Gujarati News

Gujarati News

News of Wednesday, 3rd January 2018

સ્વાતંત્ર્ય સેનાની ચંદુભાઈ તેજુરાના પુત્ર અને વેબસાઈટ ડેવલોપર્સવાળા જતીનભાઈનું દુઃખદ અવસાન

હૃદયરોગનો હુમલો જીવલેણ નિવડ્યો : સાંજે સ્મશાનયાત્રા

રાજકોટ, તા. ૩ : સ્વાતંત્ર્ય સેનાની ચંદુભાઈ તેજુરાના પુત્ર અને વેબસાઈટ ડેવલોપીંગના કાર્ય સાથે સંકળાયેલા જતીનભાઈ કારીયા (ઉ.વ.૫૯)નું આજે બપોરે હૃદયરોગનો હુમલો આવતા દુઃખદ અવસાન થયુ છે.

જતીનભાઈને ઘણા લાંબા સમયથી વાલની તકલીફ હતી. આજે સવારે તેઓને હૃદયરોગનો હુમલો આવતા તેમના પરિવારજનો વોકહાર્ટ હોસ્પિટલ ખાતે લઈ ગયા હતા. પરંતુ તબીબોની સારવાર કારગત નિવડી ન હતી.

સદ્દગત જતીનભાઈ ભાઈ-બહેનોમાં ત્રીજા નંબરના હતા. જેમાં સ્વ. અનિલભાઈ, મુકેશભાઈ, જતીનભાઈ અને પરાગભાઈ, બીનાબેન, ટીનાબેન અને રીટાબેન છે. તેઓ 'બકુલ'ના હુલામણા નામથી ઓળખાતા. તેઓ વેબસાઈટ ડેવલોપમેન્ટ અને ડીરેકટરી પબ્લીકેશનનું કામ કરતા હતા. સદ્દગત જતીનભાઈના બહેન મુંબઈ હોય, તેઓના આવ્યા બાદ મોડી સાંજે સ્મશાનયાત્રા નીકળશે તેમ પરાગભાઈ તેજુરા (મો.૯૪૨૬૨ ૫૪૬૧૧)એ જણાવ્યુ હતું.

સદ્દગતની સ્મશાનયાત્રા 'પરાગ', શ્રીજીનગર - ૭, રામેશ્વર ચોક, રાજકોટ ખાતેથી નીકળશે.(૩૭.૧૧)

(3:29 pm IST)
  • મુંબઈના મરોલ વિસ્તારની મૈમુલ બિલ્ડિંગમાં આગ લાગવાથી એક જ કુટુંબના ચાર લોકોના મોતથી અરેરાટી ફેલાઈ ગઈ છે access_time 9:07 am IST

  • વિદેશ પ્રધાન સુષ્મા સ્વરાજે જણાવ્યું હતું કે ભારત સંયુક્ત રાષ્ટ્ર (યુએન)માં હિન્દી ભાષાને અધિકૃત ભાષાનો દરજ્જો દેવડાવવા માટે જરૂરી ખર્ચ કરવા તૈયાર છે, પરંતુ તેમાં યુએનના નિયમો અવરોધરૂપ છે. વાસ્તવમાં, યુએનમાં સત્તાવાર દરજ્જો દેવડાવવા માટે 193 દેશોમાં 129 દેશોનું સમર્થન જરૂરી છે. access_time 10:12 am IST

  • ગુજરાતમાં વિપક્ષી નેતા મામલે ચાલી રહેલી ખેચતાણ વચ્ચે આજે અલ્પેશ ઠાકોરે એક નિવેદન આપ્યું હતું કે "હું વિપક્ષના નેતાની રેસમાં નથી, અને પાર્ટી જેને નક્કી કરશે તેને સહકાર આપીશ." access_time 4:05 pm IST