Gujarati News

Gujarati News

News of Thursday, 4th January 2018

કોર્પોરેશન કચેરી સામેજ જાહેરમાં શૌચક્રીયાઃ ''સ્વચ્છ એપ''ની ફરિયાદનું પણ સુરસુરિયુ

રાજકોટ તા. ૪: સ્વચ્છતા મુદ્દે મ્યુ. કોર્પોરેશનનાં તંત્રવાહકો દરરોજ મોટી મોટી જાહેરાતો કરે છે. પરંતુ ખાટલે મોટી ખોટ હોય તેમ મ્યુ. કોર્પોરેશનની કચેરી સામેજ જાહેરમાં શૌચક્રિયા થતી હોવાનાં કારણે ગંદકી ફેલાઇ રહ્યાની ફરિયાદ મ્યુ. કોર્પોરેશન કચેરી સામે આવેલા શો-રૂમ ત્થા દુકાન ધારકોએ મ્યુ. કમિશ્નરને કરી છે. અને તેમાં જણાવાયું છે કે ''સ્વચ્છ એપ''માં ફરિયાદ કરવા છતાં આ ગંદકી હજુ યથાવત છે.

મ્યુ. કોર્પોરેશનની સેન્ટ્રલ ઝોન કચેરીની બરાબર સામે આવેલ સૌરાષ્ટ્ર રેફ્રીજરેશન, શ્રીરામ પાઇપ્સ, અશોક મેટલ્સ, જય એન્ટરપ્રાઇઝ વિગેરેનાં સંચાલકોએ મ્યુ. કમિશ્નરશ્રીને કરેલી આ રજુઆતમાં જણાવાયું છે કે 'અહિંની બંધ શેરીમાં અઠવાડીયે ૧ વખત સફાઇ તો થાય છે પરંતુ આ સ્થળે જાહેરમાં શૌચક્રિયાને કારણે અસહ્ય ગંદકી ફેલાઇ રહી છે. અને ગંૅકદીનાં ગંજથી મચ્છરોનો ઉપદ્રવ વધ્યો છે. રોગચાળો ફેલાવાનો ભય ઉભો થયો છે.

આ બાળકો ''સ્વચ્છ એપ''માં પણ ફોટા પાડીને ફરિયાદ નોંધાવાઇ છે. ઓન લાઇન ફરિયાદ પણ નોંધાવાઇ છે. છતાં સફાઇ થતી નથી ત્યારે આ સમસ્યા ઉકેલવા અસરકારક પગલા લેવા દુકાનદારોએ માંગ ઉઠાવી છે.

(3:37 pm IST)
  • હાલમાં થયેલ મહારાષ્ટ્રમાં હિંસાઓના મામલામાં પોલીસે અત્યાર સુધીમાં ૧૬ FIR નોંધી છે અને લગભગ ૩૦૦ ઉપ્દ્રવીયોની ધરપકડ કરી છે. access_time 11:05 am IST

  • લોકસભામાં એક લેખિત જવાબમાં, રેલવેના રાજ્ય પ્રધાન રાજન ગોહૈને જણાવ્યું હતું કે ટિકિટ બુકિંગ માટે આધાર નંબર ફરજિયાત બનાવવા માટે કોઈ દરખાસ્ત નથી. જો કે, 1 જાન્યુઆરી, 2017થી વરિષ્ઠ નાગરિકો માટે રાહતભાવની રેલવે ટિકિટોના બુકિંગ માટે આધાર નમ્બરની નોંધણી સ્વૈચ્છિક ધોરણે રજૂ કરવામાં આવી છે. access_time 10:00 am IST

  • જમ્મુ અને કાશ્મીરના આરએસ પુરા સેક્ટરના અર્નિયા વિસ્તારમાં આંતરરાષ્ટ્રીય સરહદ પર બોર્ડર સિક્યોરિટી ફોર્સ (બીએસએફ) દ્વારા એક ઘૂસણખોરને ઠાર કરાયો છે. access_time 9:52 am IST