Gujarati News

Gujarati News

News of Tuesday, 4th May 2021

મોહનભાઇ કુંડારીયાની ગ્રાન્ટમાંથી મ.ન.પા.ને ૪ લાખનાં ખર્ચે ત્રણ એમ્બ્યુલન્સ અર્પણ

ત્રણ નવી મળી કુલ ૧પ એમ્બ્યુલન્સ કાર્યરત : સાંસદનો આભાર માનતા પદાધિકારીઓ

રાજકોટ :  હાલની કોરોનાની પ્રવર્તમાન સ્થિતિને ધ્યાનમાં રાખી રાજકોટના માન.સાંસદશ્રી મોહનભાઈ કુંડારીયાએ રૂ.૩૫.૮૨ લાખના ખર્ચે રાજકોટ મહાનગરપાલિકાને આજ તા.૦૪/૦૫/૨૦૨૧ના રોજ ૩ એમ્બ્યુલન્સ ફાળવેલ છે. જે પૈકી ૨ ફોર્સ તથા એક ટાટા કંપનીની એમ્બ્યુલન્સ ફાળવેલ છે. હાલમાં કોર્પોરેશન પાસે ૧૨ એમ્બ્યુલન્સ કાર્યરત છે. તેમાં ૩ એમ્બ્યુલન્સનો વધારો થતા કુલ ૧૫ એમ્બ્યુલન્સ થયેલ છે. હાલની કોરોનાની પરિસ્થિતિમાં એમ્બ્યુલન્સનો વધારો થતા રાજકોટ શહેરના નગરજનોને તેનો લાભ મળશે. માન.સાંસદશ્રી મોહનભાઈ કુંડારીયાએ રાજકોટ મહાનગરપાલિકાને ૩ એમ્બ્યુલન્સ ફાળવવા બદલ મેયર ડૉ. પ્રદિપ ડવ, ડે.મેયર ડૉ.દર્શિતાબેન શાહ, સ્ટેન્ડિંગ કમિટીના ચેરમેન પુષ્કરભાઇ પટેલ, મ્યુનિસિપલ કમિશનર ઉદિત અગ્રવાલ, શાસક પક્ષ નેતા વિનુભાઈ ઘવા, દંડક સુરેન્દ્રસિંહ વાળા, અગ્નિશામક દળ કમિટીના ચેરમેન જ્યોત્સનાબેન ટીલાળાએ આભાર વ્યકત કરેલ હતો.

(3:30 pm IST)
  • રાજકોટમાં પવનનો જોર વચ્ચે ગરમીમાં આંશિક ઘટાડો : રાજકોટ શહેરમાં ૩૯.૪ ડીગ્રી, ૧૬ કિ.મી.ની ઝડપે ગરમ પવન ફૂંકાઈ રહ્યા છેઃ હવામાન ખાતાના સૂત્રોએ જણાવ્યું છે કે હજુ એકાદ બે દિવસ મહતમ તાપમાન ૪૦-૪૨ ડિગ્રીની રેન્જમાં રહેશેઃ ત્યારબાદ બે ડીગ્રીનો વધારો જોવા મળશે access_time 4:07 pm IST

  • પાંચમીએ ભાજપના મોટા પાયે રાષ્ટ્રવ્યાપી ધરણા પૂર્વે આવતીકાલે ૪ મે થી બે દિવસની પશ્ચિમ બંગાળની મુલાકાતે જે.પી.નડ્ડા દોડયા : ચૂંટણીઓ પુરી થયા પછી પશ્ચિમ બંગાળમાં વ્યાપક હિંસા અને તોફાનોના પગલે ભારતીય જનતા પક્ષના રાષ્ટ્રીય પ્રમુખ જે પી નડ્ડા મંગળવારથી પશ્ચિમ બંગાળની બે દિવસની મુલાકાતે જઇ રહ્યાનું જાણવા મળે છે. access_time 12:06 am IST

  • મુખ્યમંત્રીના અગ્ર મુખ્યસચિવ કે.કૈલાસનાથનને કોરોના : ગુજરાતના પીઢ આઈઍઍસ અધિકારી અને મુખ્યમંત્રીશ્રીના અગ્રસચિવ કે.કૈલાસનાથન કોરોના સંક્રમિત થયા છે : હાલ હોમ આઈસોલેશનમાં સારવાર ચાલી રહી હોવાનું જાણવા મળે છે access_time 2:21 pm IST