Gujarati News

Gujarati News

News of Tuesday, 4th May 2021

રાત્રી કર્ફયુના ૧ ૧૩ માસ્કના ર૦, દુકાન ખુલ્લી રાખી વેપાર કરનાર ૧ર વેપારી મળી ૧૪૧ કેસ

રાજકોટ તા. ૪ : શહેરમાં રાત્રી કર્ફ્યુની કડક અમલવારી માટે પોલીસ દ્વારા સતત પેટ્રોલિંગ અને ચેકિંગ કરાવમાં આવી રહ્યું છે. ત્યારે કરફ્યુ  અને લોકડાઉનની સચોટ અમલવારી માટે એસીપી પી.કે.દિયોરાના માર્ગદર્શન હેઠળ ગાંધીગ્રામ પોલીસ મથકના પી.આઈ કે.એ.વાળાની રાહબરીમાં પીએસઆઇ જે.જી. રાણા તથા સ્ટાફ અને ટેકનિકલ ટીમ દ્વારા ગાંધીગ્રામ પોલીસ મથક હેઠળના વિસ્તારોમાં ડ્રોન કેમેરાની મદદથી સઘન ચેકિંગ કરવામાં આવ્યું હતું. અને કર્ફ્યુ સહિતના નિયમોની કડક અમલવારી કરાવવામાં આવી હતી.

આ ઉપરાંત શહેરમાં  પોલીસે અલગ-અલગ વિસ્તારોમાં ચેકિંગ દરમિયાન જરૂરી કામ વગર બહાર લટાર મારવા નીકળેલા વધુ ૧૧૩ શખસો સામે કાર્યવાહી કરી હતી.આ ઉપરાંત માસ્ક ના પહેરનાર ૨૦ શખ્સો સામે કાર્યવાહી કરી હતી. તેમજ લોકડાઉન હોવા છતાં નિયમ વિરુદ્ધ દુકાનો ખુલી રાખનાર ૧૨ નાના મોટા વેપારીઓ સામે કાર્યવાહી કરી હતી. તથા હોમકોરોન્ટાઈન કરવામાં આવ્યા હોવાછતાં ઘર બહાર નીકળવા અંગે ૧૨ શખ્સ સામે કાર્યવાહી કરી હતી.  પોલીસે આ સહિત કુલ જાહેરનામા ભંગના ૧૪૧ નોંધાયેલ છે.

(4:07 pm IST)
  • ચુંટણીઓ પુરી થતાં જ પેટ્રોલ-ડીઝલના ભાવમાં ૨૦ થી ૨૫ પૈસાનો વધારો ઝીંકાયો : દેશના પાંચ રાજયોમાં ચુંટણી પુરી થતાંવેંત જ આજે પેટ્રોલ-ડીઝલના ભાવમાં ફરી એકવાર વધારો ઝીંકાયો છે. પેટ્રોલમાં ૨૦ પૈસા અને ડીઝલનાં ભાવમાં પ્રતિ લિટરે ૨૫ પૈસાનો વધારો થયો છે. access_time 10:38 am IST

  • આંધ્રપ્રદેશ સરકારે જાહેર કર્યું છે કે રાજ્યમાં કોરોના સંક્રમણ વધતા, રાજ્યમાં 5 મેં થી 14 દિવસ માટે આંશિક કર્ફ્યુ લાગુ કરવામાં આવશે : બધી દુકાનો સવારે 6 થી બપોરે 12 વાગ્યા સુધી જ ખુલી શકશે અને ફક્ત આવશ્યક સેવાઓને જ મંજૂરી આપવામાં આવશે access_time 8:38 pm IST

  • આજે પોરબંદર ઇલેક્ટ્રીક સ્મશાન ગૃહમાં 14 મૃતદેહ ને અગ્નિસંસ્કાર કરવામાં આવ્યો હતો જેમાં બે કોરોના પોઝિટિવ નો સમાવેશ થાય છે access_time 11:34 pm IST