Gujarati News

Gujarati News

News of Thursday, 4th March 2021

રાજયમાં ઈમાનદાર પાર્ટીનું આગમન, હવે રાજનીતિ બદલાશેઃ રાજભા ઝાલા

રાજકોટઃ સ્‍થાનિક સ્‍વરાજની ચૂંટણીમાં સમગ્ર ગુજરાતમાં અલગ- અલગ જિલ્લા પંચાયત, તાલુકા પંચાયત અને નગરપાલિકામાં આમ આદમી પાર્ટીના વિજેતા થયેલા ઉમેદવારોને વધાવવા માટે રાજકોટ શહેર આમ આદમી પાર્ટી દ્વારા હર્ષભેર વિજય ઉત્‍સવ ઉજવવામાં આવ્‍યો હતો. જેમાં કાર્યકર્તા અને આગેવાનોએ ફટાકડા ફોડી બાદમાં એક બીજાના મીઠા મોઢા કરાવી ઉજવણી કરી હતી.

આ પ્રસંગે પ્રમુખ રાજભા ઝાલાએ જણાવ્‍યું હતું કે, આજના પરિણામોથી ગુજરાતમાં ઈમાનદાર રાજનીતિને મતદારોએ સ્‍વીકારી છે અને હવે આગામી સમયમાં આમ આદમી પાર્ટીની વિજય યાત્રા પૂરપાટ વેગે દોડશે તેવો વિશ્વાસ વ્‍યકત કર્યો હતો.

ઉપરોકત પ્રસંગે શહેર ઉપાધ્‍યક્ષ શિવલાલભાઈ પટેલે જણાવ્‍યું હતું કે, આજના પરિણામ તો હજુ ટ્રેલર છે. પિકચર હજી બાકી છે, જે આગામી વિધાનસભામાં દેખાશે.

કાર્યક્રમમાં શહેર મહામંત્રી દિવ્‍યકાંતભાઈ ઈન્‍દુભા રાઓલ, આગેવાનો દિલીપસિંહ વાઘેલા, પરેશભાઈ શિંગાળા, ચેતનભાઈ કમાણી, રાજેશભાઈ પાનસુરિયા, રાકેશ સોરઠિયા, નિમેષ ભંડેરી, સંજયસિંહ વાઘેલા, ભાવેશભાઈ પટેલ, કેશવજીભાઈ પરમાર, અનિરૂદ્ધસિંહ જાડેજા, મહિલા અગ્રણી જાગૃતિબેન પરમાર વગેરે કાર્યકર્તાઓ જોડાયા હતા.

 

(3:53 pm IST)
  • જર્મનીએ કોરોના વાયરસ સામે કાર્યવાહી કરવા માટે દેશમાં વધુ ત્રણ અઠવાડિયા એટલે કે 28 માર્ચ સુધી લોકડાઉન વધારવાનો નિર્ણય લીધો છે. જો કે, આ સમયગાળા દરમિયાન કેટલાક નિયંત્રણો હળવા કરવામાં આવશે. access_time 4:57 pm IST

  • કેનેડાને મળી મેડ ઇન ઇન્ડિયા કોરોના રસી:વિદેશ પ્રધાને ટ્વિટ કર્યું: ભારતે કોવિડ -19 સામેની લડતમાં સહયોગ આપતા ભારત દ્વારા નિર્મિત કોરોના રસી કેનેડા અને લેસોથોને મોકલી : વિદેશ પ્રધાન એસ જયશંકરે ટ્વિટ કર્યું હતું કે, 'ભારત-નિર્મિત રસી કેનેડામાં પહોંચી છે.' અન્ય એક ટ્વિટમાં વિદેશ પ્રધાને કહ્યું કે લેસોથોને પણ ભારત દ્વારા બનાવવામાં આવેલી રસી મળી access_time 12:21 am IST

  • ટેક્સ બચાવવા વાળા પર સરકારની છે બાજનજર : પકડાઈ જશો તો 10 વર્ષની જેલ અને 300 ટકા દંડ :કાળાનાણાં સામે ઇન્કમટેક્સ વિભાગ કરશે કાર્યવાહી : બ્લેકમની કાયદા હેઠળ 400થી વધુ લોકો સામે કાર્યવાહી કરવા ઇન્કમટેક્સ ડિપાર્ટમેન્ટની તૈયારી access_time 12:24 am IST