં સભ્યો ઉપસ્થિત રહ્યાં હતા. જૈન સંઘનાં અગ્રણીઓ સર્વશ્રી ચંદ્રકાંતભાઈ શેઠ, ડોલરભાઈ કોઠારી, મધુભાઈ ખંધાર, શીતલભાઈ બાટવીયા, પ્રવિણભાઈ કોઠારી, દિલેશભાઈ ભાલાણી, કિરીટભાઈ શેઠ, કશ્યપભાઈ શુકલ, જીતુભાઈ બેનાણી, શૈલેષભાઈ માંઉ સહીતનાં અનેક શ્રેષ્ઠીઓ ઉપસ્થિત રહ્યાં હતા.

(3:39 pm IST)
  • ભારતીય મહિલા ક્રિકેટ ટીમે રવિવારે એશિયા કપમાં જીત સાથે શરૂઆત કરી છે. મલેશિયા વિરૂદ્ધ પોતાની પહેલી મેચમાં મિતાલી રાજે 97 રનની અણનમ ઈનિંગની મદદથી ભારતીય ટીમે મલેશિયાને 142 રનથી માત આપી છે. ટાર્ગેટનો પીછો કરવા માટે ઉતરેલ મલેશિયાની ટીમની બેટિંગ લાઈન પત્તાના મહેલની જેમ તૂટી પડી હતી. ટીમનો એકપણ ખેલાડી બે આંકડાના સ્કોર સુધી પહોંચી શક્યો નહતો. બોલરોના શાનદાર પ્રદર્શનથી મલેશિયાની ટીમને માત્ર 27 રન પર ઓલઆઉટ કરી દિધી હતી. access_time 2:48 am IST

  • કેન્દ્રીય માહિતી પંચ (CIC)એ વડાપ્રધાન કાર્યાલય અને વિદેશ મંત્રાલયને કોહિનૂર હીરો, મહારાજા રણજીતસિંહનું સોનાનું સિંહાસન, શાહજહાનું હરિતાશ્મનો દારૂનો પ્યાલો અને ટીપૂ સુલ્તાનની તલવાર જેવી પ્રાચીન વસ્તુઓ સ્વદેશ પરત લાવવા માટે સરકારનાં પ્રયાસોનો ખુલાસો કરવા માટેનાં નિર્દેશ આપ્યા છે. આ તમામ પ્રાચીન વસ્તુઓ ભારતનો વૈભવી ઇતિહાસનું પ્રતિક છે અને લોકકથાઓનો હિસ્સો છે અને તે અંગ્રેજ સરકાર અને આક્રમણકર્તાઓ દ્વારા લૂંટીને લઇ જવામાં આવ્યા હતા. ત્યાર બાદ હાલ તે વિશ્વનાં અલગ અલગ સંગ્રહાલયોની શોભા વધારી રહ્યા છે. access_time 2:48 am IST

  • પેટ્રોલમાં કીટરે 14 પૈસા અને ડીઝલમાં 12 પૈસાનો ઘટાડો થવાની શકયતા :ઘટયા ભાવ સવારે છ વાગ્યાથી લાગુ થશે :નવા ભાવ મુજબ પેટ્રોલ લિટરે 77,18 રૂપિયા અને ડીઝલનો ભાવ લિટરે 74,08 રૂપિયા થશે :રાજ્ય પ્રમાણે કરવેરા અલગ થશે:છેલ્લા ચાર દિવસથી થતા ઘટાડામાં આ સૌથી વધુ ઘટાડો છે access_time 2:18 am IST