Gujarati News

Gujarati News

News of Wednesday, 3rd January 2018

લીંબડી - અમદાવાદ હાઇવે ઉપર કાર પલ્‍ટી જતા ૩ ના મોત : બે દંપતી ખંડીત

રાજકોટ તા.૩ : રાજકોટ - અમદાવાદ હાઇવે ઉપર આજે સાંજે ઇનોવા કારનું ટાયર ફાટતા કાર પલ્‍ટી જતા ૩ વ્‍યકિતના મોત થયા છે.

પ્રાપ્ત માહિતી મુજબ રાજકોટ અમદાવાદ હાઇવે ઉપરના લીંબડી નજીકના ખાનપરના પાટીયા પાસે ઇનોવા કાર પલ્‍ટી ખાઇ જતા ઘટના સ્‍થળે ત્રણ વ્‍યકિતના મોત થયા છે.

મૃતકોમાં ર મહિલા અને એક પુરૂષ હોવાનું જાણવા મળ્‍યુ છે. આણંદ પાસીંગની ઇનોવા કાર પલ્‍ટી જતા  આ અકસ્‍માતમાં મૂળ કચ્‍છના હાલ હૈદરાબાદ સ્‍થિત બે દંપતી ખંડીત થયાનું જાણવા મળ્‍યું છે. મૃતકોમાં લલીતભાઇ, દિપાલીબેન  અને કીર્તીબેન હોવાનું જાણવા મળ્‍યું છે. જયારે ઇજાગ્રસ્‍તો માં મીનાક્ષીબેન લલીતભાઇ, કીરણભાઇ શાંતીલાલ અને રાજશેખરભાઇને ઇજા થઇ હતી.

વધુમાં મળતી વિગત મુજબ મૂળ કચ્‍છના દેસલપર - નખત્રાણાનો પટેલ પરિવાર છે જે હાલ સિકન્‍દરાબાદ -હૈદરાબાદ રહે છે. કચ્‍છ -દેસલપર જતા આ બનાવ બન્‍યો હતો.

રાજશેખર રાધવેન્‍દ્ર અને કીર્તીબેન રાજશેખર સિન્‍દરાબાદના છે અને આ પટેલ પરિવારના મિત્ર છે.

ઘટના સ્‍થળે ડીવાયએસપી પ્રદિપસિંહ જાડેજા દોડી ગયેલ છે. 

(9:49 pm IST)
  • લોકસભામાં એક લેખિત જવાબમાં, રેલવેના રાજ્ય પ્રધાન રાજન ગોહૈને જણાવ્યું હતું કે ટિકિટ બુકિંગ માટે આધાર નંબર ફરજિયાત બનાવવા માટે કોઈ દરખાસ્ત નથી. જો કે, 1 જાન્યુઆરી, 2017થી વરિષ્ઠ નાગરિકો માટે રાહતભાવની રેલવે ટિકિટોના બુકિંગ માટે આધાર નમ્બરની નોંધણી સ્વૈચ્છિક ધોરણે રજૂ કરવામાં આવી છે. access_time 10:00 am IST

  • બિહારના સમસ્તીપુર શહેરના ગોલા રોડ પરની યુકો બેન્કમાંથી ૮ સશસ્ત્ર લૂંટારૂઓએ 52 લાખ રૂપિયાની લૂંટ ચલાવી નાસી છુટ્યા : પોલીસે ઘટના સ્થળે પહુચીને તપાસ શરુ કરી : તમામ લૂંટારૂઓ સવારે 10-15 વાગ્યે બાઈક પર બેંકમાં પહોચ્યા હતા. access_time 3:51 pm IST

  • મહારાષ્ટ્રની હિંસાનો પાટણમાં ગઈકાલે પડઘોઃ બામસેફના કાર્યકરોનું વિરોધ પ્રદર્શનઃ ચાણસ્મા-રાધનપુર હાઈવે પર ચક્કાજામ ,ટોળાએ ટાયર સળગાવી ચકકાજામ કયોઃ પોલીસે ટોળાને વિખેરી હાઇવે ખુલ્લો કર્યો access_time 11:24 am IST