Gujarati News

Gujarati News

News of Thursday, 4th March 2021

સત્ય સાંઇ હોસ્પિટલ સાથે સંકળાયેલ ગુજરાત હાઇકોર્ટના એડવોકેટ જનરલ કમલ ત્રિવેદીએ કોરોના રસીનો પ્રથમ ડોઝ લીધો

રાજકોટ,તા. ૪: ગુજરાત હાઈકોર્ટના એડવોકેટ જનરલ શ્રી કમલ ત્રિવેદીએ શ્રી સત્ય સાઈ હાર્ટ હોસ્પિટલ, કાસીન્દ્રા ખાતે આજે કોવિડ વેકસીન નો પહેલો ડોઝ લીધો હતો.

ગુજરાત હાઈકોર્ટ ના એડવોકેટ જનરલ શ્રી કમલ ત્રિવેદી શ્રી સત્ય સાઈ હાર્ટ હોસ્પિટલ સાથે છેલ્લાં ૨૦ વર્ષ થી સંકળાયેલા છે.

તેમને જણાવ્યું હતું કે 'આ હોસ્પિટલ દ્વારા અવિરતપણે ચાલતા નિઃસ્વાર્થ અને અનોખા સેવાયજ્ઞનો હું ૨૦ વર્ષથી  સાક્ષી છું. કોઈ પણ સેવાકાર્ય સાતત્યપૂર્ણ સમર્પણ વિના અશકય છે.એટલે આ અનોખા સેવાયજ્ઞને સતત બિરદાવવાનું મન થાય છે'

'દિલ વિધાઉટ બીલ'ના નામે જાણીતી શ્રી સત્ય સાઈ હાર્ટ હોસ્પિટલ, રાજકોટ છેલ્લાં ૨૧ વર્ષથી સ્વાસ્થ્ય ક્ષેત્રે સેવાની અનોખી સુવાસ ફેલાવી રહી છે. હૃદયરોગના ગરીબ દર્દીઓને વિનામૂલ્યે નવજીવન આપીને આ હોસ્પિટલે સેવા ક્ષેત્રે અનન્ય ઉદાહરણ પુરૂ પાડ્યું છે. હવે અમદાવાદના આંગણે સેવાની આ સરવાણી ભૂલકાં માટે પણ શ્રી સત્ય સાઈ હાર્ટ હોસ્પિટલ કાશિદ્રા વહાવી રહ્યું છે.

બાળકોના હૃદયરોગની સારવાર વિનામૂલ્યે કરતી આ હોસ્પિટલ દ્વારા તેની સ્થાપનાના એક વર્ષમાં ૧૬૦૦ જેટલાં બાળ દર્દીઓને નવજીવન આપવામાં આવ્યું છે.

(2:52 pm IST)
  • ટેક્સ બચાવવા વાળા પર સરકારની છે બાજનજર : પકડાઈ જશો તો 10 વર્ષની જેલ અને 300 ટકા દંડ :કાળાનાણાં સામે ઇન્કમટેક્સ વિભાગ કરશે કાર્યવાહી : બ્લેકમની કાયદા હેઠળ 400થી વધુ લોકો સામે કાર્યવાહી કરવા ઇન્કમટેક્સ ડિપાર્ટમેન્ટની તૈયારી access_time 12:24 am IST

  • ભાજપની કેન્દ્રીય ચૂંટણી સમિતિની બેઠક : કેરળ,પુડુચેરી અને તામિલનાડુની સીટ માટે ચર્ચા થશે :પાર્ટી તબક્કાવાર ઉમેદવારોના નામની કરશે જાહેરાત : પશ્ચિમ બંગાળના ઉમેદવારોની યાદી સોમવાર બાદ જાહેર થવા સંભવ :બંગાળ વિધાનસભાના 60 ઉમેદવારોના નામ ફાઇનલ થઇ ચુક્યાનું મનાય છે access_time 12:31 am IST

  • બ્રાઝિલ અને અમેરિકામાં ફરી કોરોના કેસોમાં ઉછાળો આવ્યો: ભારતમાં પણ અચાનક કેસો વધીને ૧૭ હજારને વટી ગયા: બ્રાઝિલમાં ૭૪ હજાર: યુએસએમાં ૬૬ હજાર: ફ્રાન્સ ૨૬ હજાર: ઈટાલી ૨૦ હજાર: ભારત ૧૭ હજાર નવા કેસ, ૮૯ નવા કેસ, ૧૪ હજાર સજા થાય, ગઈ રાત સુધીમાં ૧૫ હજાર નવા કેસ નોંધાયેલ: જર્મની અને રશિયા ૧૦ હજાર: ઇંગ્લેન્ડ ૬ હજાર, કેનેડા ૨૮૦૦: યુનાઇટેડ આરબ અમીરાત ૨૭૦૦, સાઉદી અરેબિયા ૩૩૧: જ્યારે ચીનમાં ૧૦ ઓસ્ટ્રેલિયા ૧૧ અને હોંગકોંગમાં ૧૪ નવા કોરોના કે આજ સવાર સુધીમાં નોંધાયા છે access_time 10:53 am IST