Gujarati News

Gujarati News

News of Thursday, 4th January 2018

આ...લે...લે...

કાર્પેટ વેરાના રિ-સર્વેમાં ઉઘરાણાનું તુત

પરપ્રાંતીય ભાડુતોને વેરો ઓછો કરવાની ખુલ્લી ઓફરઃ મકાન માલીક રાજકીય આગેવાન નિકળ્યા અને પોલ ખુલી ગઇ

રાજકોટ, તા., ૪: મ્યુ. કોર્પોરેશન દ્વારા મકાનવેરામાં કાર્પેટ એરીયા પધ્ધતીથી આકારણીની કામગીરી કોન્ટ્રાકટ પધ્ધતીથી થઇ રહી છે.

જેમાં ક્ષતી રહી ગઇ હોય તો તેના માટે હાલમાં રિ-સર્વે થઇ રહયો છે. પરંતુ આ રિ-સર્વેમાં પણ ઉઘરાણા થઇ રહયાની ફરીયાદ ઉઠવા પામી છે.

આ અંગે કોર્પોરેશનનાં રાજકીય અગ્રણીને કડવો અનુભવ થતા તેઓએ સતાવાર ફરીયાદની તજવીજ હાથ ધરી છે.

આ અગ્રણીનાં જણાવ્યા મુજબ તેઓની માલીકીનાં મકાનમાં રહેતા ભાડુઆતને આજે વેરા આકારણીના રિ-સર્વેમાં આપેલ. કોન્ટ્રાકટરનાં કર્મચારીઓએ સૌ પ્રથમ વધુ વેરો આવશે તેમ કહીને ડરાવ્યા અને ત્યાર બાદ વેરો ઓછો કરી દેવાની ઓફર કરતા આ ભાડુઆતે મકાન માલીક રાજકીય આગેવાનને સ્થળ ઉપર બોલાવતાં રિ-સર્વેમાં આવેલ કર્મચારીઓ વેરો ઓછો કરવા માટે આ રાજકીય અગ્રણી સાથે વાટાઘાટો કરવા લાગ્યા હતા. અંતે આ આગેવાને પોતાની ઓળખ છતી કરતા રિ-સર્વેમાં આવેલ કર્મચારીઓ કાકલુદી કરી માફી માંગવા લાગ્યા હતા.

આમ વેરા આકારણીની ક્ષતીઓ શોધવા માટે રિ-સર્વેમાં પણ કોન્ટ્રાકટથી જ કાર્યવાહી થતી હોય મોટા પાયે ગેરરીતી થઇ રહયાની શંકાઓ જાગી રહી છે.

(4:15 pm IST)
  • ભારતે લીધો બદલોઃ ૧૦ થી ૧૨ પાકિસ્તાની સૈનિકોને ભારતીય સેનાએ કર્યા ઠારઃ ર પાકિસ્તાની ચોકી પણ ઉડાવી access_time 1:17 pm IST

  • બોલીવુડમાં લગ્ન કરવાની જાણે હોડ લાગી હોય તેમ હવે રણવીરસીહ અને દીપિકા પાદુકોણ પણ 5 જાન્યુઆરીએ, દીપિકાના ૩૨માં જન્મદિવસે સગાઈ કરવાના હોવાનું જોરશોરથી ચર્ચાય રહ્યું છે. હાલમાંજ બન્નેએ થર્ટી ફર્સ્ટની ઉજવણી એકસાથે શ્રીલંકામા કરી હોવાનું મીડ-ડે અખબારના હવાલાથી જાણવા મળે છે. access_time 10:13 am IST

  • લોકસભામાં એક લેખિત જવાબમાં, રેલવેના રાજ્ય પ્રધાન રાજન ગોહૈને જણાવ્યું હતું કે ટિકિટ બુકિંગ માટે આધાર નંબર ફરજિયાત બનાવવા માટે કોઈ દરખાસ્ત નથી. જો કે, 1 જાન્યુઆરી, 2017થી વરિષ્ઠ નાગરિકો માટે રાહતભાવની રેલવે ટિકિટોના બુકિંગ માટે આધાર નમ્બરની નોંધણી સ્વૈચ્છિક ધોરણે રજૂ કરવામાં આવી છે. access_time 10:00 am IST