Gujarati News

Gujarati News

News of Thursday, 4th January 2018

ફી વધારાની દરખાસ્ત ન કરનાર સ્કુલોની યાદી બહાર પાડવા વાલી મંડળની માંગણી

ફી નિયમન એકટનો અમલ કરવાની સ્પષ્ટતા કરવા ડીઇઓની રજુઆત

રાજકોટ, તા., ૪: ગુજરાત સરકારે શાળઓ માટે ફી વિધેયક બનાવ્યું હતું જેને ગુજરાત હાઇકોર્ટે યોગ્ય ઠેરવી વાલી અને સરકારની તરફેણમાં ચુકાદો આપ્યો હતો. આ ચુકાદાની અમલવારી માટે વાલી મંડળ દ્વારા રજુઆતો થઇ હતી.

વાલી મંડળ રાજકોટ દ્વારા રાજકોટ જિલ્લા શિક્ષણાધીકારીને રજુઆત કરી જણાવ્યું છે કે રાજકોટ શહેર જિલ્લામાં રાજય સરકારના ફી નિર્ધારણ કાયદા સામે હાઇકોર્ટમાં જનારી મોટી ખાનગી શાળાઓને હાઇકોર્ટે રાહત ન આપતા દરખાસ્ત ન કરનારી પ્રાથમીક, માધ્યમિક અને ઉચ્ચતર માધ્યમિક શાળાઓની માહીતી આપવા માંગ કરી છે.

વાલી મંડળે રજુઆત કરી છે કે ગુજરાત હાઇકોર્ટના આદેશાનુસાર ફી નિર્ધારણ કાયદા અન્વયે ફી નિર્ધારીત કરેલ છે. તેનો અમલ ચાલુ સત્રમાં જ થવાનો શિક્ષણમંત્રીએ આદેશ આપેલ છે. ચાલુ સત્રની ર૦૧૭-૧૮ દરમિયાન વસુલેલ વધુ ફી પરત મજરે આપીને ફી નિર્ધારણ કાયદાનો ચુસ્ત અમલ કરવાનો આપેલ સુચનાનો અમલ કરવા અપીલ કરી છે.

વાલી મંડળની રજુઆતમાં પ્રો. જયેશ વ્યાસ, રમેશભાઇ ધકાણ, સોજીત્રાભાઇ, હિરેનભાઇ પોપટ, શશીકાંતભાઇ કંસારા, રાજુભાઇ કીયાડા સહીતના જોડાયા હતા.

(4:14 pm IST)
  • બોલીવુડમાં લગ્ન કરવાની જાણે હોડ લાગી હોય તેમ હવે રણવીરસીહ અને દીપિકા પાદુકોણ પણ 5 જાન્યુઆરીએ, દીપિકાના ૩૨માં જન્મદિવસે સગાઈ કરવાના હોવાનું જોરશોરથી ચર્ચાય રહ્યું છે. હાલમાંજ બન્નેએ થર્ટી ફર્સ્ટની ઉજવણી એકસાથે શ્રીલંકામા કરી હોવાનું મીડ-ડે અખબારના હવાલાથી જાણવા મળે છે. access_time 10:13 am IST

  • જમ્મુ અને કાશ્મીરના આરએસ પુરા સેક્ટરના અર્નિયા વિસ્તારમાં આંતરરાષ્ટ્રીય સરહદ પર બોર્ડર સિક્યોરિટી ફોર્સ (બીએસએફ) દ્વારા એક ઘૂસણખોરને ઠાર કરાયો છે. access_time 9:52 am IST

  • વિદેશ પ્રધાન સુષ્મા સ્વરાજે જણાવ્યું હતું કે ભારત સંયુક્ત રાષ્ટ્ર (યુએન)માં હિન્દી ભાષાને અધિકૃત ભાષાનો દરજ્જો દેવડાવવા માટે જરૂરી ખર્ચ કરવા તૈયાર છે, પરંતુ તેમાં યુએનના નિયમો અવરોધરૂપ છે. વાસ્તવમાં, યુએનમાં સત્તાવાર દરજ્જો દેવડાવવા માટે 193 દેશોમાં 129 દેશોનું સમર્થન જરૂરી છે. access_time 10:12 am IST