Gujarati News

Gujarati News

News of Tuesday, 4th May 2021

મ.ન.પા. કચેરી ખૂલતાની સાથે જ જન્મ-મરણ પ્રમાણપત્રો માટે લાઈનો લાગીઃ વ્યવસ્થા તૂટતા દેકારો

રાજકોટઃ શનિ અને રવિ, સોમ એમ ત્રણ દિવસ સુધી જન્મ-મૃત્યુ નોંધના પ્રમાણપત્રો નહી મળતા આજે કચેરી ખુલતાની સાથે જ મ.ન.પા.ના સિવીક સેન્ટરોમાં જન્મ-મૃત્યુ નોંધના પ્રમાણપત્રો લેવા અરજદારોની લાંબી લાઈનો લાગી હતી. નોંધનીય છે કે જન્મ-મૃત્યુ નોંધના પ્રમાણપત્ર ઓનલાઈન આપવાની પદ્ધતિ શરૂ કરવા માટે રાજ્ય સરકારે જ ત્રણ દિવસ સુધી કામ બંધ રાખેલ હતું અને આજથી કામગીરી શરૂ થતા જ સર્વર ડાઉન થઈ ગયુ હતુ જેના કારણે ૧ કલાક સુધી કામગીરી અટકી હતી અને બીજી તરફ અરજદારોની લાંબી લાઈનો લાગવા માંડતા થોડીવાર માટે વ્યવસ્થા તૂટી ગયેલ અને દેકારો બોલી ગયો હતો. જો કે બાદમાં પરિસ્થિતિ થાળે પડી ગયેલ. તસ્વીરમાં જન્મ-મૃત્યુ નોંધના પ્રમાણપત્રો માટે અરજદારોની લાંબી લાઈનો નજરે પડે છે (તસ્વીરઃ અશોક બગથરીયા)

(3:29 pm IST)
  • આંધ્રપ્રદેશ સરકારે જાહેર કર્યું છે કે રાજ્યમાં કોરોના સંક્રમણ વધતા, રાજ્યમાં 5 મેં થી 14 દિવસ માટે આંશિક કર્ફ્યુ લાગુ કરવામાં આવશે : બધી દુકાનો સવારે 6 થી બપોરે 12 વાગ્યા સુધી જ ખુલી શકશે અને ફક્ત આવશ્યક સેવાઓને જ મંજૂરી આપવામાં આવશે access_time 8:38 pm IST

  • આજે પોરબંદરમાં 37 મૃતદેહને ને અગ્નિદાહ આપવામાં આવ્યો જેમાં પાંચ કોરોના પોઝિટિવ હોવાનું જાણવા મળ્યું છે : પોરબંદરમાં સ્મશાન ગૃહ ખાતે પોલીસ બંદોબસ્ત મુકવાની જરૂર છે access_time 10:38 pm IST

  • રાજકોટમાં પવનનો જોર વચ્ચે ગરમીમાં આંશિક ઘટાડો : રાજકોટ શહેરમાં ૩૯.૪ ડીગ્રી, ૧૬ કિ.મી.ની ઝડપે ગરમ પવન ફૂંકાઈ રહ્યા છેઃ હવામાન ખાતાના સૂત્રોએ જણાવ્યું છે કે હજુ એકાદ બે દિવસ મહતમ તાપમાન ૪૦-૪૨ ડિગ્રીની રેન્જમાં રહેશેઃ ત્યારબાદ બે ડીગ્રીનો વધારો જોવા મળશે access_time 4:07 pm IST