Gujarati News

Gujarati News

News of Tuesday, 4th May 2021

વાલ્મિકીનગરમાં પગના દુઃખાવાથી કંટાળી જઇ ગોૈતમભાઇ વાઘેલાએ આપઘાત કર્યો

૫૪ વર્ષના પ્રોૈઢે ગળાફાંસો ખાઇ જિંદગી ટૂંકાવી લેતાં પરિવારમાં શોક

રાજકોટ તા. ૪: જામનગર રોડ શેઠનગર પાછળ વાલ્મિકીનગરમાં રહેતાં ગોૈતમભાઇ ભાવજીભાઇ વાઘેલા (ઉ.વ.૫૪)એ પંખાના હુકમાં સાડી બાંધી ગળાફાંસો ખાઇ આપઘાત કરી લેતાં પરિવારમાં અરેરાટી વ્યાપી ગઇ છે.

ગોૈતમભાઇએ રાતે અગિયારેક વાગ્યે એક પુત્રને પોતાને વિમલ ખાવી છે, લઇ આવ તેમ કહેતાં પુત્રએ અત્યારે દૂકાન બંધ હોઇ તેમ કહ્યું હતું અને તે ઘરમાં જતો રહ્યો હતો. એ પછી બીજો પુત્ર પાણી પીવા ગયો ત્યાં ગોૈતભાઇ રૂમમાં જઇ દરવાજો બંધ કરી લટકી ગયા હતાં. દરવાજો તોડી તેમને બેભાન હાલતમાં નીચે ઉતારી ક્રાઇસ્ટ હોસ્પિટલે અને ત્યાંથી સિવિલ હોસ્પિટલે ખસેડાયા હતાં. પરંતુ અહિ દમ તોડી દીધો હતો.

બનાવની જાણ થતાં યુનિવર્સિટી પોલીસ સ્ટેશનના હેડકોન્સ. સંજયભાઇ દાફડા અને પ્રદિપભાઇ કોટડે જરૂરી કાર્યવાહી કરી હતી. પગના દુઃખાવાથી કંટાળી જઇ આ પગલુ ભરી લીધાનું પ્રાથમિક તપાસમાં ખુલ્યું છે.

(3:24 pm IST)
  • ચુંટણીઓ પુરી થતાં જ પેટ્રોલ-ડીઝલના ભાવમાં ૨૦ થી ૨૫ પૈસાનો વધારો ઝીંકાયો : દેશના પાંચ રાજયોમાં ચુંટણી પુરી થતાંવેંત જ આજે પેટ્રોલ-ડીઝલના ભાવમાં ફરી એકવાર વધારો ઝીંકાયો છે. પેટ્રોલમાં ૨૦ પૈસા અને ડીઝલનાં ભાવમાં પ્રતિ લિટરે ૨૫ પૈસાનો વધારો થયો છે. access_time 10:38 am IST

  • રાજકોટમાં પવનનો જોર વચ્ચે ગરમીમાં આંશિક ઘટાડો : રાજકોટ શહેરમાં ૩૯.૪ ડીગ્રી, ૧૬ કિ.મી.ની ઝડપે ગરમ પવન ફૂંકાઈ રહ્યા છેઃ હવામાન ખાતાના સૂત્રોએ જણાવ્યું છે કે હજુ એકાદ બે દિવસ મહતમ તાપમાન ૪૦-૪૨ ડિગ્રીની રેન્જમાં રહેશેઃ ત્યારબાદ બે ડીગ્રીનો વધારો જોવા મળશે access_time 4:07 pm IST

  • મુંબઈમાં ડ્રાઈવ - થ્રુ વેકસીનેશન શરૃઃ સીનીયર સીટીઝનો માટે સુવિધા : દેશભરમાં સંભવતઃ પ્રથમ પ્રયોગ : ઉદ્ધવ સરકારે સીનીયર સીટીઝનો માટે ખાસ સુવિધા શરૂ કરી છે. સીનીયર સીટીઝને પોતાના વાહનમાં જ દાદર (પેસ્ટ) ખાતે ખાસ સુવિધા ઉભી કરી છે ત્યાં જવાનું મોટરની નીચે પણ નહિં ઉતરવાનું બીએમસી દ્વારા વાહનમાં જ કોરોના વેકસીન આપવામાં આવે છે. રોજના ૫૦૦૦ વેકસીનેશનની સુવિધા છે. દેશભરમાં ડ્રાઈવ - ઈન વેકસીનેશન સેવા સંભવતઃ પ્રથમ વખત મહારાષ્ટ્રમાં શરૂ થઈ છે. access_time 12:49 pm IST