Gujarati News

Gujarati News

News of Thursday, 4th March 2021

અશાંત ધારોઃ ૩૦ અરજી આવીઃ એક મંજુરઃ હવે એક જ કોમ્‍યુનિટીના ખરીદનાર-વેચનાર હોય તો કલેકટરમાંથી સીધી મંજુરી મળી જશે

ચીટનીશ સામે બન્ને એફીડેવીટ કરશે એટલે નિર્ણયઃ સ્‍ટેમ્‍પમાં તારીખ ચાલી જશે તો રસ્‍તો કરાશે

રાજકોટ, તા. ૪ :. રાજકોટમાં આમ્રપાલી, છોટુનગર, રૈયા રોડ, એરપોર્ટ રોડ વિસ્‍તારની ૨૮ જેટલી સોસાયટીમાં અશાંતધારો લાગુ કરાયો છે. આ સોસાયટીના ૫૦૦ ચો.મી. એરીયામાં પણ આ અશાંત ધારાની અસર-નિયમો લાગુ કરાયા છે.

દરમિયાન આ અશાંત ધારામાં મકાન, ફલેટ, બિલ્‍ડીંગ ખરીદવા અંગે કલેકટર સમક્ષ અરજી માટે ભારે ધસારો આવ્‍યો છે. કલેકટર શ્રી રેમ્‍યા મોહને પત્રકારોને જણાવ્‍યુ હતુ કે આજ સુધીમાં ૩૦ જેટલી અરજી આવી છે જે અંગે કાર્યવાહી થઈ રહી છે. દરમિયાન કલેકટરે આજે પત્રકારોને એક લેવાયેલ મહત્‍વના નિર્ણય અંગે ઉમેર્યુ હતુ કે મામલતદાર - પોલીસ અભિપ્રાયમાં ભારે મોડુ થતુ હોય અને લોકો હેરાન થતા હોય, હવે એક જ કોમ્‍યુનિટીના ખરીદનાર - વેચનાર પાર્ટી હોય તો તેમના માટે હવે મામલતદાર-પોલીસના અભિપ્રાયની જરૂરત નહિ રહે, અરજી કર્યે સીધી કલેકટરમાંથી મંજુરી મળી જશે.

કલેકટરે જણાવેલ કે બન્ને પાર્ટીઓ કલેકટર ૩ ચીટનીશ સમક્ષ એફીડેવીટ આપશે. સોગંદનામુ કરશે એટલે કલેકટરમાંથી મંજુરી મળી જશે. આ માટે અરજી કરનારા તમામને કહેવાય ગયુ છે. જ્‍યારે ખરીદનાર-વેચનાર જુદી જુદી કોમ્‍યુનિટી માટે ફરજીયાત અભિપ્રાય લેવાશે. આજ સુધીમાં ૩૦ અરજી આવી છે. જેમાંથી ગઈકાલે એકને મંજુરી આપી છે. જે એક પિતાની અરજી હતી અને તે પોતાની દિકરીને મકાન ગીફટ આપવા માંગતા હતા.

(4:02 pm IST)
  • કેનેડાને મળી મેડ ઇન ઇન્ડિયા કોરોના રસી:વિદેશ પ્રધાને ટ્વિટ કર્યું: ભારતે કોવિડ -19 સામેની લડતમાં સહયોગ આપતા ભારત દ્વારા નિર્મિત કોરોના રસી કેનેડા અને લેસોથોને મોકલી : વિદેશ પ્રધાન એસ જયશંકરે ટ્વિટ કર્યું હતું કે, 'ભારત-નિર્મિત રસી કેનેડામાં પહોંચી છે.' અન્ય એક ટ્વિટમાં વિદેશ પ્રધાને કહ્યું કે લેસોથોને પણ ભારત દ્વારા બનાવવામાં આવેલી રસી મળી access_time 12:21 am IST

  • પાકિસ્તાનના સેનેટ ચૂંટણીમાં ખૈબર પખ્તુનખ્વાહમાં પહેલા પાઘડીવાળા શીખ પ્રતિનિધિ બન્યા ગુરદીપ :સંસદના ઉપલાગૃહ માટે થયેલી ચૂંટણીમાં અલ્પસંખ્યક સીટ પર મોટા માર્જીનથી તેના હરીફ ઉમેદવારને હરાવ્યા : ગુરદીપસિંહને સદનમાં 145માંથી 103 મત મળ્યા જયારે જમિયત ઉલેમા -એ -ઇસ્લામના ઉમેદવાર રણજિતસિંહને માત્ર 25મત મળ્યા access_time 12:49 am IST

  • મથરામાં ' વિમલ 'પાનમસાલાના વેચાણ પર પ્રતિબંધ : અજંતા રાજ બ્રાન્ડ સ્કિમ્ડ મિલ્કના વેચાણ પર પણ રોક લગાવાઈ : વિમલ પાનમસાલાના નમુનાના પરીક્ષણમાં માણસને ઉપયોગમાં અસુરક્ષિત અને હાનિકારક જાહેર થતા પ્રતિબંધ લગાવાયો access_time 12:56 am IST