Gujarati News

Gujarati News

News of Thursday, 4th March 2021

રવિવારથી મીડિયા ક્રિકેટ ટૂર્નામેન્ટનો પ્રારંભ

સ્વ.રામજીભાઈ પાડલીયાની સ્મૃતિમાં રેસકોર્ષના મેદાનમાં આયોજન

રાજકોટ તા. ૪: આગામી ૭ માર્ચથી મીડિયા ક્રિકેટ ટુર્નામેન્ટ યોજાવા જઈ રહી છે. આ ટુર્નામેન્ટમાં સામાન્ય રીતે ૧૨થી ૧૬ ટીમોમાં સવારના અને સાંજના અખબારોની ટીમ ઉપરાંત ઇલેકટ્રોનિક મીડિયા, રેસ્ટ ઓફ પ્રેસ (જેમાં મેગેઝિન્સ તથા અંગ્રેજી છાપાંઓનો બ્યુરો સ્ટાફ તેમ જ એફ. એમ. રેડિયોના આર.જે. જેવી ટીમો પણ ભાગ લેતી આ વર્ષે ટુર્નામેન્ટમાં ગુજરાત સમાચાર, દિવ્ય ભાસ્કર, ફૂલછાબ, સાંજ સમાચાર, આજકાલ, ગુજરાત મિરર, અબતક મીડિયા, કાઠિયાવાડ પોસ્ટ, રેસ્ટ ઓફ પ્રેસની ટીમ ભાગ લઈ રહી છે.

આ મીડિયા ક્રિકેટ ટુર્નામેન્ટમાં બધા જ ગંભીરતાથી રમે છે. આંતરરાષ્ટ્રીય નિયમોથી રમાય છે. રાજકોટના ઈન્ટરનેશનલ ક્રિકેટ ગ્રાઉન્ડ પર રમાતી આ ટુર્નામેન્ટમાં સીઝન બોલનો જ ઉપયોગ થાય છે, સ્ટેટ પેનલના અમ્પાયર્સ, સ્ટેટ પેનલના સ્કોરર્સની સેવાઓ લેવામાં આવે છે. બે ઇનિંગ વચ્ચેના બ્રેકમાં ચા-નાસ્તો અપાય છે.

 મૂળ પોરબંદરના અને હાલ ગાંધીનગર સ્થિત સામાજિક અગ્રણી હેમરાજભાઈ પાડલિયાએ તેમનાં પિતા રામજીભાઈ પાડલિયાનાં સ્મરણાર્થે આ ટુર્નામેન્ટમાં સહયોગ પૂરો પાડયો છે. જયારે કોમોડિટી ગ્રૂપ ઓફ ન્યૂઝપેપર્સનાં મેનેજીંગ તંત્રી અને ક્રિકેટનાં હાર્ડકોર ચાહક એવા મયુર મહેતાએ વિજેતા ટીમને ૨૫ હજાર, રનર્સ અપ ટીમને ૧૫ હજાર સહિત શિલ્ડ અને બીજા અનેક ઇનામો મળી ને કુલ ૬૩ હજાર રૂપિયાનાં પુરસ્કારો જાહેર કર્યા છે.

'મધુધારા'નાં દર્શન ભાલારા દ્વારા દરેક મેન ઓફ ધી મેચને મૂલ્યવાન મધનું ગિફ્ટ પેક તેમજ હર્ષ રાછ પ્રક્રિશિવ ટી, રચિત એન્ટરપ્રાઈઝ દ્વારા પણ ગિફ્ટ પેક અપાશે. આ ઉપરાંત પણ અનેક મહાનુભાવો સહકાર આપી રહ્યા છે. ખેલાડીઓને વિધિવત ફિટનેસ ટ્રેઇનિંગ જાણીતા કોચ મુનાફ શેખ આપી રહ્યાં છે. આ આયોજન પણ સ્પોર્ટ્સ અને મીડિયાને જોડતી એક ઉત્તમ પ્રવૃત્તિ છે. એન્ટરપ્રાઈઝ દ્વારા પણ ગીફટ પેક અપાશે. ખેલાડીઓને ફિટનેસ ટ્રેઈનિંગ કોચ મુનાફ શેખ આપી રહ્યાં છે.

આ વર્ષે પણ સેમી ફાઈનલ અને ફાઈનલ મેચ રાત્રી પ્રકાશમાં રમાશે અને ફાઈનલનાં ઝાકઝમાળ ઈનામ વિતરણ સમારંભ પછી ભોજન સમારોહ યોજાશે. ટુર્નામેન્ટના આયોજનમાં તુષાર રાછ, કમલેશ ગુપ્તા, અનિરૂધ્ધ નકુમ, હરેશ ધામી, કુલદીપ રાઠોડ, કિન્નર આચાર્ય, હુસૈન ભારમલ, જતીન પરમાર સહિતનાં મિત્રો જહેમત લઈ રહ્યાં છે.

(4:15 pm IST)