Gujarati News

Gujarati News

News of Thursday, 4th March 2021

રાજકોટથી અજમેર લઇ જઇ ર૩ કન્‍યાઓની નિકાહ ખ્‍વાજા સાહેબના દ્વારે સંપન્ન કરાવાશે

સાગર ફાઉન્‍ડેશન (નહેરૂનગર) દ્વારા સમૂહ શાદીનો પ્રથમ વાર નવતર અવસર : ૮ બસો અને મોટર કાર સહીતનો વિશાળ કાફલો રવાનાઃ કાલે શુક્રવારે વિધિ

રાજકોટ, તા., ૪: છેલ્લા એક વર્ષથી જ સામાજીક કાર્યો કરતી સંસ્‍થા સાગર ફાઉન્‍ડેશન ગ્રુપ(નહેરૂનગર રૈયા રોડ)એ પ્રથમ જ વાર સમુહશાદીનું અને એ પણ નવતર આયોજન કરતા આ સમુહ શાદીમાં જોડાયેલા વર-કન્‍યા પક્ષના પરીવારજનોમાં ભારે હર્ષની લાગણી છવાઇ જવા સાથે સાગર ફાઉન્‍ડેશન ઉપર આશીર્વાદના ફુલો વરસાવી રહયા છે.

સાગર ફાઉન્‍ડેશન દ્વારા ર૩ ગરીબ મુસ્‍લીમ કન્‍યાની સમુહ શાદી યોજાઇ છે જે તમામ નિકાહો જગવિખ્‍યાત ખ્‍વાજા સાહેબની દરગાહ શરીફ ખાતે રાજસ્‍થાનના અજમેર શરીફમાં કાલે શુક્રવારના દિવસે સંપન્ન થનાર છે.

આ સંસ્‍થાના પ્રમુખ અલાઉદીનભાઇ કારીયાણીયા, ઉપપ્રમુખ અલતાફભાઇએ સુમરા અને સેક્રેટરી હુસેનભાઇ શેખએ જણાવ્‍યું છે કે અમારી નિકાહ અજમેર શરીફ દરગાહ સંકુલમાં થઇ છે જે જીવનપર્યત નવદંપતીઓને યાદ રહે અને અમોને માત્રને માત્ર દુઆઓ મળતી રહે એ અમારો આ પ્રયાસ છે.

સૌરાષ્‍ટ્રભરમાં અનેક સ્‍થળોએ યોજાતી સમુહ શાદીના પ્રસંગોમાં પ્રથમ જ વાર આ એક નવતર સમુહ શાદીનો કાર્યક્રમ યોજાયાનું આ હોદેદારોએ જણાવી વધુમાં જણાવ્‍યા મુજબ આ પ્રસંગને પાર પાડવા દુલ્‍હા-દુલ્‍હન દરેક પક્ષ તરફથી ૧૦/૧૦ વ્‍યકિતને અજમેર શરીફ સાથે લઇ જવાશે અને એ માટે ૮ બસોની વ્‍યવસ્‍થા કરાઇ છે. આ ઉપરાંત મોટર ગાડીઓનો કાફલો પણ સાથે રહેશે અને અજમેર શરીફમાં ગરીબ નવાઝ ગેસ્‍ટ હાઉસમાં માત્રસ્ત્રીઓ અને સરવર ગેસ્‍ટ હાઉસમાં માત્ર પુરૂષોને રહેવાની વ્‍યવસ્‍થા કરવામાં આવી છે.

આ તમામ સમુહને જમવાની પણ વ્‍યવસ્‍થા કરવામાં આવી છે. રસોયા સહીતનો સામાન સાથે રહેશે. એ ઉપરાંત કન્‍યાઓને કરીયાવર અને અજમેર શરીફ આવવા-જવાનો ખર્ચ સંસ્‍થા પોતે ઉઠાવશે.

આ સમુહ શાદીમાં રાજકોટ સહીત સૌરાષ્‍ટ્રના ગરીબ વર્ગના વર-કન્‍યા જોડાયેલા છે જે કાફલો આજે બપોરે નહેરૂનગરથી અજમેર શરીફ જવા રવાના થયેલ.

આ સમગ્ર કાર્યક્રમ માટે ઇસ્‍માઇલભાઇ  શેખ, રફીકભાઇ કારીયાણીયા, સલીમભાઇ કારીયાણીયા, હુસૈનભાઇ સૈયદ, અસલમભાઇ શેખ, હાજી હુસૈનભાઇ માંડલીયા, ઇલીયાસભાઇ, હારૂનભાઇ શાહમદાર, મુકેશભાઇ દોશી, જતીનભાઇ માનસેતા, સંજયભાઇ ટીલાળા, અજયભાઇ ગોહીલ અને હરીસિંઘ ગુરૂદ્વારા સહીતના સમાજસેવીઓ જહેમત ઉઠાવી રહયા છે.

(12:16 pm IST)
  • ઇન્કમટેક્સ અધિકારીઓએ આજે ​​ફિલ્મ નિર્માતા વિક્રમાદિત્ય મોટવાને, કે જે ફેન્ટમ ફિલ્મ્સના સ્થાપક સભ્યોમાં હતા, અને ક્વાન ટેલેન્ટ મેનેજમેન્ટ એજન્સીના વિજય સુબ્રમણ્યમના નિવાસ સ્થળો પર દરોડો પાડ્યો છે : ટેક્સ ચોરીના મામલે ફેન્ટમ ફિલ્મ્સ સાથે સંકળાયેલા લોકો પર IT દ્વારા દરોડા પાડવામાં આવી રહ્યા છે. access_time 5:29 pm IST

  • કોંગ્રેસના ધારાસભ્ય કિરીટ પટેલના ભાઇ ડો. કે.સી. પટેલની ધરપકડ : બ્રહ્મસમાજની પત્રીકા વાયરલ થવાના મામલે કોંગ્રેસના ધારાસભ્ય કિરીટ પટેલના ભાઇ ડો. કે.સી. પટેલની ધરપકડ કરાયાનું બિનસત્તાવાર સુત્રોમાંથી જાણવા મળે છે access_time 1:22 pm IST

  • બ્રાઝિલ અને અમેરિકામાં ફરી કોરોના કેસોમાં ઉછાળો આવ્યો: ભારતમાં પણ અચાનક કેસો વધીને ૧૭ હજારને વટી ગયા: બ્રાઝિલમાં ૭૪ હજાર: યુએસએમાં ૬૬ હજાર: ફ્રાન્સ ૨૬ હજાર: ઈટાલી ૨૦ હજાર: ભારત ૧૭ હજાર નવા કેસ, ૮૯ નવા કેસ, ૧૪ હજાર સજા થાય, ગઈ રાત સુધીમાં ૧૫ હજાર નવા કેસ નોંધાયેલ: જર્મની અને રશિયા ૧૦ હજાર: ઇંગ્લેન્ડ ૬ હજાર, કેનેડા ૨૮૦૦: યુનાઇટેડ આરબ અમીરાત ૨૭૦૦, સાઉદી અરેબિયા ૩૩૧: જ્યારે ચીનમાં ૧૦ ઓસ્ટ્રેલિયા ૧૧ અને હોંગકોંગમાં ૧૪ નવા કોરોના કે આજ સવાર સુધીમાં નોંધાયા છે access_time 10:53 am IST